2Pet 2:20 - ÎVUKU RÎA ÛVORO MWARO

²⁰ Maavonokirue kuuma maûndûrî marîa macûku ma gûkû nthî na njîra ya kûmenya Mwathani na Mûvonokia wetû Jesû Kristû. Nwatî ethîrwa nîmagûcoka maûndûrî mau macûku na mavotwe nîmo, nîmethîrwa marî acûkîre mûno gûkîra ûrîa gwekariî vîndî yao ya mbere.

2Pet 2:20 ပူးပေါင်းရင်းမြစ်များ

Ezek 33:13

Nwa mbîre mûndû ûrîa mûthingu atî nama nîagaatûûra mwoyo. Nwatî angîîvoka ûthingu ûcio wake na acoke gwîka maûndû macûku, maûndû make ma mbere ma ûthingu matikaaririkanwa. Agaakua nîûndû wa mevia make.

Alawi 13:20

Mûthînjîri-Ngai nîakaaroria vandû vau, na ona varî varikîru ndaarî ya ngothi na njuîrî ciavo igatuîka ino njerû, mûthînjîri-Ngai nîakaauga atî mûndû ûcio tî mûtheru. Ûcio nî mûrimû mûcûku wa ngothi umîrîte îvûvarî.

Alawi 13:55

Nguo îo yarîkia kûthambua, mûthînjîri-Ngai nîakaamîroria, na ethîrwa varîa gîko kîrî vatagarûrûkîte rangi wana ethîrwa vatarî vatambu, nguo îo îrî na gîko. Mwene nguo îo nîakaamîvîvia wana ethîrwa gîko kîu kîrî mwena wa ndaarî kana wa nja wa nguo îo.

Alawi 14:43

Nyomba îngînyitwa nî gîko kîu rîngî vuva wa mathiga kûrutwa na nthingo kûng'arwa na kûthingwa rîngî,

Ndari 24:20

Balaamu nîwacokire akîona Amaleki kîonekirî gîake na akîratha atîrî, “Vûrûri wa Amaleki nîguo warî vinya mûno gûkîra mavûrûri marîa mengî, nwatî mûthiiarî nî ûkaathira viû.”

Gûco 32:29

Kethîrwa maarî na ûûgî nîmaangîamenyire kîrîa gîatûmire mavootwe, nîmangîamenyire ûrîa makaarîkîrîria.

Afil 3:19

Mûthiia wa andû acio nî gûcûkangua, nîûndû matongoragua nî merirîria ma mîîrî yao îrî yo ngai yao. Maûndû ma nthoni nîmo mamakenagia na meciria mao methagîrwa marî maûndûrî ma gûkû nthî.

2Tim 2:4

Mûthigari arî mbaararî endaga gûkenia mûnene wake, kwoguo ndavutanagia na maûndû mengî tiga wa ûrîa avetwe.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

2Pet 1:11

Na njîra îno nîmûkaamûkîrwa na ûtaana ûthamakirî wa tene na tene, wa Mwathani na Mûvonokia wetû Jesû Kristû.

2Pet 1:2

Mûrotuîka a kwîngîvîrwa nî wega na thayû, nîûndû nîmûmenyete Ngai na Mwathani wetû Jesû.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

2Pet 1:4

Nîûndû wa maûndû mau, nîatûvete iveo cia vata mûno na cia goro, irîa ke eeranîre. Na njîra ya iveo ino nwa mûvote kûûrîra merirîria macûku ma gûkû nthî na mûgekara ta Ngai.

2Pet 1:8

Nîmûvatarîte kwîthagîrwa mûrî na maûndû mama na mekarage makîongererekaga. Na ethîrwa maûndû mau makongererekaga kûrî mue magatûmaga mûtuîke andû a vata na marî na maciaro ûvororî wîgiî kûmenya Mwathani wetû Jesû Kristû.

2Pet 2:18

Nîecari na nîmaragia maûndû ma ûrimû. Na njîra ya merirîria mao macûku ma mwîrî, nîmathaagîrîria andû arîa mambîrîrîtie kûthengutîra andû arîa matûûraga mavîtagia.

2Pet 3:18

Nwatî thiîni na mbere gûkûra mûrî na wega na ûûgî wa Mwathani na Mûvonokia wetû Jesû Kristû. Ke arokumua rîu nginya tene na tene! Ameni.