2Sam 1:23 - ÎVUKU RÎA ÛVORO MWARO

²³ “Saûlo na Jonathani marî mwoyo maarî a kwendeka na ega mûno, gûkua kana kûvona matiatigana; Maarî na îvenya gûkîra nderi, maarî na vinya gûkîra mînyambû.

2Sam 1:23 ပူးပေါင်းရင်းမြစ်များ

2Sam 1:24

“Mue erîtu a Isiraeli rîrîrani Saûlo! Ke nîwamûvecaga nguo ndume na ciarî nthaka mûno, na nîwaigemagia na mathaga ma thaavu.

2Sam 2:18

Nao anake athatû a Zeruia, Joabu, Abishai na Asaheli maarî vo. Asaheli ûrîa warî na îvenya ta nthwariga,

2Sam 23:20

Benaia mûvîcî wa Jehoiada wa kuuma Kabuzeeli, aarî mûthigari wîngî warî îgweta. Nîwekire ciîko nyîngî cia ûcamba. Imwe ciacio nî ta ino: nîwaûragire athigari aîrî maarî îgweta a Moabu. Vîndî îmwe kwarî na mbaravu, nîwathiîre na agîtonya îrimarî na akîûragîra mûnyambû kuo.

1Maû 12:8

Mûvîrîgarî wa Gadi nîkwaumire arûme njamba na maarî na ûûgî mwîngî wa mbaara na nîmaathiîre kûrî Daudi werûrî varîa varî vagitîre mûno. Andû acio nîmaaicî mûno gûtûmîra ngo na matumû. Maaganîte ta mînyambû na maarî îvenya ta nthiia irîmarî.

Ayubu 9:26

Îvinyûraga ta tûtarû twa marura, kana ta nderi îkîvûria gaciû.

Nthi 30:30

Mûnyambû, ûrîa ûrî vinya gûkîra nyamû cionthe na ndwîtigagîra nyamû îngî wa yonthe;

Rwîmbo rwa Nyîmbo 5:16

Ciugo ciake irî mûrîo, ngenagua nî maûndû make monthe. Mue aka a Jerusalemu, ûguo nîguo mwendwa wakwa ekariî.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Maca 4:19

Arîa maatûvinyûrîtie maarî na îvenya mûno, gûkîra ndiiû irî îgûrû, maavinyûranîrie natue irîmarî, na magîtwîthithîra werûrî.

Gûco 28:49

Ngai-Mûnene nîakaarete vûrûri kuuma kûndû kûraca ûrîa mûtaicî rûthiomi rwao, ûûke ûmûtharîkîre wa rîmwe ta nderi.

Atir 14:18

Kwoguo mûthenya wa mûgwanja mbere ya Samusoni atonye nyombarî îrîa aamamaga, andû a îtûûra nîmaathiîre kûrî ke na makîmwîra atîrî, “Nîndûî kîrî mûrîo gûkîra ûkî? Nîndûî kîrî vinya gûkîra mûnyambû?” Nake Samusoni nîwamerire atîrî, “Kethîwa mûtinarîma na ng'ombe yakwa, mûtingîavota gûtaûra ndaî yakwa.”

1Sam 18:1

Rîrîa Saûlo na Daudi maarîkirie kwaria, Jonathani mûvîcî wa Saûlo nîwagucîrîrue mûno nî Daudi na Jonathani akîenda Daudi wata ûrîa eyendete ke mwene.

1Sam 20:2

Nake Jonathani nîwamûcokerie atîrî, “Ûguo ûroaga gwîkîka! We tîûkua. Gûtirî ûndû wanarî ûmwe vava angîka atambîrîte, ûrî mûnene kana ûrî mûnini. Na ndangînthitha ûndû ûcio. Ûcio tî ûvoro wa ma!”