2Pet 2:6 - ÎVUKU RÎA ÛVORO MWARO

⁶ Ngai nîwatuîrîre matûûra ma Sodomu na Gomoora akîmavîvia viû. Eekire ûndû ûcio ûtuîke kîonereria Kîam ûrîa gûgaatuîkîka kûrî arîa matarî na ûngai.

2Pet 2:6 ပူးပေါင်းရင်းမြစ်များ

Kîam 19:28

Nîwaroririe nthî matûûrarî ma Sodomu na Gomora wana Kîamnda kîonthe, na akîona ndogo îkîthiî na îgûrû yumîte nthî. Yekariî ta ndogo îrîa yumaga mwakirî mûnene mûno.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 13:19

Babuloni îrî riiri gûkîra mothamaki monthe; ûnene waguo nîûtûmaga Akalidei metîîa. Nwatî nie Ngai-Mûnene ngaacûkangia îtûûra rîu, wata ûrîa nacûkangirie Sodomu na Gomora.

Jeremia 50:40

Ta ûrîa Ngai aacûkangirie Sodomu na Gomora vamwe na matûûra marîa mariganîtie na kuo, gûtirî mûndû ûgaatûûra kana ararîrîra kuo.

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Amosi 4:11

Nînacûkangirie amwe enyu wata ûrîa nacûkangirie Sodomu na Gomora. Arîa mwatigarire mwekariî ta gîcinga Kîam mwaki kîtharîtwe kuuma mwakirî. Kûnarî ûguo mûtianjokerera.

Zefania 2:9

Kwoguo, wata ûrîa nie ndûraga mwoyo nie Ngai-Mûnene mwene vinya wonthe, Ngai wa Isiraeli, nînîvîta atî Moabu na Amoni makethîrwa mekariî ta Sodomu na Gomora. Vûrûri wao ûkethîrwa wîcûrîte marima ma cumbî, na mîtî ya mîgua na ûgaatûûra ûrî werû tene na tene. Andû akwa arîa magaatigara nîmagaatava indo ciao, andû a vûrûri wakwa megwatîre vûrûri wao.”

Ndari 16:38

Tûnyûngû tûu twa andû arîa maaûragirwe nîûndû wa wîvia wao nîtûturwe tûtuîke ikunîko cia metha ya kîgongoona, nîûndû nî twatuîkire tûtheru vîndî îrîa twavirirwe metharî ya kîgongoona. Kîu gîgaatuîka kîririkano kûrî andû a Isiraeli.”

Ndari 26:10

Nayo nthî nîyathamirie îkîmameria onthe magîkua. Maakwire vamwe na Kora wana arûmîrîri ake rîrîa mwaki wavîvirie andû magana maîrî ma mîrongo îtano (250). Ûndû ûcio watuîkire wa gûkaania andû acio engî a Isiraeli kûregana na Ngai-Mûnene.

Mathaayo 10:15

Nîramwîra na ma atî mûthenya wa îtuîro Ngai nîakeeguîra andû a Sodomu na Ngomora ntha nyîngî, gûkîra ûrîa akeeguîra andû a îtûûra rîu!

Mathaayo 11:23

Namue andû a Kaperinaumu, nîkwa mwendaga kwînenevia nginya mûkinye îgûrû? Mue nî mûgaaikua îcuarî. Nîûndû ciama irîa mwaringîrwe ingîaringîtwe Sodomu andû a kuo nî mangîtwîre vo nginya ûmûnthî!

Aroma 9:29

Nwa ta ûrîa mûrathi Isaia augire vau mbere atîrî, “Tiga nîkwa Mwathani Mwene Vinya wonthe aatûtigarîrie njiarwa imwe, tûngîathirirue viû ta matûûra ma Sodomu na Gomora.”

1Akor 10:11

Maûndû mama monthe meekîkire kûrî o nîguo matuîke kîonereria kûrî arîa engî. Namo maandîkirwe nîguo matuîke ûtaari kûrî tue arîa tûratûûra mavindarî mama ma mûthiia.

Gûco 29:23

Vûrûri wonthe ûkeethîrwa ûkunîkîtwe nî cumbî na ûviriti, na ûtangîvandwa wanarî kîndû gîkamera, nginya nyaki ndîkaamera. Vûrûri wenyu ûkethîrwa wîkariî ta Sodomu na Gomora, Adima na Zeboimu, matûûra marîa Ngai-Mûnene aacûkangirie rîrîa aarakarîte nîmo mûno.

Ahib 4:11

Kwoguo nîtûgerie mûno tûtonye kîvurûkorî kîu, nîguo gûtikethîrwe kûrî mûndû wanarî ûmwe gatagatîrî getû ûkaaremwa nî gûtonya kîvurûkorî nîûndû wa ûremi ta ûcio wao.

Juda 1:15

gûtuîra andû onthe. Ke nîakaaverithia arîa onthe matarî na ûngai, nîûndû wa ciîko cionthe njûku maneka, na averithie evia arîa onthe manaria ciugo njûku cia gûcambithia Mwathani!”

Juda 1:7

Taririkanani andû a matûûra ma Sodomu na Gomora na a matûûra marîa maariganîtie namo. Andû a kuo meekire wa ta araika acio. O meekire maûndû ma ûmaraa na makîrirîria kûmenyana kîîmwîrî na njîra irîa ireganîte na watho. Nao nîmaverithagua na mwaki wa tene na tene nîguo matuîke kîonereria kûrî andû onthe.