2Sam 11:8 - ÎVUKU RÎA ÛVORO MWARO

⁸ Nîwacokire akîîra Uria atîrî, “Thiî gwaku mûciî wambe ûkanogoke vanini.” Nake Uria nîwaumire nyombarî ya mûthamaki na akîthiî. Daudi nîwacokire akîmûtûmîra kîveo gwake mûciî.

2Sam 11:8 ပူးပေါင်းရင်းမြစ်များ

Kîam 18:4

Tigani nîmûretere manjî mwîthambie magûrû na mûvurûke rungu rwa mûtî ûyû.

Kîam 19:2

na akiuga atîrî, “Athi akwa, nie nîrî ava nîguo nîmûtungatîre. Nîramûthaitha mûtonye gwakwa nyomba, mwîthambie magûrû na mûrarîrîre. Kîraûko gwakîa nîmûkaaramûka mûthiî.” Nwatî nîmaacokerie Loti atîrî, “Naarî, tue nîtûrara gûkû nja kîvarorî.”

Kîam 43:24

Ndungata îo nîyavirire anake acio a îthe ûmwe mûciî kwa Josefu. Nîyamavere manjî nîguo methambe magûrû, na akîva mvunda ciao irio.

Kîam 43:34

Nîmaaveerwe irio kuuma metharî ya Josefu, na Benjamini akîvewa irio maita matano ma irîa ciaverwe acio engî. Kwoguo nîmaarîre, makînyua na magîkenanîra na Josefu.

Thaburi 12:2

Wa mûndû nîaveenagia ûrîa wîngî, maveenanagia makînyûrûranagia.

Thaburi 44:21

we Ngai, ûngîrî mûmenyu ûvoro ûcio, nîûndû we nîwicî nthitho ya ngoro cietû.

Thaburi 55:21

Ciugo ciao cianyorokete gûkîra kîrimû Kîam îriia, nwatî ngoro ciao mecûrîtwe nî rûmena; ciugo ciao cianyorokete ta maguta, nwatî ciatemaga ta mviû ino mbûgî.

Isaia 29:15

Andû arîa mathithaga Ngai-Mûnene mîvango yao kaî marî na thîna-î! Marûthagîra mîvango yao ndumarî makiugaga atîrî, “Gûtirî mûndû ûratwona, na gûtirî mûndû ûtwicî.”

Luka 12:2

Ûndû wa wonthe mûkunîkîre nîûgaakunûrwa, na wa wonthe mûthithe, nîûkaamenyeka.

Luka 7:44

Nake Jesû nîwacokerie Simoni atîrî, “We nîwaria ma.” Nîwacokire akîvûgûkîra mûndûmûka ûcio na akîîra Simoni atîrî, “Simoni nî ûrona mûndûmûka ûyû? Nie mbûkire na natonya gûkû gwaku nyomba, na ndûnamva manjî ma kwîthambia magûrû. Nwatî ke aconja magûrû makwa na methori make na acoka angiria methori mau na njuîrî ciake.

Ahib 4:13

Gûtirî ûndû wana ûmwe ûngîthithwa Ngai. Maûndû monthe methagîrwa marî ûtherirî na matarî mathithe mbere ya metho make. Na nwanginya tûmûtaaragîrie maûndû monthe marîa twîkaga.