2Sam 11:1 - ÎVUKU RÎA ÛVORO MWARO

¹ Kîambîrîriarî Kîam mwaka vîndî îrîa athamaki maamenyerete kûthiî mbaararî, Daudi nîwatûmire Joabu, vamwe na ndungata ciake wana Aisiraeli onthe mathiî vamwe. Nao nîmaavootire Aamoni na makîthiûrûrûkîria îtûûra rîa Roba. Nwatî Daudi ke mwene nîwatigirwe Jerusalemu.

2Sam 11:1 ပူးပေါင်းရင်းမြစ်များ

2Sam 10:14

Rîrîa Aamoni moonire atî andû a Sîria nîmatoroka, nîmaatiganîrie Abishai na magîcoka îtûûrarî rîao. Joabu nîwatigire kûrûa na Aamoni na agîcoka Jerusalemu.

1Atha 20:22

Mûrathi nîwacokire akîthiî kûrî mûthamaki wa Isiraeli na akîmwîra atîrî, “Thiî wîvarîrie waro na ûmenye ûrîa ûgwîka, nîûndû mûthamaki wa Sîria nîagaakûtharîkîra îvinda rîu rîngî rîa mvevo.”

1Atha 20:26

Îvinda rîu rîngî rîa mvevo, Benihadadi nîwaûnganirie Asîria na makîthiî îtûûrarî rîa Afeku nîguo makarûe na Aisiraeli.

1Maû 20:1

Kîambîrîria Kîam mwaka mavinda marîa athamaki maamenyerete kûthiî mbaararî, Joabu nîwatongoririe athigari a mbaara na makîthiî vûrûrirî wa Aamoni na makîûgwata. Nîmaarigicîrie îtûûra rîa Raba makîrîtharîkîra na makîrîcûkangia. Nwatî mûthamaki Daudi eekarîte Jerusalemu.

2Maû 36:10

Îvinda rîa mvevo rîa mwaka, mûthamaki Nebukadinezarû nîwatûmanire Jehoiakini agîrwe na avirwe Babuloni vamwe na indo cia goro cia hekarû. Nebukadinezarû nîwacokire agîtua Zedekia, mûrwang'ina na Jehoiakini mûthamaki wa Juda na Jerusalemu.

Thaburi 60:9

Nû ûkaamvira îtûûrarî rîrîa rîgitîre? Nû ûkaandongoreria kûthiî Edomu?

Mûvunjia 3:8

Kavinda ga kwendana na kavinda ga kûmenana, kavinda ka mbaara na kavinda ka thayû.

Jeremia 49:2

Nwatî rîu kavinda nîgagûkinya, rîrîa ngaanîrîra mûgambo wa mbaara, îgûrû rîgiî Raba îtûûra rîa Aamoni. Rîgatuîka ta maganjo, na icagi cia rîo ivîvue na mwaki. Isiraeli nîagaacoka atave arîa maamûtavîte. Ûguo nîguo Ngai-Mûnene Mwene vinya wonthe arauga.

Jeremia 49:3

Mue andû a Heshiboni rîrani nîûndû îtûûra rîa Raba nîrîcûkangie! Mue andû a Raba cakayani! Îkîrani nguo cia macakaya, cakayani mûkîvinyûraga ava na varîa! Nîûndû ngai yenyu Milikomu nîîkûvirwa îthamîriorî, vamwe na athînjîri-Ngai ake na ndungata ciake.

Ezek 21:20

Ûgeekîra rûûri rwa kwonia mûthamaki njîra îrîa îthiîte Raba, îtûûra rînene rîa Aamoni. Nîûgekîra rûûri rwîngî rwa kwonania njîra îrîa îthiîte Jerusalemu îtûûrarî rîrîa rîgitîre rîa Juda.

Amosi 1:14

Kwoguo nîngaatûma mwaki wakane rûthingorî rwa Raba, na ûcûkangie kûrîa kûgitîre îtûûrarî rîu. Mûthenya wa mbaara nîgûkaagîa na înegene rînene, nayo mbaara nîîkaneneva ta kîvuvûkanio kînene.

Zakaria 14:3

Ngai-Mûnene nîagaacoka atharîkîre ndûrîrî icio arûe nacio ta ûrîa aarûîte nacio mbere.

Gûco 3:11

“Ogu, mûthamaki wa Bashani nîke wenga watigarîte gatagatîrî ka njiarwa cionthe cia Refaimu. Gîtanda gîake gîatumîtwe na cuuma. Kîarî na ûraca wa mita inya (4) na wariî wa mita igîrî (2), kûringana na kîthimi kîrîa Kîamgîrîrîte. Gîtanda kîu nwa kîonagwa Raba, îtûûra înene rîa Aamori.

1Sam 18:30

Na rîrîa rîonthe athigari a Afilisiti mangîaûkire kûrûa, Daudi nîke wavootanaga gûkîra athigari onthe a Saûlo. Kwoguo Daudi nîwamenyekanire mûno.