2Sam 12:22 - ÎVUKU RÎA ÛVORO MWARO

²² Daudi nîwacokirie atîrî, “Îî nîguo nînîrenyerekagia na ngarîra rîrîa kararî mwoyo. Nîreciragia Ngai-Mûnene nîakûmbîguîra ntha na avonie kaana kau.

2Sam 12:22 ပူးပေါင်းရင်းမြစ်များ

2Sam 12:21

Nacio ndungata ciake nîciamwîrire atîrî, “Tue tûtiramenya ûguo ûreka. Nîûndû rîrîa kaana kaarî mwoyo, we nîwakarîrîre na ûkîînyerekia. Nwatî rîrîa karakwire ûraûkîrire na warîa irio!”

2Atha 20:3

“We Ngai-Mûnene nakûthaitha ûririkane ûrîa ngûtungatîrîte na wîvokeku na ngoro yonthe, na vîndî cionthe mbîkaga maûndû marîa magûkenagia.” Nîwacokire akîrîra arî na ûrûrû mwîngî mûno.

Isaia 38:5

“Thiî ûkeere Hezekia, Ngai-Mûnene, Ngai wa aguo Daudi arauga atî: ‘Nîmbîguîte îvoya rîaku na nîmonete methori maku; kwoguo nîngûkwongerera mîaka îkûmi na îtano ûtûûrorî waku.

Joeli 1:14

Rutani watho andû menyerekie; îtani andû magomane vamwe. Ûnganiani andû arîa akûrû na andû arîa matûûraga vûrûrirî mûthiî hekarûrî ya Ngai-Mûnene, Ngai wenyu, na mûrî kûu mûrîrîre Ngai-Mûnene.

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Amosi 5:15

Thûrani maûndû macûku na mwende maûndû maro, na mûrûmagîrîre kîvooto magootirî. Nwa kwîthîrwa Ngai-Mûnene, Mwene vinya wonthe nwa akinyîrie njiarwa cia Josefu irîa itigarîte wega wake.

Jona 1:6

Mûtwarithia wa meri nîwathiîre kûrî ke na akîmûria atîrî, “Ûngîvota kûmama ûguo atîa? Ûkîra ûvoye ngai waku! Ngai waku avota gûkwîguîra ntha na agatûvonokia tûtigakue.”