2Pet 3:13 - ÎVUKU RÎA ÛVORO MWARO

¹³ Nwatî kûringana na kîîranîro gîake, tue twetererete îgûrû rîcerû na nthî njerû, kûrîa gûkethîrwa gwîcûrîte ûthingu.

2Pet 3:13 ပူးပေါင်းရင်းမြစ်များ

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 65:17

Ngai-Mûnene arauga atîrî, “Nîngûmba îgûrû rîcerû na nthî njerû. Maûndû marîa makûrû matikaaririkanwa rîngî, wana kana gwîciirague ûvoro wamo.

Isaia 65:25

Ciathi na ng'ondu ikaarîcaga vamwe; mînyambû îkaarîcaga nyaki ta ndegwa, nacio njoka ikaarîcaga mûthetu. Kûu kîrîmarî gîakwa kîonthe kîrîa kîtheru, gûtirî mûndû ûgaativia kana acûkangie ûrîa wîngî.”

Isaia 66:22

“Wata ûrîa îgûrû rîcerû na nthî njerû irîa ngaaûmba igaatûûra na vinya wakwa, nwaguo njiarwa cienyu na rîîtwa rîenyu igaatûûra.

Aroma 8:21

atî mûthenya ûmwe nîikoovorwa ciume ûkomborî wa kwora, na igîe na wîyathi ûrî na riiri wa ciana cia Ngai.

2Pet 1:4

Nîûndû wa maûndû mau, nîatûvete iveo cia vata mûno na cia goro, irîa ke eeranîre. Na njîra ya iveo ino nwa mûvote kûûrîra merirîria macûku ma gûkû nthî na mûgekara ta Ngai.

Kûguû 21:1

Nînacokire ngîona îgûrû rîcerû na nthî njerû. Îgûrû rîa mbere na nthî ya mbere nîciathengutire na îria rîkîthira.

Kûguû 21:27

Nwatî gûtirî kîndû kîrî mûgiro gîgaatonya îtûûrarî rîu înene. Mûndû wa wonthe wîkaga maûndû macûku na marî nthoni, kana andû arîa maveenanagia matigaatonya kuo. Arîa magaatonya nî arîa marîîtwa mao mandîkîtwe îvukuurî rîa Gatûrûme rîa mwoyo.