2Sam 12:15 - ÎVUKU RÎA ÛVORO MWARO

¹⁵ Nathani nîwacokire akînenûka gwake mûciî. Ngai-Mûnene nîwatûmire kaana kau mûndûmûka wa Uria maaciarîte na Daudi karûare mûno.

2Sam 12:15 ပူးပေါင်းရင်းမြစ်များ

2Sam 12:14

Nwatî na njîra ya gîîko kîu wîkîte, nîûnyararîte Ngai-Mûnene. Kwoguo kaana kau nwanginya gagaakua.”

2Sam 12:16

Daudi nîwavoere kaana kau nîguo kavone. Nîwenyerekirie na ûtukû nîwatonyaga nyomba gwake na akarara amamîte nthî.

2Atha 15:5

Ngai-Mûnene nîwaverithirie mûthamaki Azaria na njîra ya gûtûma anyitwe nî mûrimû mûcûku wa ngothi, ûrîa aarwarire nginya vîndî îrîa aakwire. Aatûûraga nyomba arî wenga. Mûvîcî Jothamu ûrîa warûngamagîrîra mûciî wa mûthamaki nîke watongoragia andû a vûrûri ûcio.

2Maû 13:20

Jeroboamu ndaacoka kûgîa na vinya rîngî îvindarî rîa wathani wa Abija. Mûthiiarî Ngai-Mûnene nîwatûmire Jeroboamu akue.

Thaburi 104:29

Rîrîa waitiganîria nîciîgucaga guoya, waruta mîvevû ya cio, nîikucaga igacoka rûkûngûrî kûrîa ciaumire.

Ciîko 12:23

Na nîûndû Herode ndaakumia Ngai, mûraika wa Mwathani nîwatûmire arware wa rîmwe. Herode nîwarîrwe nî igunyû na agîkua.

Gûco 32:39

“Menyani rîu atî, Nie nînie Ngai; na gûtirî ngai îngî tiga nie. Nînie mbûragaga na ngariûkia, nînie nguraragia na ngavonia, gûtirî mûndû ûngîvota gûtethûra mûndû njararî ciakwa.

1Sam 25:38

Na mîthenya ta îkûmi yathira, Ngai-Mûnene nîwaûragire Nabali.

1Sam 26:10

Daudi nîwathiîre na mbere kwaria, na nîwaugire atîrî, “Wata ûrîa Ngai-Mûnene atûûraga mwoyo, nie nîmbicî, atî Ngai-Mûnene nîke ûkaaûraga Saûlo rîrîa mûthenya wake wa gûkua ûgaakinya kana agaakuîra mbaararî.