2Sam 1:8 - ÎVUKU RÎA ÛVORO MWARO

⁸ Nake nîwambûririe atîrî, ‘We wî û?’ Nanie nînaamûcokerie atîrî, ‘Nie nîrî Mûmaleki!’

2Sam 1:8 ပူးပေါင်းရင်းမြစ်များ

Kîam 14:7

Kedorilaomeri nîmaacokire makîgarûrûka magîcoka Kadeshi (îrîa yetagwa Enimishipati). Nao nîmaavootire vûrûri wonthe wa Amaleki, na wa Amori arîa maatûûraga Hazazonitamaru.

2Sam 1:13

Daudi nîwaûririe mwanake ûcio wamûvecaga ndûmîrîri îo atîrî, “We umîte kû?” Nake nîwamûcokerie atîrî, “Nie nîrî Mûmaleki, nwatî ndûûraga vûrûrirî ûyû waku.”

2Sam 1:7

Rîrîa eevûgûrire na akîmona nîwambîtire nanie ngîcokia atîrî, ‘Nîrî ava mwathi wakwa!’

2Sam 1:9

Nake nîwacokire akîmbîra atîrî, ‘Ûka ûmbûrage! Nîûndû nie nîrîmûtivangie mûno na nîrî vakuvî gûkua!’

Ndari 24:20

Balaamu nîwacokire akîona Amaleki kîonekirî gîake na akîratha atîrî, “Vûrûri wa Amaleki nîguo warî vinya mûno gûkîra mavûrûri marîa mengî, nwatî mûthiiarî nî ûkaathira viû.”

1Sam 15:3

Rîu thiî na ûûrage andû onthe a Amaleki na ûcûkangie indo ciao cionthe viû. Ndûgatigarie wanarî kîndû: ûûrage arûme onthe, aka, ciana na tûkenge, ng'ombe, ng'ondu, ngamîîra na mvunda.”

1Sam 27:8

Kavindarî kau, Daudi na andû ake nîmaatharîkîre andû a Geshuri, Agirizi na Amaleki, arîa maatûûraga kuuma tene vûrûrirî ûrîa umîte Shuri nginya Misiri.

1Sam 30:1

Vuva wa mîthenya îthatû, Daudi marî na andû ake nîmaacokire Zikilagi. Nao Amaleki nîmaatharîkîrîte mwena wa îveti wa Juda na makavoota îtûûra rîa Zikilagi na nîmaarîvîvîtie

1Sam 30:13

Daudi nîwamûûririe atîrî, “Mwathi waku nû, na umîte kû?” Nake nîwacokirie atîrî, “Nie nîrî mwanake Mûmisiri na nîrî ndungata ya Mûamaleki. Mwathi wakwa aandigire ava mîthenya îthatû mîthiru narwara.

1Sam 30:17

Nake Daudi nîwamatharîkîre kîraûko tene mûthenya ûcio wîngî na nîwarûire nao nginya kîvwaî. Gûtirî mûndû wanarî ûmwe wao wavonokirie, tiga anake magana mana arîa maatwîre ngamîîra na makîûra.