2Pet 3:9 - ÎVUKU RÎA ÛVORO MWARO

⁹ Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.

2Pet 3:9 ပူးပေါင်းရင်းမြစ်များ

Thaburi 77:8

Nîkwa wendo wake ûrîa ûtathiraga ûrî mûthiru? Anga ndakaavingia ciîranîro ciake?

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Ntha 18:23

Ethîrwa ûgeka ûguo ta ûrîa Ngai athanîte, ûkavotaga kûmîrîria na andû menûkage makenete.”

Ntha 32:32

Nakûthaitha ûmovere mevia mao. Narîo ethîrwa tî ûmovera, nîngîkûvoya ûvute rîîtwa rîakwa kuuma îvukuurî rîrîa wandîkîte marîîtwa ma andû aku.”

Ntha 33:11

Ngai-Mûnene aaragia na Musa makîonanaga ta ûrîa mûndû aragia na mûrata wake. Musa acoka kûrîa andû maambîte magema, Joshua mûvîcî wa Nuni ûrîa wamûtethagia aatigagwa kûu îgemarî. Joshua aarî mwanake.

Ntha 34:6

Ngai-Mûnene nîwavîtûkîrîre vau mbere ya Musa na akiuga atîrî, “Nie, Ngai-Mûnene nîrî Ngai ûrî wega mwîngî na ntha. Ndîrakaraga na îvenya na nîmonanagia wendo ûtathiraga na wîvokeku.

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 46:13

Nîngûrete mûthenya wakwa wa kûmûvonokia vakuvî, ndûrî varaca, mûthenya wa kûmûvonokia tîwîkara mûno. Nîngaavonokia Zayuni na monie Isiraeli riiri wakwa.”

Ezek 33:11

Meere atî wata ûrîa nie Ngai-Mûnene Ngai ndûûraga mwoyo, ndikenagua nî gîkuû Kîam mûndû mwîvia, nwatî mendaga mûndû mwaganu agarûrûke atige mîthiîre yake na atûûre mwoyo. Mue andû a Isiraeli mûrenda gûkua nîkî? Garûrûkani mûtige maûndû menyu ma waganu.

Danieli 4:29

Mûthiia wa mweri wa îkûmi na îîrî, rîrîa Nebukadinezarû ethîrîtwe agîceracera îgûrû rîa nyomba yake ya ûthamaki,

Habakuku 2:3

Kîoneki gîkî gîetererete vîndî îrîa mbagîrîru yakîo; nî kîoneki Kîam ma kîonanagia maûndû ma mûthiia. Ethîrwa nîmaronekana magîcererwa, meterere; nama nîmagûkinya na tîmacererwa.

Aroma 13:11

Nwanginya mwîke maûndû mama nîûndû nîmwîcî atî mavinda menyu ma kûramûka muume tororî nî makinyu. Nîûndû îvinda rîetû rîa kûvonoka rîrî vakuvî mûno gûkîra vîndî ya mbere rîrîa twetîkirie.

Aroma 13:12

Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Aroma 9:22

Ûguo nwa guo Ngai ekîte. Endaga kwonania marakara make na gûtûma vinya wake ûmenyeke. Kwoguo eekarire akirîrîrîtie mûno andû arîa maarî makinyîrwe nî marakara make, na magîrîrwe nî gûcûkangua viû.

1Tim 1:16

Nwatî Ngai nîwambîguîrîre ntha. Ekire ûguo nîguo gûkirîrîria kwa Jesû Kristû kwonekane na njîra yakwa nîûndû naarî mûndû mwîvia mûno. Nie nîrî kîonereria Kîam andû arîa magaacoka gwîtîkia Jesû Kristû nîguo magîe na mwoyo wa tene na tene.

1Tim 2:4

ûrîa wendaga andû onthe mavonoke na mamenye ûvoro wa ma.

Ahib 10:37

Nîûndû Mandîko Matheru maugîte atîrî, “Nî kavinda kanini gatigarîte, nake ûrîa ûraûka nîagûkinya, tî ekara kavinda karaca ataûkîte.

1Pet 3:20

Maaroho mau nî ma andû arîa maaregire kwathîkîra Ngai vîndî îrîa eetererete akirîrîrîtie Nuhu atume thavina. Nî andû anana tu arîa maarî thavinarî maavonokirue na njîra ya manjî.

2Pet 1:4

Nîûndû wa maûndû mau, nîatûvete iveo cia vata mûno na cia goro, irîa ke eeranîre. Na njîra ya iveo ino nwa mûvote kûûrîra merirîria macûku ma gûkû nthî na mûgekara ta Ngai.

2Pet 3:15

Tucagani gûkirîrîria kwa Mwathani wetû ta kamweke aramûva nîguo mûvonoke. Mûrû wa îthe wetû mwende Paûlo nîwamwîrire wa guo vîndî îrîa aamwandîkîre maarûa kûringana na ûûgî ûrîa Ngai aamûveete.

Kûguû 2:21

Nie nînîmûvete kavinda ga kwîrira, nwatî ke ndendaga gûtiga ciîko ciake cia ûmaraa.