2Sam 10:18 - ÎVUKU RÎA ÛVORO MWARO

¹⁸ na andû a Isiraeli makîngata athigari a Sîria. Nake Daudi na andû ake nîmaaûragire andû magana mûgwanja a Sîria arîa maatwarithagia ikaari cia mbarathi na andû ngiri mîrongo îna arîa maathiîcaga matûîte mbarathi. Nîmaacokire magîtivia Shobaku, mûnene wa nthû ciao na agîkuîra kûu mbaararî.

2Sam 10:18 ပူးပေါင်းရင်းမြစ်များ

2Sam 10:17

Rîrîa Daudi aamenyithirue ûvoro ûcio nîwacokanîrîrie athigari onthe a Isiraeli, makîringa rûnjî rwa Jorodani na magîkinya Helamu, kûrîa andû a Sîria maarûngamîte mevarîrîtie kûrûa nake. Nayo mbaara nîyambîrîrie

2Sam 8:4

Daudi nîwamûcunire athigari ngiri îmwe na magana mûgwanja (1,700) arîa maathiîcaga matûîte mbarathi na athigari ngiri mîrongo îîrî (20,000) arîa maathiîcaga na magûrû. Nîwatigaririe mbarathi cia kwîgana cia gûkururia ikaari îgana rîmwe, agîcoka agîtemanga icio ciîngî mîkiva ya magûrû ma vuva igîtuîka cionje.

1Atha 11:24

Rezoni nîwaûnganîtie gîkundi Kîam andû arîa maareganaga na wathani wa Daudi rîrîa Daudi aaûragire andû a Zoba. Rezoni nîwatuîkire mûtongoria wa gîkundi kîu. Andû acio nîmaathiîre Damesiki na magîtûûra kuo nake Rezoni agîtuîka mûthamaki wao.

1Maû 19:18

athigari a Sîria nîmaavootirwe na makîûra kuuma kûrî athigari a Isiraeli. Daudi nîwaûragire andû a Sîria ngiri mûgwanja (7,000) arîa maatwarithagia ikaari, na athigari arîa mathiîcaga na magûrû ngiri mîrongo îna (40,000) na akîûraga Shobaki ûrîa warî mûnene wa athigari a Sîria.

Thaburi 18:38

Naagwîthirie nthû ciakwa, na itingîaûkîrire; ciamamire nthî mbere yakwa irî mvoote.

Thaburi 46:11

Ngai-Mûnene mwene vinya wonthe arî vamwe natue, Ngai wa Jakovu nîke mûgitîri wetû.

Thaburi 68:2

Amaûmbûraga ta ûrîa ndogo yûmbûragwa nî rûkûngi; andû arîa aganu mathiragua nî Ngai, ta ûrîa mûvûra ûrarûragwa nî mwaki.

Atir 4:2

Kwoguo Ngai-Mûnene nîwamarekererie makîvootwa nî mûthamaki Jabini wa Kanaani. Jabini aathanaga arî îtûûrarî rîa Hazoru. Mûtongoria wa athigari ake eetagwa Sisera, na aatûûraga Haroshethu-hagoimu.

Atir 4:22

Rîrîa Baraki aarûmîrîrîtie Sisera, Jaeli nîwathiîre kûmûtûnga na akîmwîra atîrî, “Ûka! Na nîngûkwonia mûndû ûrîa ûracaria.” Kwoguo nîwatonyire îgemarî rîa Jaeli na akîona Sisera amamîte nthî arî mûkuû, nayo nthugî ya îgema îmundîte gûtû gwake.

Atir 5:26

Nîwocire nthugî ya îgema na njara îmwe, na nyondo ya mûruti wîra na njara ya ûrîo. Nîwaringire Sisera na akîmûtomboora îvîndî rîa kîongo; nîwamûtomborire na akîmûmunda kîongo.