2Pet 2:15 - ÎVUKU RÎA ÛVORO MWARO

¹⁵ Nîmatiganîrîtie njîra îrîa nûngarû makaûra. Nîmarûmîrîrîte njîra îrîa yarûmîrîrwe nî Balaamu mûvîcî wa Beori, ûrîa wendete mûno mbeca irîa aarîvagwa nîûndû wa gwîka naaî.

2Pet 2:15 ပူးပေါင်းရင်းမြစ်များ

1Atha 18:18

Nake Elija nîwacokirie atîrî, “Nie ndianarete thîna gûkû Isiraeli; Nwatî we mûrî na andû a mûciî wa aguo nîmue mûretaga thîna gûkû Isiraeli, nîûndû nîmûregete kwathîkîra maathani ma Ngai-Mûnene na mûkagooca mîvuanano ya Baali.

1Atha 19:10

Nake Elija nîwacokirie atîrî, “Ngai-Mûnene, mwene vinya wonthe, ndwîre ngûtungatagîra wa we wenga. Nwatî andû a Isiraeli nîmareganîte na kîrîkanîro gîaku. Nîmomorete metha ciaku cia magongoona, na makaûraga arathi aku onthe na rûviû. Nînie nienga tu ndigarîte, na nîkwa marenda kûmbûraga!”

Nehemia 13:2

Gîtûmi Kîam ûndû ûcio nî atî matianava andû a Isiraeli irio kana manjî vîndî îrîa maaumaga Misiri. Vandû va ûguo, Aamoni na Amoabu maavere Balaamu mbeca nîguo arume Aisiraeli kîrumi. Nwatî Ngai wetû nîwagarûrire kîrumi kîu gîgîtuîka kîrathimo.

Nthi 28:4

Andû arîa mareganaga na watho makumagia andû arîa aganu, nwatî arîa mathîkagîra watho nîmareganaga na andû arîa aganu.

Ezek 9:10

Kwoguo nie, ndikaamarekera kana nîmeguîra ntha. Ngaamaverithia kûringana na ûrîa mekîte.”

Hosea 14:8

Mue andû a Isiraeli, tiganîriani ngai cia mîvuanano, Nînie nîmûmenyagîrîra na nînie nîmûgitagîra. Mbîkariî ta mûtî ûrîa ûtûûraga ûrurîte vîndî cionthe, ûrîa ûkûvecaga matunda mîaka yonthe.”

Mika 6:5

Mue andû akwa, taririkanani ûrîa Balaki, mûthamaki wa Moabu aavangîte, na ûrîa Balaamu mûvîcî wa Beori aacokerie Balaki. Taririkanani ûrîa gwekîkire mûrî njîrarî kuuma Shitimu kûthiî Giligali nîguo mûmenye ûrîa Ngai-Mûnene eekire nîguo amûvonokie”

Ndari 22:23

Rîrîa mvunda yonire mûraika wa Ngai-Mûnene arûngamîte njîrarî anyitîte rûviû, nîyaumire njîrarî îkîthiî ya mîgûndarî. Balaamu nîwarivire mvunda îo nîguo amîcokie njîrarî.

Ndari 22:28

Ngai-Mûnene nîwavotithirie mvunda kwaria na îkîûria Balaamu, “Ngwîkîte atîa nîguo ûninge maita mau mathatû?”

Ndari 22:32

Nake Mûraika wa Ngai-Mûnene nîwamûririe atîrî, “Nîndûî gîatûma ûringe mvunda yaku ûguo maita mathatû? Naûka gûkûrigîrîria nîûndû ndwagîrîrwe nî kûthiî rûgendo rûrû.

Ndari 31:16

Ririkanani atî aka nîo maathikîrîrie ûtaaro wa Balaamu na magîtûma andû a Isiraeli maregana na Ngai-Mûnene marî Peori. Ûndû ûcio nîguo watûmire andû a Ngai-Mûnene mathirua nî mîrimû mîcûku.

Mathaayo 26:9

Maguta mama nîmangîendua mbeca nyîngî ikînavewa athîni!”

Ciîko 1:18

(“Nake Judasi nîwagûrire mûgûnda na mbia irîa oonire na njîra îrîa îtaagîrîrîte, vau nîvo aagwîre agîtûmûka îvu mara makiuma na agîkua.

Ciîko 13:10

na akiuga atîrî, “We mûrû wa Ngoma! We wî nthû ya maûndû monthe megiî ûthingu. Wîcûrîtwe nî mîthemba yonthe ya mawara ma waganu. Vîndî cionthe we ndûtigaga kûng'otaria njîra irîa nûngarû cia Mwathani!

2Pet 2:13

Kwoguo nîmakaathînua nîûndû nîmatûmîte andû eengî mathînîke. Ûndû ûrîa ûmakenagia nî gwîka maûndû marîa makenagia mîîrî yao mûthenya cararûkû. Nîmatûmaga mûconoke na mûcambe rîrîa maûka marugarî menyu. Vîndî îo yonthe mûrî nao methagîrwa magîkenera mîtugo yao mîcûku.

Juda 1:11

Na kaî o marî na thîna-î! Marûmagîrîra mîtugo ta îrîa yarî ya Kaini. Nîûndû wa kwenda mbeca, nîmetonyetie mavîtiarî wata marîa Balaamu eekire. Nao nî aremi wata Kora na makaathirua wa take.

Kûguû 2:14

Nwatî nîrî na maûndû manini ngûmûcukîra: atî kûrî andû amwe gatagatîrî kenyu marûmagîrîra maûndû marîa Balaamu aathomithanagia. Balaamu ûcio nîke wathomithirie Balaki ûrîa agûtûma andû a Isiraeli mevie na njîra ya kûrîa irio irîa ciarutîrîtwe mîvuanano na mevia na ciîko cia ûmaraa.

1Sam 12:23

Makîria ya ûguo, Ngai-Mûnene arondethia ndikavîtie ngîrega kûvoya nîûndû wenyu, nwatî ngaamûthomithagia ûvoro wîgiî maûndû marîa maro na marîa ma ûma.