2Pet 3:1 - ÎVUKU RÎA ÛVORO MWARO

¹ Arata akwa, îno rîu nîyo maarûa yakwa ya kaîrî kûmwandîkîra. Maarûarî wa cioîrî, nîngeretie kûrurumûkia meciria menyu mevokeku na njîra ya kûmûririkania maûndû mama.

2Pet 3:1 ပူးပေါင်းရင်းမြစ်များ

Thaburi 24:4

Nî andû arîa marî ciîko mbaro na marî meciria matheru, arîa matagoocaga mîvuanano, na matevîtaga na ûndû wa maveeni.

Thaburi 73:1

Nama Ngai nî mwaro kûrî andû arîa athingu, nî mwaro kûrî arîa marî ngoro ntheru.

Mathaayo 5:8

Kûrathimwa nî arîa atheru ngoro, nîûndû nîmakoona Ngai!

2Akor 13:2

Nînaakanirie arîa mevîtie mbere vamwe na acio engî onthe rîrîa naarî namue. Wa na rîu nîrî kûraca nîngûmakaania. Vîndî îrîa ngaaûka rîngî gûtirî mûndû ûtakaaverithua,

1Tim 5:22

Ndûkanaigîrîre mûndû wana ûrîkû njara na karûgî atî nîguo atuîke ndungata ya Ngai. Ndûkagwatanîre na mevia ma mûndû wîngî, îkaraga ûrî mûtheru.

2Tim 1:6

Nîûndû wa gîtûmi gîkî nîrakûririkania ûrurumûkie kîveo kîrîa Ngai aakûveere vîndî îrîa naakwigîrîre njara.

Ahib 6:9

Arata akwa, wana ethîrwa nîtwaragia ûguo tûtirî na nganja namue. Nîtwîcî nîmûthiîte na njîra îrîa mbaro ya kûmûkinyia ûvonokiorî wenyu.

1Pet 1:22

Rîu nîûndû nîmûtheretie mîoyo yenyu na njîra ya kwathîkîra ûma, nîmûvotete kwenda na ma aarî na ariû a îthe wetû. Kwoguo mûndû nî endage mûndû ûrîa wîngî na ngoro yake yonthe.

1Pet 2:11

Arata akwa ende, mûtûûraga gûkû nthî ta ageni na athiîi! Nîramûthaitha mûtigane na merirîria marîa macûku ma mwîrî, nîûndû vîndî cionthe methagîrwa makîrûa na roho.

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

2Pet 3:17

Nwatî mue arata akwa ende nîmûrîkîtie kûmenya ûguo. Kwoguo îîmenyagîrîreni mûtikaume wîtîkiorî ûcio wenyu ûrîa mwîkindîrîtie nîûndû wa kûvîtithua nî andû arîa mareganaga na watho.

2Pet 3:8

Nwatî arata akwa ende, mûtikariganîrwe nî ûndû ûyû ûmwe! Varî Mwathani mûthenya ûmwe nî ta mîaka ngiri îmwe, na mîaka ngiri îmwe nî ta mûthenya ûmwe.

Juda 1:5

Nîrenda kûmûririkania maûndû mama wana ethîrwa nîmûmecî: Ririkanani atî vîndî îmwe Mwathani nîwavonokirie andû a Isiraeli akîmaruta Misiri, nwatî vuvarî nîwathiririe arîa onthe matetîkia.