2Sam 1:21 - ÎVUKU RÎA ÛVORO MWARO

²¹ “Mbura îrorega kuura kana îme rîgwa irîmarî cia Giliboa. Mîgûnda ya irîma icio îrotûûra îrî mîthaatu vîndî cionthe. Nîûndû kûu nîkuo ngo ya ûrîa ûrarî vinya îraikirue ta kîndû kîmene; Ngo ya Saûlo ndîkaavakwa maguta rîngî.

2Sam 1:21 ပူးပေါင်းရင်းမြစ်များ

1Maû 10:1

Afilisiti nîmaarûire mbaara na Aisiraeli kîrîmarî Kîam Giliboa. Nao andû eengî a Isiraeli nîmaaûragîrwe na amwe nîmaaûrire wa vamwe na mûthamaki Saûlo.

1Maû 10:8

Mûthenya ûcio wîngî Afilisiti nîmaaûkire kûthûgathûga ciimba. Nîmeethîre Saûlo na avîcî ake marî akuû kûu kîrîmarî Kîam Giliboa.

Rwîmbo rwa Nyîmbo 4:4

Ngingo yaku nî ta nyomba ndaca ya Daudi, îtumîtwe ya kwiga indo cia mbaara, îcurîtue ngo ngiri îmwe cia athigari njamba a mbaara.

Isaia 21:5

Îruga rînene nîrîavarîrîrue, metha igatandîkwa, na andû makîrîa na makînyua. Wa rîmwe mûgambo nîwaugire atîrî, “Ûkîrani mue athamaki! Varîrîriani ngo cienyu!”

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Ezek 31:15

Ngai-Mûnene arauga atîrî, “Mûthenya ûrîa mûtî ûcio wa mûtarakwe ûkaathiî kwa arîa akuû, nîngaatûma ûcakaîrwe. Nîngaacoka ngirie nyûnjî na maria iwîtîrîria manjî. Mûtî ûcio nîûkaaûma nakîo kîrîma Kîam Lebanoni nîgîkaagîa nduma nayo mîtî yonthe îrîa îrî mûgûndarî nîkaûma nîûndû waguo.

Joeli 1:9

Matega ma irio na ndivei nî mathiru hekarûrî, na mûromorî wa Ngai-Mûnene; athînjîri-Ngai nîmaracakaya nîûndû matirî na kîndû mangîtegera Ngai-Mûnene.

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Atir 5:23

Mûraika wa Ngai-Mûnene arauga atîrî, “Îtûûra rîa Merozu rîronyitwa nî kîrumi, andû arîa matûûraga kuo maronyitwa nî kîrumi. Nîûndû matiaûka gûtethia Ngai-Mûnene, kûrûa na andû arîa marî vinya.”

1Sam 10:1

Nake Samueli nîwocire kanyûngû karî na maguta na agîtîrîria Saûlo maguta mau kîongorî gîake, akîmûmumunya, na akiuga atîrî, “Ngai-Mûnene nîagwîtîrîrîtie maguta nîguo ûtuîke mûthamaki wa andû ake a Isiraeli. We nîûgatongoria andû ake na ûmagitîre kuuma kûrî nthû ciao cionthe. Naguo ûndû ûrîa ûgakwonia nama atî Ngai-Mûnene nîakûthuurîte nîguo ûtuîke mûthamaki wa andû ake nî atî:

1Sam 31:1

Afilisiti nîmaarûîre na Aisiraeli Kîrîmarî Kîam Giliboa. Andû eengî mûno a Isiraeli nîmaaûragîrwe kuo. Nao andû acio engî wa vamwe na mûthamaki Saûlo na anake ake nîmaaûrire.

1Sam 31:8

Naguo mûthenya ûcio warûmîrîrîte rîrîa Afilisiti maathiîre kwîa indo irîa ciarî na andû arîa maaûragîtwe, nîmoonire ciimba cia Saûlo na anake ake athatû igwîte kûu kîrîmarî Kîam Giliboa.