2Sam 13:31 - ÎVUKU RÎA ÛVORO MWARO

³¹ Vîndî îo mûthamaki nîwarûngamire, agîtembûranga nguo ciake na akîmama nthî nîûndû wa kîmako. Wana ndungata cionthe ciake irîa ciarî vamwe nake nîciatembûrangire nguo ciacio.

2Sam 13:31 ပူးပေါင်းရင်းမြစ်များ

Kîam 37:29

Rîrîa Reubeni aacokire îrimarî na akîthîra Josefu atarî kuo, nîwegwire kîeva na agîtembûranga nguo ciake.

Kîam 37:34

Jakovu nîwatembûrangire nguo ciake na agîkîra nguo ya macakaya kîûnûrî. Nîwacakaîre mûvîcî mîthenya mîngî.

2Sam 1:11

Daudi na andû arîa maarî nake nîmaatembûrangire nguo ciao nîûndû wa kîeva.

2Sam 12:16

Daudi nîwavoere kaana kau nîguo kavone. Nîwenyerekirie na ûtukû nîwatonyaga nyomba gwake na akarara amamîte nthî.

2Sam 13:30

Vîndî îrîa maarî njîrarî menûkîte, Daudi nîwerirwe atîrî, “Abusalomu nîaûragîte anake aku onthe na gûtirî wanarî ûmwe ûtigarîte!”

2Sam 3:31

Nake Daudi nîwerire Joabu na andû ake matembûrange nguo ciao, mekîre nguo cia macakaya na marîrîre Abineri. Nao makîthiî kûmûthika, mûthamaki Daudi nîwaumire îthandûkû rîrîa rîekîrîtwe mwîrî wa Abineri vuva.

Ayubu 1:20

Nake Ayubu nîwaûkîrire na agîtembûranga nguo ciake, akîenjwa kîongo, akîrivania nthî,

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.