2Pet 3:10 - ÎVUKU RÎA ÛVORO MWARO

¹⁰ Nwatî Mûthenya wa Mwathani ûgaakinya ta ûrîa mwîi aûkaga. Mûthenya ûcio îgûrû nîrîkaathira na mûrurumo mûnene. Ciûmbe cionthe irîa irî îgûrû nîikaavîvua na mwaki ithire. Nayo nthî na indo cionthe irîa irî kuo nîikaavîvua viû.

2Pet 3:10 ပူးပေါင်းရင်းမြစ်များ

Thaburi 102:26

Îgûrû na nthî nîikaathira, nwatî we nîûtûûra kuo, ikaathira ta nguo ngûrû, na nîikaaûrîra.

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Thaburi 97:5

Irîma irarûkaga ta mûvûra irî mbere ya Ngai-Mûnene, mbere ya Mwathani wa nthî yonthe.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 24:19

Nthî nî manangîku viû, nthî nî mbatûkangu, nthî nîrathingitha na vinya mûno.

Isaia 34:4

Athigari onthe a îgûrû rîerarî nîmakaathira, nakuo îgûrû rîerarî nîgûgakûnjwa ta îvuku rîa gîkûnjo. Indo cionthe irîa irî îgûrû nîikaagwa, ta ûrîa mathangû ma mûthavibu magûcaga mavoova, kana ta ûrîa mathangû ma mûkûyû magûcaga mavoova.

Isaia 51:6

Roriani îgûrû; na mûcoke mûrorie nthî, nîûndû îgûrû rîkaathira ta ndogo; nthî îkaathira ta nguo, nao arîa matûûraga kuo magaakua ta ngi. Nwatî ûvonokio ûrîa ndetete ûgaatûûra tene na tene, naguo ûthingu wakwa ndûkaathira.

Joeli 1:15

Kaî twî na thîna-î; mûthenya ûcio wa Ngai-Mûnene nîûkîte; ûkîte vamwe na maûndû ma gûcûkangia, kuuma kûrî Ngai-Mûnene.

Joeli 2:1

Vuvani karumbeta mûrî Zayuni; ugîrîriani mûrî kîrîmarî gîakwa kîthuure! Tigani andû onthe a Juda mainaine, nîûndû mûthenya wa Ngai-Mûnene nîûkîte, ûrî vakuvî mûno.

Joeli 2:31

Riûa nîrîgakûnîkwa rire, naguo mweri nîûgatunîva ta nthakame, mbere ya mûthenya wa Ngai-Mûnene ûkinya.

Joeli 3:14

Marakinya marî ikundi gwa ikundi Kîamndarî gîa îtuîro, nîûndû mûthenya wa Ngai-Mûnene nîûkuvîvîrie.

Amosi 9:13

Ngai-Mûnene arauga atîrî, “Taroria, mîthenya nîgûkinya, rîrîa ngano îgaakûra na îvenya gûkîra rîrîa ikethagwa, na thavibu ikûre na îvenya gûkîra rîrîa ingîvivwa. Irîma ikaatherûkaga ndivei ya kûvivwa wa rîo, na tûrîma tûgetûrûraga ndivei.

Amosi 9:5

Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Mika 1:4

Irîma nî ikaararûka ta mûvûra irî rungu rwa magûrû make; ikaanyûrûrûka ciandarî ta manjî makînyûrûrûka kuuma kîrîmarî.

Nahumu 1:5

Irîma nîcinainaga mbere yake, na tûrîma tûkararûka. Rîrîa Ngai-Mûnene aumîra nthî nîinainaga, nthî na indo cionthe irîa irî kuo.

Malaki 4:5

“Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

Mathaayo 24:35

Îgûrû na nthî nîikaathira, nwatî ciugo ciakwa itikaathira.

Maariko 13:31

Îgûrû na nthî nîikaathira, nwatî ciugo ciakwa itikaathira.

Luka 12:39

Nwatî mue mwagîrîrwe nî kûmenya atî kethîrwa mwene mûciî nîwecî vîndî îrîa mwîi agaaûka ndangîarekererie mwîi ûcio avunje nyomba yake.

Aroma 8:20

Nîûndû indo cionthe cia nthî ciatuirwe cia mana, nwatî gûtiarî kwenda gwa cio, nî Ngai wendaga ciîkare guo. Kûnekariî ûguo ciarî na kîîrîgîrîro

1Akor 1:8

Nîakûmwiga amûmenyererete nginya mûthiia nîguo mûtikethîrwe mûrî na ûcuke mûthenya ûcio wa Mwathani wetû Jesû Kristû.

1Akor 5:5

nîmwagîrîrwe nî kûnenganagîra mûndû ta ûcio kûrî Caitani nîguo mwîrî wake ûcûkangue, naguo roho wake nîûkaavonokua mûthenya ûcio wa Mwathani.

2Akor 1:14

nîûndû rîu mûtaûkîrîtwe nî maûndû mamwe marîa matwîgiî. Rîrîa mûthenya wa Mwathani wetû Jesû ûgaakinya nîmûgetîîa nîûndû wetû wata ûrîa twîthagîrwa tûgîtîîa nîûndû wenyu.

1Ath 5:2

Nîûndû nîmwîcî waro atî Mwathani agaaûka gûtarî mûndû ûkûmwîrîgîrîra wata ûrîa mwîi aûkaga ûtukû.

1Ath 5:4

Nwatî mue, ariû na aarî a îthe wetû mûtirî ndumarî na mûtiagîrîrwe nî kwîthîrîrua nî mûthenya ûcio ta ûrîa mwîi aûkaga gûtarî mûndû ûkûmwîrîgîrîra.

2Pet 3:11

Na nîûndû indo ino cionthe ikaathirua na njîra ta îo, mwagîrîrwe nî kwîthîrwa mûrî andû a mûthemba ûrîkû? Mwagîrîrwe nî kwîthîrwa mûrî na mîtugo mîtheru na mwîvecanîte kûrî Ngai,

2Pet 3:12

wa mûgîetagîrîra na mûkîîriragîria mûno Mûthenya wa Ngai ûkinye. Vîndî îrîa Mûthenya ûcio ûgaaûka, îgûrû nîrîkaavîvua na mwaki rîthire, nacio ciûmbe cionthe irîa irî îgûrû ivîe nî mwaki irarûke.

2Pet 3:7

Nwatî îgûrû na nthî irîa irî kuo rîu cigîtwe na njîra ya rîathani wa rîu rîa Ngai nîguo ikaathirua na mwaki. Nacio cigîtwe nîûndû wa mûthenya ûrîa andû arîa matarî na ûngai magaatuîrwa na mathirue.

Juda 1:6

Taririkanani araika arîa maaregire wathani ûrîa maavetwe, nwatî magîtiganîria ciîkaro ciao. O maigîtwe ndumarî, movetwe na mînyororo tene na tene, nîguo Ngai akaamatuîra Mûthenya ûcio mûnene.

Kûguû 16:15

“Tathikîrîriani! Nie nîmbûka ta mwîi! Kûrathimwa nî mûndû ûrîa wîkaraga atarî toro, na avarîrîtie nguo ciake, nîguo ndakathiîcage arî njaga na aconoke nî andû!”

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.

Kûguû 21:1

Nînacokire ngîona îgûrû rîcerû na nthî njerû. Îgûrû rîa mbere na nthî ya mbere nîciathengutire na îria rîkîthira.

Kûguû 3:3

Ta ririkanani maûndû marîa mwathomithirue na marîa mwegwire. Marûmagîrîreni na mwîrire. Ethîrwa mue tî mûkîra, nie ngaûka kûrî mue ta mwîi na mûtikaamenya îthaa rîrîa ngaûka.

Kûguû 6:14

Narîo îgûrû nîrîekûnjire ta îvuku rîa gîkûnjo na rîkîthirîkîra. Nacio irîma cionthe na icîgîrîra nîciathengutirue varîa ciethagîrwa irî.