2Sam 12:7 - ÎVUKU RÎA ÛVORO MWARO

⁷ Nake mûrathi Nathani nîwerire Daudi atîrî, “We nîwe mûndû ûcio, na Ngai-Mûnene, Ngai wa Isiraeli arauga atîrî, ‘Naagûtuire mûthamaki wa Isiraeli na ngîkûvonokia kuuma kûrî Saûlo.

2Sam 12:7 ပူးပေါင်းရင်းမြစ်များ

2Sam 14:13

Mûndûmûka ûcio nîwerire Daudi atîrî, “Nîndûî gîtûmîte wîke andû a Ngai naaî ûguo? We ndwîtîkîrîtie mûvîcîguo ke mwene acoke mûciî kuuma kûrîa aaûrîre, kwoguo nîwetuîrîra ciira we mwene na ciugo ciaku wa rîu.

2Sam 22:1

Rîrîa Ngai-Mûnene aavonokirie Daudi kuuma kûrî Saûlo na nthû irîa ciîngî ciake cionthe Daudi nîwainîre Ngai-Mûnene rwîmbo rûrû:

2Sam 22:49

Nîke Ngai ûrîa ûmvonokagia kuuma kûrî nthû ciakwa. Ngai-Mûnene, we nîûtûmaga mvoote nthû ciakwa, na ûkangitîra kuuma kûrî andû arîa aganu.

2Sam 7:8

“Kwoguo îra ndungata yakwa Daudi, atî nie Ngai-Mûnene mwene vinya wonthe nîramwîra atîrî, ‘Nie naakûrutire kîthakarî kûrîa warîthagia ng'ondu nîguo ûtuîke mûtongoria wa andû akwa a Isiraeli.

1Atha 14:7

Thiî wîre Jeroboamu, Ngai-Mûnene, Ngai wa Isiraeli amwîrîte atîrî, ‘Naakûthuurire kuuma kûrî andû na ngîgûtua mûtongoria wa andû akwa, Aisiraeli.

1Atha 18:18

Nake Elija nîwacokirie atîrî, “Nie ndianarete thîna gûkû Isiraeli; Nwatî we mûrî na andû a mûciî wa aguo nîmue mûretaga thîna gûkû Isiraeli, nîûndû nîmûregete kwathîkîra maathani ma Ngai-Mûnene na mûkagooca mîvuanano ya Baali.

1Atha 20:40

Nwatî nînaagwatirwe nî maûndû mengî na mûndû ûcio akîûra.” Nake mûthamaki wa Isiraeli nîwacokirie atîrî, “We nîwe wetuîra, na nwanginya ûvingie îtuîro rîaku.”

1Atha 20:42

Mûrathi nîwacokire akîra mûthamaki atîrî, “Ngai-Mûnene arauga atî, ‘Nîûndû nîûrekereretie mûndû aûre, ûrîa naathanîte aûragwe, we nîwe ûkûûragwa vandûrî vake, nacio ndungata ciaku ciûragwe nîûndû wa kûrekereria ndungata cia mûndû ûcio ciûre.’ ”

Thaburi 18:1

Ngai-Mûnene, nîngwendete! We nîwe ûngitagîra.

Jeremia 34:6

Nake mûrathi Jeremia nîwacokire akîîra Zedekia mûthamaki wa Juda maûndû mau monthe, arî kûu Jerusalemu,

Danieli 4:22

nîwe mûthamaki. Nîwe ûgîte na vinya nyîngî na ûvoti wa maûndû ma na îgûrû, na wathani waku wîcûrîte nthî yonthe.

Mathaayo 14:14

Rîrîa Jesû aakinyire rûtererî rwa îria, nîwonire kîrîndî kînene na akîringwa nî ntha nîûndû wakîo na akîvonia arîa maarî arwaru.

1Sam 13:13

Nake Samueli nîwerire Saûlo atîrî, “Ûcio nî ûrimû wîkire, we ndûnathîkîra rîathani rîrîa Ngai-Mûnene, Ngai waku aakwathire wathîkagîre. Kethîrwa we nîwathîkire, Ngai-Mûnene nîangîatûma we mûrî na andû a mûciî waku mûtuîke athamaki a andû a Isiraeli tene na tene.

1Sam 15:17

Nake Samueli nîwerire Saûlo atîrî, “Wana ethîrwa wîyonaga takwa ûtarî vata, Ngai-Mûnene nîwagwîtîrîrie maguta ûtuîke mûthamaki wa Isiraeli,

1Sam 16:13

Samueli nîwocire mûcuva ûrîa warî na maguta ma mîtamaiyû îrîa îciaraga matunda na agîtîrîria Daudi maguta aa mûrwang'ina makîonaga. Naguo roho wa Ngai-Mûnene nîwanyûrûrûkîre Daudi wa rîmwe na agîkara nake kuuma mûthenya ûcio. Nake Samueli nîwacokire Rama.

1Sam 18:11

Nake Saûlo akîîra na ngoro atîrî, “Nîmbikia Daudi îtumû nîmûmundanîrie na rûthingo.” Nake nîwaikirie Daudi îtumû maita maîrî wa Daudi akîevagîra.

1Sam 18:21

Saûlo eeîraga na ngoro atîrî, “Tiga mvecane Mikali kûrî Daudi, nîguo atuîke mûtego kûrî ke na nîakûragwa nî Afilisiti.” Kwoguo Saûlo nîwerire Daudi riita rîa kaîrî atîrî, “Rîu we nîûgûtuîka mûthoniwa.”

1Sam 23:14

Daudi nîwekarire ethithîte kûu vûrûrirî ûrîa ûrî irîma kûu werûrî wa Zifu. Saûlo nîwamûcaragia wa mûthenya, nwatî Ngai ndaanenganîra Daudi kûrî Saûlo.

1Sam 23:7

Saûlo nîwerirwe atî Daudi nîwathiîte Keila. Nake Saûlo nîwaugire atîrî, “Ngai nîamûnenganîrîte njararî ciakwa, nîûndû Daudi ke mwene nîwîvingîrîte atonyete îtûûra ririgîre na rîrî na ivingo cia vinya.”