2Sam 14:4 - ÎVUKU RÎA ÛVORO MWARO

⁴ Mûndûmûka ûcio nîwathiîre kûrî mûthamaki akîînamîrîra nthî na gîtîîo na akiuga atîrî, “Nakûthaitha ûndethie mwathi wakwa!”

2Sam 14:4 ပူးပေါင်းရင်းမြစ်များ

2Sam 1:2

Naguo mûthenya wa kathatû mwanake ûmwe nîwaûkire aumîte kûrîa Saûlo maambîte magema. Eekîrîte nguo ino ndembûkangu na ageîtîrîria mûthetu kîongorî gîake. Rîrîa mwanake ûcio aakinyire kûrî Daudi, nîwenamîrîrie ûthiû wake nthî na gîtîîo mbere yake.

2Sam 14:22

Joabu nîwenamîrîre mbere ya mûthamaki na gîtîîo na akîmwîra atîrî, “Ngai arokûrathima mwathi wakwa mûthamaki! Rîu nînamenya, atî nîngûkenetie nîûndû nîwetîkîra kûmbîka ûrîa ngûrîtie.”

2Sam 14:5

Nake mûthamaki nîwamûûririe atîrî, “Ûrenda atîa?” Nake mûndûmûka agîcokia atîrî, “Mwathi wakwa nie nîrî mûndûmûka wa ndigwa, nîûndû mûthuuri wakwa nîwakwire.

2Sam 18:28

Ahimaazi nîwathiîre kûrî mûthamaki na akîmûkethia. Nîwegwîthirie nthî mbere ya mûthamaki na akîmwîra atîrî, “Ngai-Mûnene, Ngai waku arogoocwa, ûrîa ûtûmîte ûvoote andû arîa marakûgomerete we mwathi wakwa!”

1Sam 20:41

Mwanake ûcio arîkia kûthiî, Daudi nîwaumîrire varîa eethithîte vuva ya kîrûndo Kîam mathiga, agîturia maru na akînamîrîra nthî maita mathatû. Nao oîrî, Jonathani na Daudi nîmaamumunyanire makîrîraga. Daudi aarî na kîeva kîngî gûkîra Jonathani.

1Sam 25:23

Na rîrîa Abigaeli oonire Daudi, nîwaumire îgûrû rîa mvunda na îvenya na akîîgwîthia nthî mbere ya Daudi,