2Sam 1:11 - ÎVUKU RÎA ÛVORO MWARO

¹¹ Daudi na andû arîa maarî nake nîmaatembûrangire nguo ciao nîûndû wa kîeva.

2Sam 1:11 ပူးပေါင်းရင်းမြစ်များ

Kîam 37:29

Rîrîa Reubeni aacokire îrimarî na akîthîra Josefu atarî kuo, nîwegwire kîeva na agîtembûranga nguo ciake.

Kîam 37:34

Jakovu nîwatembûrangire nguo ciake na agîkîra nguo ya macakaya kîûnûrî. Nîwacakaîre mûvîcî mîthenya mîngî.

Kîam 44:13

Nao nîmaatembûrangire nguo ciao marî na kîeva, magîkuithia mvunda mîrigo, na magîcoka îtûûrarî.

2Sam 13:19

Tamarû nîweîtîrîrie mûu kîongorî gîake, agîtembûranga nguo îo yake ndaca, agîcoka akîîmika ûthiû wake na njara na akîthiî akîrîraga.

2Sam 13:31

Vîndî îo mûthamaki nîwarûngamire, agîtembûranga nguo ciake na akîmama nthî nîûndû wa kîmako. Wana ndungata cionthe ciake irîa ciarî vamwe nake nîciatembûrangire nguo ciacio.

2Sam 3:31

Nake Daudi nîwerire Joabu na andû ake matembûrange nguo ciao, mekîre nguo cia macakaya na marîrîre Abineri. Nao makîthiî kûmûthika, mûthamaki Daudi nîwaumire îthandûkû rîrîa rîekîrîtwe mwîrî wa Abineri vuva.

2Atha 5:7

Rîrîa mûthamaki wa Isiraeli aathomire maarûa îo, nîwatûmbirwe nî marakara na agîtembûranga nguo ciake na akiuga atîrî, “Mûthamaki wa Sîria areciria nie nî Ngai ûngîvota kûûraga mûndû na akamûriûkia, nwa nvote kûvonia mûndû ûyû mûrimû wake mûcûku wa ngothi? Roria rîu wone ûrîa arenda twambîrîrie kûnegenania nake!”

2Maû 34:27

nîûndû nîûreririre na wenyivia mbere ya Ngai rîrîa ûregwire ciugo ciake ciîgiî kûndû gûkû na andû arîa matûûraga kuo, nîûrenyivirie mbere yakwa, na mwatembûranga nguo ciaku nîûndû wa kîeva na ûkîndîrîra, wananie nînegua mavoya maku.

Ezira 9:3

Rîrîa neguire ûguo, nînatembûrangire nguo ciakwa, ngîkûûra njuîrî cia kîongo na nderu nîûndû wa kûthirwa nî mwîvoko na ngîkara nthî nîrî na kîeva.

Esita 4:1

Rîrîa Moridekai aamenyire ûrîa maûndû mau mekariî, nîwatembûrangire nguo ciake, na agîkîra nguo cia macakaya na akîivaka mûu. Nîwaumagarûkire na kûu îtûûrarî akîrîraga na arî na ûrûrû mwîngî.

Jeremia 36:24

Kûnarî ûguo, mûthamaki kana ndungata ciake megua maûndû mau monthe, matiamaka kana matembûranga nguo ciao nî kîeva.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Ciîko 14:14

Na rîrîa, Paûlo na Baranaba meegwire ûrîa andû meendaga gwîka, nîmaatembûrangire nguo ciao na makîvinyûra gatagatîrî ga kîrîndî makiugagîrîria atîrî,

Aroma 12:15

Kenagani na arîa marakena na mûrîrage na arîa mararîra.

Josh 7:6

Joshua na atongoria a Isiraeli nîmaatembûrangire nguo ciao marî na kîeva na nîmegwîthirie nthî mbere ya îthandûkû rîa kîrîkanîro Kîam Ngai-Mûnene. Nao nîmeeminjîrie rûkûngû na nîmeekarire vo nginya kîvwaî.