2Sam 1:20 - ÎVUKU RÎA ÛVORO MWARO

²⁰ Mûtikavecane ûvoro ûcio kûu Gathu, kana mûûvecana njîrarî cia Ashikeloni. Mûtigatûme erîtu a Afilisiti makena, mûtigatûme erîtu a andû arîa mataruaga makena.

2Sam 1:20 ပူးပေါင်းရင်းမြစ်များ

Ezek 16:27

“Kwoguo nînaûkîrîrie njara yakwa nîguo ngûverithie. Nînaanyivirie îgai rîaku na ngîkûrekereria kûrî nthû ciaku, erîtu a Afilisiti arîa maaconokire mûno nîûndû wa ciîko ciaku cia ûûra nthoni.

Ezek 16:57

Kinthî ndwekire ûguo mbere ya maûndû maku marîa macûku mamenyeka? Rîu we ûtuîkîte wata Sodomu, ûgatuîka kîndû gîa kûthekagîrîrwa nî erîtu a Edomu na arîa mariganîtie nao, na erîtu a Filisiti na arîa mamathiûrûrûkîrîtie na makûmenete.

Mika 1:10

Mûtikeere andû a Gathu maûndû mama, mûtikarîre wana vanini, andû a Bethi-leafura îîgaragarieni rûkûngûrî.

Atir 11:34

Rîrîa Jefitha aacokire mûciî kûu Mizipa, mwarî nîwaumire nja na akîthiî kûmûtûnga akîinagia akîvûraga tamburini. Nîke warî mwana wake wenga, ndaarî na mwana wîngî wa kavîcî kana wa kerîtu.

Atir 14:19

Roho wa Ngai-Mûnene nîwamûnyûrûkîre wa rîmwe na ûkîmwîkîra vinya. Nîwanyûrûrûkire Ashikeloni na akîûraga andû mîrongo îthatû kûu îtûûrarî. Nîwacokire akîmaruta nguo ciao irîa mbaro mûno na akîinenganîra kûrî andû arîa maataûrîte ndaî. Vuva wa ûguo, Samusoni nîwacokire mûciî arî mûrakaru.

1Sam 14:6

Nake Jonathani nîwerire mwanake ûcio wamûkuuagîra indo ciake cia mbaara atîrî, “Ûka, tûthiî mûringo ûrîa wîngî kûrîa Afilisiti arîa matarî aruu marî. Ngai-Mûnene avota gûtûtethia; nîûndû gûtirî kîndû kîngîgiria Ngai-Mûnene atûtethie wana ethîrwa tûtirî eengî.”

1Sam 17:26

Daudi nîwaûririe andû arîa maarî vakuvî nake atîrî, “Mûndû ûrîa ûkaaûraga Mûfilisiti ûyû na athengutîrie Isiraeli gîconoko gîkî-rî, akaavewa ndûî? Mûfilisiti ûyû ûtarî mûruu nîkwa arî ûrîkû ke atî nîguo anyararithie athigari a Ngai ûrîa ûtûûraga mwoyo?”

1Sam 17:36

Nîmbûragîte mînyambû na ngatûnyi, na ûguo nwaguo ngwîka Mûfilisiti ûyû ûtarî mûruu ûrîa ûnyararithîtie athigari a Ngai ûrîa ûtûûraga mwoyo.

1Sam 18:6

Rîrîa Daudi marî na athigari a mbaara menûkîte arîkia kûûraga Goliathu, aka nîmaaumire matûûrarî monthe ma Isiraeli na makîthiî gûtûnga Saûlo. Maathiîre makinaga na makîrûgarûgaga nîûndû wa gûkena makîvûraga tamburini na ngita cia mîthemba na mîthemba.

1Sam 31:4

Saûlo nîwacokire akîra mwanake ûrîa wamûkuuagîra indo cia mbaara atîrî, “Comora rûviû rwaku na ûmbûrage nîguo Afilisiti aya matetigîrîte Ngai matigaûke kûnthekerera na mambûrage.” Nwatî mwanake ûcio nîwegwire guoya nyîngî mûno na ndangîavotire gwîka ûguo. Kwoguo Saûlo nîwocire rûviû rwake na akîîgwîthia îgûrû rîa ruo.

1Sam 6:17

Nao Afilisiti maavirîre Ngai-Mûnene nyimba ithano cia thaavu irî iveo nîûndû wa mevia mao. Wa îmwe yarutagîrwa îtûûra rîayo; îmwe îkîrutwa nîûndû wa îtûûra rîa Ashidodi, nayo îngî nîûndû wa îtûûra rîa Gaza, nacio icio ciîngî nîûndû wa matûûra ma Ashikeloni, Gathu, na Ekironi.