2Sam 14:14 - ÎVUKU RÎA ÛVORO MWARO

¹⁴ Tuonthe nwanginya tûgaakua; tûvana ta manjî metîkîte nthî, marîa matangîoceka rîngî. Wanake Ngai ndangîcokia mwoyo mûndû ûrîa ûrîkîtie gûkua, nwatî mûthamaki nwa avote gûcaria njîra ya gûcokia mûciî mûndû ûrîa ûrî îthamîriorî.

2Sam 14:14 ပူးပေါင်းရင်းမြစ်များ

2Sam 11:25

Daudi nîwerire mûnjaama ûcio atîrî, “Ûmîrîria Joabu na ûmwîre ndagatangîke nîûndû wa ûndû ûcio, nîûndû gûtirî mûndû ûngîvota kûmenya nî mûndû ûrîkû ûngîkuîra mbaararî. Mwîre arîtharîkîre na vinya nginya avootane na acunane îtûûra rîu.”

2Sam 14:15

Rîu mwathi wakwa nie mbûkîte gûkwîra ûvoro ûyû nîûndû andû nîmambîkîrîte guoya. Kwoguo neciria mbarie nawe nîrî na mwîvoko, atî nîûkûmvingîria ûrîa ngûkwîra.

1Atha 11:39

Nîngaaverithia njiarwa cia Daudi nîûndû wa wîvia wa Solomoni; nwatî ndigaatûûra nîmaverithagia.’ ”

Ayubu 14:14

Mûndû angîkua nwa ariûke? Nwatî nîmbîkara ngwetererete ngîrutaga wîra, nginya îvinda rîa kûrekererua rîkinye, rîrîa mathîna makaathira.

Ayubu 30:23

Nîmbicî atî ûmvirîte gîkuûrî, kûrîa andû arîa marî mwoyo mathiîcaga.

Ayubu 34:15

kîndû kîonthe kîrî mwoyo nîkwa kîngîkua, na mûndû agacoka rûkûngûrî.

Ayubu 34:19

Ndonanagia kîmenyano kûrî anene, ndarûmbûyanagia na itonga gûkîra athîni, nîûndû onthe maûmbirwe nîke.

Thaburi 22:14

Nie nîrî mûthiru vinya, nthirîte vinya ta manjî metîkîte nthî. Mavîndî makwa monthe nîmatigithanu, ngoro yakwa îkariî ta mûvûra ûrî mûrarûku.

Thaburi 22:15

Mûmero wakwa ûnyarîte ta rûkûngû, na rûrîmî rwakwa rûnyitanîte na nthîa. Nî ûndiganîrîtie nthiî kwa arîa akuû.

Thaburi 58:7

Maroûrîra ta manjî makîûrîra mûtheturî; marokinyangwa na maûme ta nyaki îrî njîrarî.

Thaburi 77:8

Nîkwa wendo wake ûrîa ûtathiraga ûrî mûthiru? Anga ndakaavingia ciîranîro ciake?

Thaburi 79:3

Nîmetûrûrîte nthakame ya andû aku ta manjî Jerusalemu, na gûtirî mûndû ûtigarîte wa kûthika andû acio akuû.

Thaburi 90:10

Ûtûûro wetû nîwa mîaka mîrongo mûgwanja, kana ethîrwa tûrî na vinya tûgîkinyia mîaka mîrongo înana; nwatî wîcûrîtwe nî mathîna na mînyamaaro; mîaka îo îthiraga na îvenya natue tûgacoka tûkathira.

Thaburi 90:3

Wîraga andû atîrî, “Cokani mûtheturî!” Nake mûndû nîacokaga mûtheturî kûrîa aaumire.

Ntha 21:13

Nwatî angîmûraga atakwenda, mûndû ûcio ûraganîte nwa athiî aûrîre kûndû kûrîa ngaamûthuurîra gûtarî na ûgwati.

Mûvunjia 9:5

Andû arîa marî mwoyo nîmaicî atî nîmagaakua. Nwatî andû arîa akuû gûtirî ûndû maicî. Gûtirî kîveo makaavewa na matikaaririkanwa.

Maca 3:31

Ngai-Mûnene ndagaatûtiganîria tene na tene,

Ezek 18:23

Mûreciria nwa ngenerere gîkuû Kîam mûndû mwîvia? Ûguo nîguo Ngai-Mûnene araûria? Naarî. Kinthî tîkava agarûrûke atige njîra îo atûûre mwoyo.

Alawi 26:40

“Nwatî njiarwa cienyu nî ikaaumbûra mevia mao na mevia ma methe mao ma tene, arîa maareganire nanie na makîrega kûmbathîkîra.

Ndari 35:15

Matûûra mau matandatû nî ma kwîthithwa nî andû a Isiraeli, ageni arîa mûtûûranagia nao na evîtûkîri.

Ndari 35:25

Andû nîmagaatethûra mûndû ûcio ûraganîte atakwenda kuuma kûrî mûndû ûrîa wîtanîtue na mûndû ûcio ûragîtwe. Andû nîmagaacokia mûndû ûcio ûraganîte atakwenda îtûûrarî rîa kwîthitha, kûrîa aarî mbere. Mûndû ûcio ageekara îtûûrarî rîu nginya rîrîa Mûthînjîri-Ngai mûnene ûrîa wathuurîtwe na njîra ya kûvakwa maguta mamûre agaakua.

Ndari 35:28

Mûndû ûcio ûraganîte nwanginya ekare îtûûrarî rîa kwîthitha nginya rîrîa mûthînjîri-Ngai ûrîa mûnene agakua; nwatî rîrîa mûthînjîri-Ngai ûcio mûnene agaakua, mûndû ûcio ûraganîte nwa acoke mûciî.

Mathaayo 22:16

Nîmaatûmire arutwa ao na andû amwe a Kîamma Kîam Aerodia kûrîke na makîmwîra atîrî, “Mwarimû, tue nîtwîcî atî we waragia ûma na nîûthomithagia andû ûma wîgiî wendi wa Ngai ûtakûmakua nî ûrîa magwîciria. Na ndwendaga kûmenya mûndû nî wa ngathî îrîkû.

Ciîko 10:34

Petero nîwatumûrire kanyua na akiuga atîrî, “Rîu nie nînamenya na ma atî Ngai ndarî kîmenyano.

Aroma 2:11

Nîûndû Ngai atucagîra andû onthe ûndû ûmwe.

Gûco 10:17

Nîûndû Ngai-Mûnene Ngai wenyu, nîke Ngai wa ngai irîa ciîngî, na Mwathani wa athani. Ke nî mûnene, arî vinya na nîwagîrîrwe nî gwîtigîrwa. Ke ndacagûranagia na ndamûkagîra mavaki.

Ahib 9:27

Ûrîa kûrî nî atî mûndû wa wonthe nwanginya akue rita rîmwe, na vuva wa gûkua atuîrwe nî Ngai.

1Pet 1:17

Rîrîa mûravoya Ngai nîmûmwîtaga Vava. Nake atucaga cira ya wa mûndû wa mûndû atarî na kîmenyano. Atucaga cira kûringana na ûrîa wa mûndû wa mûndû ekîte. Kwoguo rîrîa mûrî gûkû nthî tûûragani mûrî na gîtîîo kûrî Ngai.