2Sam 12:13 - ÎVUKU RÎA ÛVORO MWARO

¹³ Daudi nîwerire Nathani atîrî, “Nie nîmvîtîrîtie Ngai-Mûnene.” Nake Nathani nîwerire Daudi atîrî, “Ngai-Mûnene nîwakûovera mevia maku, na tîûkua.

2Sam 12:13 ပူးပေါင်းရင်းမြစ်များ

Kîam 39:9

Gûtirî mûndû wîngî mûnene kûngîra mûciî ûyû, na gûtirî kîndû angirîtie tiga we, nîûndû wî mûka. Nie ndingîka ûndû wa waganu mûnene ta ûyû nîûndû nî wîvia kûrî Ngai.”

2Sam 24:10

Daudi arîkia gûtara andû, nîwambîrîrie kûthînua nî thamiri yake, na nîwerire Ngai-Mûnene atîrî, “Nînjîvîtie mûno nîûndû wa ûguo mbîkîte! Nakûthaitha ûnjovere, nîûndû mbîkîte ûguo na ûrimû.”

2Sam 24:17

Daudi oona mûraika ûrîa waûragaga andû, nîwerire Ngai-Mûnene atîrî, “Nînie njîvîtie. Nînie mbîkîte naaî. Gûtirî ûndû andû aya mekîte. Nînie mbagîrîrwe nî kûverithua vamwe na andû a mûciî wakwa.”

1Atha 13:4

Rîrîa mûthamaki Jeroboamu eegwire ûguo, nîworotire mûndû ûcio na njara arûngamîte vau metharî ya kîgongoona na akîathana atîrî, “Nyitani mûndû ûcio!” Wa rîmwe, njara îo mûthamaki oorotete mûrathi nayo nîyaûmagarire na akîremwa nî kûmîthunithia rîngî.

1Atha 21:20

Ahabu nîwaûririe Elija atîrî, “Anga we nthû yakwa nîwamona?” Nake Elija nîwacokirie atîrî, “Nînakwona nîûndû nîwîrutîrîte viû gwîka maûndû macûku mbere ya Ngai-Mûnene.

1Atha 22:8

Ahabu, mûthamaki wa Isiraeli nîwacokirie atîrî, “Kûrî na mûrathi wa Ngai-Mûnene ûmwe ûtigarîte, Mikaia, mûvîcî wa Imula. Nwatî ndimwendete nîûndû ndaanaratha wanarî ûndû mwaro ûmbîgiî; vîndî cionthe andathagîra maûndû mama macûku.” Jehoshafati nîwamûcokerie atîrî, “Mûthamaki, ndwagîrîrwe nî kuga ûguo!”

2Atha 1:9

Mûthamaki nîwacokire agîtûma mûnene wa athigari mîrongo îtano na athigari acio mathiî makagîre Elija. Mûnene ûcio nîwethîre Elija ekarîte nthî gacûmbîrî ga kîrîma na akîmwîra atîrî, “Mûndû wa Ngai, mûthamaki akwîra ûnyûrûrûke.”

1Maû 21:8

Nake Daudi nîwerire Ngai atîrî, “Nînjîvîtie mûno nîûndû wa ûndû ûyû mbîkîte! Nakûthaitha ûnjovere, nie ndungata yaku nîûndû mbîkîte ûguo nîûndû wa ûrimû.”

2Maû 16:10

Mûthamaki Asa nîwarakarire mûno nî ciugo cia mûrathi Hanani na nîwamûvingîrithirie njera. Kuuma vîndî îo Asa nîwambîrîrie kûvinyîrîria andû amwe.

2Maû 25:16

Wa akîaragia, mûthamaki nîwerire mûrathi ûcio atîrî, “Nîkwa tûgûtuîte mûtaari wa mûthamaki? Kira kana ûragwe.” Kwoguo mûrathi nîwakirire, nwatî nîwaugire atîrî, “Nîmbicî atî Ngai nî atuîte agûcûkangie nîûndû wa ûndû ûyû wîkîte na nîûregete kûthikîrîria ûtaaro wakwa.”

Ayubu 33:27

Ke ainaga arî mbere ya andû akauga atîrî, “Nînevirie na ngîregana na maûndû marîa maro, nwatî Ngai ndaamverithia nîûndû wa wîvia ûcio.

Thaburi 103:12

Taûrîa îrathîro na îthûîro iracavanîrîrîtie, nwaguo atûthengutagîria mevia metû kuuma kûrî tue.

Thaburi 51:16

We ndûkenagua nî magongoona, kethîrwa nîûkenagua nîmo, nîngîakûrutîra; we ndûkenagua nî matega ma kûvîvua.

Thaburi 51:4

We wenga nîwe mbîtîrîtie, na nîmbîkîte maûndû marîa wonaga marî macûku. Kwoguo ûnduîrîrîte na kîvooto; nîûnduîrîrîte ûrîa kwagîrîrîte.

Thaburi 51:6

We wendaga ûûma kuuma ngororî; kwoguo mva ûûgî wa ngoro.

Ntha 9:27

Nake mûthamaki nîwatûmanîre Musa na Aroni na akîmera atîrî, “Kavinda gaka nie nînjîvîtie, Ngai-Mûnene ekîte ûrîa kwagîrîrîte. Nwatî nie na andû akwa tûrî avîtiu.

Nthi 25:12

Mûndû mûûgî akaanîtie mûndû ûkûthikîrîria, ekariî ta gîcûvî Kîam thaavu kana mathaga ma thaavu ntheri.

Nthi 28:13

Mûndû ûrîa ûthithaga mevia make ndangîgîa na mûtûûrîre mwaro, nwatî mûndû ûrîa umbûraga na agatiga mevia make nîakeguîrwa ntha nî Ngai.

Isaia 38:17

Naathînîkire ûguo nîûndû wa wagîrîru wakwa, nwatî nîûvonoketie ûtûûro wakwa, kuuma ûgwatirî wa gîkuû, nîûndû nîûnjoverete mevia makwa monthe.

Isaia 43:24

We ndwangûrîra ûbani, kana ûmvaithia na nyama irîa noru cia magongoona maku. Vandû va ûguo we nîûnditûvîrîte na mevia maku, nîûnogetie na mavîtia marîa wîkîte.

Isaia 44:22

Nîmvatîte mavîtia maku ta îtu, na mevia maku ta nundu; njokererani nîûndû nîmûkûûrîte.”

Maca 3:32

wana ethîrwa nîatûmaga twîgue kîeva: ke arî ntha nîûndû wa wendo wake mwîngî ûtathiraga.

Alawi 20:10

Mûndûmûrûme angîkaamenyana kîîmwîrî na mûka wa mûndû ûrîa wîngî, mûndûmûrûme ûcio wana mûndûmûka ûcio nîmakaaûragwa.

Alawi 24:17

“Mûndû wa wonthe ûkaaûragana nwanginya akaaûragwa,

Zakaria 3:4

Mûraika nîwerire arîa maarûngamîte mbere yake atîrî, “Rutani Joshua nguo icio irî na gîko.” Nîwacokire akîra Joshua, mûthînjîri-Ngai mûnene atîrî, “Taroria, nînakûthengutîria wîvia waku wonthe na nîngûgwîkîra nguo cia goro.”

Mathaayo 14:10

Kwoguo Herode nîwatûmanire njeera Johana agatinue kîongo.

Luka 15:21

Nake mwanake ûcio nîwerire îthe atîrî, ‘Vava, nie nîmvîtîrîtie Ngai na ngakûvîtîria. Nie ndirî mwagîrîru wa gwîtwa mûvîcîguo.’

Luka 18:13

“Nwatî mwîtia wa mbeca cia gooti nîwarûngamire vandû varaca na ndangîetîkîrire gûtiira metho make na îgûrû, nwatî ke nwakwa eeriraga akiugaga atîrî, ‘Ûûi Ngai, mbîguîra ntha, nie nîrî mwîvia!’

Ciîko 2:37

Rîrîa andû acio meegwire ûguo, nîmaathînîkire mûno na makîûria Petero na atûmwa acio engî atîrî, “Ariû na aarî a Îthe wetû, tue rîu nîtwîka atîa?”

Ahib 9:26

Nîûndû Kristû angîekire ûguo, nîangîatuîkire wa kûthînua maita meengî mûno kuuma rîrîa nthî yaûmbirwe. Nwatî rîu kûringana na ûrîa kûvana, aaûkire rita rîmwe rîa kwîgana mavinda monthe nîguo na njîra ya îgongoona rîake ke mwene, andû maume meviarî.

1Joh 1:7

Nwatî tûngîthiîra ûtherirî wata ûrîa ke arî ûtherirî, nwa tûgîe na ngwatanîro mûndû na ûrîa wîngî. Nayo nthakame ya Mûriû Jesû îgaatûtheragia kuuma meviarî monthe.

Kûguû 1:5

wana kuuma kûrî Jesû Kristû, Mûira ûrîa mwîvokeku, ûrîa wa mbere kûriûka na nwake Mwathi wa athamaki a nthî. Ke nîatwendete, na nîwatûkûûrire kuuma meviarî na nthakame yake

1Sam 15:20

Nake Saûlo nîwerire Samueli atîrî, “Nie nînathîkîre Ngai-Mûnene. Nînathiîre na ngîka wata ûrîa aambîrire, nînaûkire na Agagi, Mûthamaki wa Amaleki na ngîûraga Amaleki onthe viû.

1Sam 15:30

Saûlo nîwacokirie na akiuga atîrî, “Nie nînjîvîtie, nwatî mva gîtîîo mbere ya atongoria a andû akwa a Isiraeli. Tûcoke nawe nîguo ngagooce Ngai-Mûnene, Ngai waku.”