2Sam 13:29 - ÎVUKU RÎA ÛVORO MWARO

²⁹ Kwoguo ndungata cia Abusalomu nîciekire wata ûrîa Abusalomu aaciathîte na nîciaûragire Aamoni. Nao anake acio engî onthe a mûthamaki Daudi nîmaatûîre mvunda ciao na makîûra.

2Sam 13:29 ပူးပေါင်းရင်းမြစ်များ

Kîam 36:24

Zibeoni aarî na avîcî aîrî, nao nî: Aia na Ana. (Ûyû nî Ana ûrîa wonire kûndû kûrîa kûtherûkaga manjî mama maviû werûrî akîrîthia mvunda cia îthe Zibeoni.)

2Sam 12:10

Nîûndû wa ûguo, andû amwe kuuma njiarwarî ciaku cionthe magaakua gîkuû Kîam ruuo nîûndû nîûregete kûmbathîkîra na nîwocete mûndûmûka wa Uria.

2Sam 13:30

Vîndî îrîa maarî njîrarî menûkîte, Daudi nîwerirwe atîrî, “Abusalomu nîaûragîte anake aku onthe na gûtirî wanarî ûmwe ûtigarîte!”

2Sam 14:6

Mwathi wakwa nie naarî na anake aîrî. Mûthenya ûmwe, nîmaanegenanîrie kîthakarî kûndû gûtaarî na mûndû wa kûmeguithania. Mwanake ûmwe nîwaringire ûcio wîngî na akîmûraga.

2Sam 18:9

Wa rîmwe Abusalomu atûîte mbarathi yake nîwatûnganire na ndungata imwe cia Daudi. Mbarathi îo nîyavîtûkîrîre rungu rwa mvûa cia mûtî wa mûvuru. Kîongo Kîam Abusalomu nîkîabatîîre gatagatî ka mvûa cia mûtî ûcio. Mbarathi îrîa yamûkuîte nîyathiîre na mbere kûvinyûra nake Abusalomu agîtigwa acurîte mvûarî.

1Atha 1:33

Mûthamaki nîwamerire atîrî, “Thiîni na ndungata ciakwa, na mwîkarîrie Solomoni îgûrû rîa nyûmbû yakwa nie mwene, mûcoke mûmumagarie anyûrûrûke nginya Gihoni.

1Atha 1:38

Kwoguo Zadoku, Nathani, Benaia na ndungata cia mûthamaki nîmekarîrie Solomoni îgûrû rîa nyûmbû ya mûthamaki Daudi na makîmûvira Gihoni.

Nthi 29:12

Mûthamaki angîthikagîrîria maûndû ma maveeni, anene ake onthe matuîkaga aganu.

Alawi 19:19

“Athîkagîrani mawatho makwa. Mûtigatûme nyamû irîa mûrîthagia iciarane itarî cia kîruka kîmwe. Mûtikavande mîthemba îîrî ya mbeû mûgûndarî ûmwe. Mûtigekîre nguo îtumîtwe na itambaa cia mîthemba îîrî.

Mika 7:3

Onthe nîmaicî waro gwîka maûndû marîa macûku; atongoria na acirithania metagia mavaki. Mûndû ûrî îgweta aragia maûndû macûku marîa marî ngororî yake, kwoguo mavangaga vamwe maûndû marîa makwenda.