2Pet 3:11 - ÎVUKU RÎA ÛVORO MWARO

¹¹ Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,

2Pet 3:11 ပူးပေါင်းရင်းမြစ်များ

Thaburi 37:14

Andû arîa aganu macomoraga mviû ciao na magakucia mota mao, nîguo maûrage andû arîa athîni na arîa avatari, maûrage andû arîa mekaga maûndû marîa magîrîrîte.

Thaburi 50:23

Mûndû ûrîa ûnjokagîria ngatho rîrî îgongoona nîandîîaga, nama, nîngaavonokia andû onthe arîa mambathîkagîra.”

Thaburi 75:3

Nthî nîkainaiana na indo cionthe irîa irî kuo, nie nînie nyitagîrîra mîcingi yayo.

Isaia 14:31

“Rîrani mue matûûra monthe ma Afilisiti! Mue Afilisiti muonthe, gîani na guoya! Nîûndû rûkûngû rwa athigari rûkîte rumîte mwena wa rûgûrû: nî gîkundi Kîam athigari matarî guoya.”

Isaia 24:19

Nthî nî manangîku viû, nthî nî mbatûkangu, nthî nîrathingitha na vinya mûno.

Isaia 34:4

Athigari onthe a îgûrû rîerarî nîmakaathira, nakuo îgûrû rîerarî nîgûgakûnjwa ta îvuku rîa gîkûnjo. Indo cionthe irîa irî îgûrû nîikaagwa, ta ûrîa mathangû ma mûthavibu magûcaga mavoova, kana ta ûrîa mathangû ma mûkûyû magûcaga mavoova.

Mathaayo 8:27

Nao andû onthe nîmaamakire mûno na makîûria atîrî, “Mûndû ûyû nî wa mûthemba ûrîkû, ûyû ûrathîkîrwa nî rûkûngi wana îria?”

Aroma 13:11

Nwanginya mwîke maûndû mama nîûndû nîmwîcî atî mavinda menyu ma kûramûka muume tororî nî makinyu. Nîûndû îvinda rîetû rîa kûvonoka rîrî vakuvî mûno gûkîra vîndî ya mbere rîrîa twetîkirie.

Aroma 13:12

Ûtukû ûrî vakuvî kûthira na mûthenya ûrî vakuvî gûka. Nîtûtige gwîka ciîko irîa ciîkagîrwa ndumarî na tûoce indo cia mbaara irîa itûmagîrwa kûrûa ûtherirî.

2Akor 1:12

Ûrîa ûratûma twîtîîe na nwa mvote kuga nîrî na thamiri ntheru atî, maûndûrî monthe marîa twîkîte gûkû nthî na makîria kûrî mue, tue twarî na wîvokeku na ngoro ntheru kuuma kûrî Ngai. Twekire ûguo na njîra ya wega wa Ngai na tî na ûûgî wa ûmûndû.

Afil 1:27

Rîu, ûndû ûrîa ûrî na vata mûno nî atî mûtûûrage ta ûrîa ûvoro mwaro wa Jesû Kristû ûmwîraga mûtûûre, nîguo wana ethîrwa nîngûka kûmwona kana ndege gûka, nîngegua atî nîmûrûngamîte mwîkindîrîtie na mwî na ngoro îmwe, na atî nîmûrarûa mûnyitanîte vamwe nîûndû wa wîtîkio wa ûvoro ûrîa mwaro.

Afil 3:20

Nwatî mûciî wetû ûrî îgûrû na nîkuo twetagîrîra mûvonokia wetû aume, na nîke Mwathani wetû Jesû Kristû.

1Ath 1:5

Nîûndû rîrîa twamûretere Ûvoro Mwaro tûtiamûretera na ciugo ntheri, nwatî twamûretere ûrî na vinya na ûrî na Roho Mûtheru na tûkîmenyaga waro atî nî wa ma. Mue nîmwîcî ûrîa twatûûraga rîrîa twarî namue. Twatûûraga ûguo nîûndû wenyu.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

1Tim 4:12

Ndûkanetîkîre mûndû wana ûrîkû akuire nîûndû ûrî mûndû mwîthî. Nwatî mwarîrie waku, mîtugo, wendani, wîtîkio na ûthingu nî ituîke kîonereria kûrî etîkia.

1Tim 6:11

Nwatî we mûndû wa Ngai, ûrîra maûndû mau monthe. Îîrutanîrie kûgîa na ûthingu, ûngai, wîtîkio, wendo, ûkirîrîria na ûvoreri.

1Tim 6:3

Mûndû wa wonthe ûthomithagia ûndû mûgeni na ûndû ûtakwîgucana na ndûmîrîri ya ma ya Mwathani wetû Jesû Kristû, na maûndû marîa mathomithanagua nî ndini yetû,

1Tim 6:6

Gûtuîka Mûkristiano nî gûtûmaga mûndû agîe na ûtonga mûnene ethîrwa tu mûndû nîmwîganîru na kîrîa arî na kîo.

Ahib 13:5

Mûtikende mbeca makîria, nwatî mûndû nîeganagwe nî kîrîa arî nakîo. Nîûndû Ngai augîte atîrî, “Nie ndigaagûtiganîria kana ndiganîrwe nîwe.”

Jakuvu 1:24

Eroragia na akathiî akona ûrîa ke mwene ekariî na athiî wa rîmwe akariganîrwa nî ûrîa ekariî.

Jakuvu 3:13

Nîkûrî na andû gatagatîrî kenyu marî na ûûgî na ûtaûku? Nîmwagîrîrwe nîkûwonania na njîra ya mîtûûrîre yenyu mîaro na njîra ya ciîko cienyu mbaro ciîkîtwe na wînyivia na ûûgî.

1Pet 1:15

Vandû va ûguo, tuîkani andû atheru maûndûrî monthe marîa mwîkaga wata ûrîa Ngai ûrîa wamwîtire ethagîrwa arî mûtheru.

1Pet 2:12

Mîtugo yenyu yagîrîrwe nî kwîthagîrwa îrî mîaro gatagatî ka andû arîa matetîkîtie, nîguo mangiuga mûrî evia magaacokaga kwona ciîko cienyu mbaro. Nao nîmagaakumia Ngai mûthenya ûrîa agaaûka.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

2Pet 1:6

ûmenyorî wenyu mwongagîrîre kwînyitia merirîria ma mwîrî, kwînyitia merirîria ma mwîrî mwongagîrîre ûmîrîru, ûmîrîrurî wenyu mwongagîrîre ûngai,

2Pet 3:10

Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

2Pet 3:12

wa mûgîetagîrîra na mûkîîriragîria mûno Mûthenya wa Ngai ûkinye. Vîndî îrîa Mûthenya ûcio ûgaaûka, îgûrû nîrîkaavîvua na mwaki rîthire, nacio ciûmbe cionthe irîa irî îgûrû ivîe nî mwaki irarûke.