2Sam 11:11 - ÎVUKU RÎA ÛVORO MWARO

¹¹ Nake Uria nîwacokerie Daudi atîrî, “Andû a Isiraeli na Juda marî mbaararî na îthandûkû rîa Kîrîkanîro. Nake mwathi wakwa, Joabu vamwe na ndungata ciake mambîîte magema mao werûrî. Nîngîrathiîre mûciî ngarîe, ngînyunyaga na njoke menyane kîîmwîrî na mûndûmûka wakwa atîa? Nînîvîta na Ngai-Mûnene ûrîa ûtûûraga mwoyo atî, ndîngîrekire ûndû ta ûcio!”

2Sam 11:11 ပူးပေါင်းရင်းမြစ်များ

2Sam 11:10

Rîrîa Daudi aamenyithirue atî Uria ndeenûka gwake mûciî, ke nîwaûririe Uria atîrî, “Ndwîthîrîtwe mûciî gwa kavinda karaca, ûraregire kûthiî mûciî nîkî?”

2Sam 14:19

Mûthamaki nîwaûririe mûndûmûka ûcio atîrî, “Kûrî na ûndû ûmwe Joabu angîthîrwa akwîrîrîte gatagatî ka mama?” Nake mûndûmûka ûcio nîwacokirie atîrî, “Wata ûrîa we ûtûûraga mwoyo mwathi wakwa, ndingîvota gûkararia maûndû mau monthe warîtie. Nî ndungata yaku Joabu îrambîrire ûrîa ngwîka na ûrîa nguuga.

2Sam 20:6

Kwoguo mûthamaki Daudi nîwerire Abishai atîrî, “Sheba mûvîcî wa Bikiri nîke ûgûtûthînia makîria ya Abusalomu. Oca ndungata ciakwa ûmûrûmîrîre na îvenya mbere ya akinya matûûra marîa mairigîre na atûthînie.”

2Sam 7:2

Mûthamaki nîwerire mûrathi Nathani atîrî, “Ta roria wone atî rîu mbîkaraga nyombarî îtumîtwe na mîtarakwe, nwatî îthandûkû rîa kîrîkanîro Kîam Ngai rigîtwe îgemarî!”

2Sam 7:6

Kuuma rîrîa naarutire andû a Isiraeli Misiri nginya ûmûnthî, ndirî natûûra hekarûrî; ndwîre nthiîcaga ngîkaraga îgemarî.

Ndari 32:6

Musa nîwaûririe andû acio a mûvîrîga wa Reubeni na wa Gadi atîrî, “Mue mûrenda gwîkara gûkû rîrîa andû enyu a Isiraeli marî mbaararî?

Johana 13:14

Angîthîrwa nie Mwathani na Mwarimû wenyu nînamûthambia magûrû wa namue nwa nginya mûthambanagie magûrû.

2Tim 2:12

Ethîrwa nîtûkûthiî na mbere kûmîrîria, nîtûkaathana nake. Ethîrwa nwa tûmûkaane, wanake nîagaatûkaana.

1Sam 1:26

Nake Hana nîwaugire atîrî, “Ta mbîtîkîria mwathi wakwa! Wata ûrîa mwathi wakwa ûgûtûûra mwoyo, nie nînie mûndûmûka ûrîa warûngamîte mbere yaku ngîvoya Ngai-Mûnene.

1Sam 14:18

Nake Saûlo nîwerire Ahija, ûrîa mûthînjîri-Ngai atîrî, “Rete îthandûkû rîa Kîrîkanîro rîa Ngai ava.” (Mûthenya ûcio, Ahija aathiîte arîkuîte arî mbere ya andû a Isiraeli.)

1Sam 17:55

Rîrîa Saûlo oonire Daudi athiîte kûrûa na Goliathu, ke nîwaûririe Abineri atîrî, “Abineri, kavîcî gaka nî ka û?” Abineri aarî mûnene wa athigari a Saûlo. Nake Abineri nîwamûcokerie atîrî, “Mwathi wakwa nie ndiîcî kavîcî gaka nî ka û.”

1Sam 20:3

Nwatî Daudi nîwacokerie Jonathani atîrî, “Aguo nîecî waro mûno ûrîa ûmendete na nîatuîte atî tîakûmenyithia ûrîa avangîte gwîka, nîûndû nwa wîgue naaî mûno ngororî. Nwatî nie nîrevîta na Ngai-Mûnene ûrîa ûtûûraga mwoyo nîrî mbere yaku atî, nie ndigarîtie vanini ngue!”

1Sam 25:26

Nî Ngai-Mûnene akûgiririe wîrîvîrîria na njîra ya kûraga nthû ciaku. Na rîu nîngwîvîta na Ngai-Mûnene ûrîa ûtûûraga mwoyo atî nthû ciaku na andû onthe arîa mendaga gûgwîka ûûru makaaverithua ta Nabali.

1Sam 4:4

Kwoguo athuuri acio nîmaatûmire anjaama mathiî Shilo makagîre îthandûkû rîa kîrîkanîro rîa Ngai-Mûnene mwene vinya wonthe, ûrîa wîkaraga gatagatîrî ga Akerubi. Nao anake aîrî a Eli, Hofini na Finehasi wanao nîmaaûkire vamwe na îthandûkû rîa kîrîkanîro.