2Pet 2:10 - ÎVUKU RÎA ÛVORO MWARO

¹⁰ Andû arîa makaaverithua nî arîa marûmagîrîra merirîria macûku ma mîîrî yao, na makanyarara wathani wa Ngai. Arimû a maveeni nî aûmîrîru na nî ndûrîka na mationanagia gîtîîo kûrî ciûmbe cia îgûrû irîa irî riiri, vandû va ûguo nîkwa mairumaga.

2Pet 2:10 ပူးပေါင်းရင်းမြစ်များ

Kîam 49:6

Ngoro yakwa, menyerera ndûkanyitanîre mîariorî yao ya nthitho wana ndûkathiî mîcemaniorî yao, nîûndû wa marakara mao nîmaaûragire andû, nîûndû wa ûmaramaru wao nîmaatwire ndegwa ithua.

2Sam 20:1

Kûu Giligali kwarî na mûndû warî kîmaramari wetagwa Sheba. Sheba aarî mûvîcî wa Bikiri wa kuuma mûvîrîga wa Benjamini. Sheba nîwavuvire karumbeta na akiuga atîrî, “Tue tûtikwenda Daudi! Tûtikûmûrûmîrîra! Andû a Isiraeli nîtwînûkeni wa mûndû gwake mûciî!”

1Atha 12:16

Rîrîa andû onthe a Isiraeli moonire atî mûthamaki ndaramathikîrîria, nîmaaugîrîrie atîrî, “Gûtirî kîndû tûrenda kuuma kûrî Daudi? Tûtirî na îgai kuuma kûrî mûvîcî wa Jesse. Andû a Isiraeli, twînûkeni! Daudi gitîra nyomba yaku we mwene!” Kwoguo Aisiraeli nîmeenûkire magemarî mao.

Thaburi 12:4

makiugaga atîrî, “Ciugo cietû nîcio igaatûma tûvootane, twaragia ûrîa tûkwenda na gûtirî mûndû ûngîtwatha.”

Ntha 22:28

“Ndûkarie ûndû mûcûku wîgiî Ngai, na ndûkarume mûtongoria wa andû enyu.

Mûvunjia 10:20

Ndûkarume mûthamaki na ngoro, kana ûrume gîtonga ûrî nyomba kûrîa ûmamaga, nîûndû iconi nwa ciîgue igakinyia ûvoro, kana kîûmbe kîrî mathagu Kîamnîrîre ûndû ûcio.

Jeremia 2:31

Mue rûciaro rûrû, thikîrîriani ciugo cia Ngai-Mûnene. Nîkwa mbîthîrîtwe mbîkariî ta werû kûrî andû a Isiraeli, kana vûrûri ûrî na nduma nene? Nîndûî vi gîtûmaga andû akwa mauga atî, “Tûrî na wîathi na tûtigaûka kûrî we rîngî?”

Ndari 15:30

“Nwatî mûndû ûrîa wîvagia akîmenyaga, arî Mûisiraeli kana arî mûgeni, ethagîrwa akîruma Ngai-Mûnene. Mûndû ûcio akaathengutagua andûrî a Ngai-Mûnene.

Luka 11:25

Kwoguo ngoma îo yacoka kuo, nîîthagîrîria nyomba îo îrî mvate na irî njokanîrîrie waro.

Luka 19:14

Nwatî andû a vûrûri wake nîmaamûmenete mûno, kwoguo nîmaatûmire anjaama mamuume vuva, na maakinya mauge atîrî, ‘Tue tûtikwenda mûndû ûyû atuîke mûthamaki wetû.’

Ciîko 23:5

Nake Paûlo nîwamacokerie atîrî, “Ariû na aarî a îthe wetû, nie ndiraicî atî ke nî Mûthînjîri-Ngai ûrîa mûnene. Nîkwandîkîtwe mandîkorî matheru atîrî, ‘Ndûkanarie ûndû mûcûku wîgiî mûnene wa andû enyu.’ ”

Aroma 8:1

Nîûndû wa ûguo, rîu arîa marî ndaarî ya Jesû Kristû matingîtuîrwa atî nî evia.

1Akor 6:9

Mue nîmwicî atî andû arîa aganu matikaagaîrwa ûthamaki wa Ngai. Mûtikeveenie; andû arîa mavûûraga ûmaraa kana mavoyaga mîvuanano kana matharagia, kana arûme arîa mamenyanaga kîîmwîrî na arûme arîa engî,

2Akor 10:3

Nîûndû wana ethîrwa tûtûûraga gûkû nthî tûtirûaga mbaara ya gûkû nthî.

Aefeso 4:19

Matiîgucaga nthoni wana vanini na nîmekaga maûndû marîa macûku. Nîmamenyerete gwîka mawaganu ma mîthemba yonthe.

Aefeso 5:5

Menyani na ma atî mûndû ûrîa ûvûraga ûmaraa, ûrîa ûrî na ûûra nthoni kana ûkoroku (nîûndû gûkoroka nî gûtungatîra ngai cia mîvuanano) ndakaagîa na îgai ûthamakirî wa Kristû na wa Ngai.

Akol 3:5

Kwoguo ûragani merirîria marîa mûrî namo ma maûndû ma gûkû nthî. Namo nî: ûmaraa, ûûra nthoni, ûtûrîka, kûgîa na merirîria macûku na gûkoroka (nîûndû gûkoroka nî ta kûvoya ngai cia mîvuanano).

1Ath 4:7

Ngai aatwîtire tûtûûre tûrî atheru, nwatî tî tûtûûre tûkîvagia.

2Tim 3:2

Nîûndû andû nîmagaatuîka eyendi, akorokeru mbeca, egani, arumani, andû matangîathîkîra aciari ao, andû matarî ngatho na matarî ndini.

Tito 1:7

Mûtongoria wa kanitha arutaga wîra wa Ngai, kwoguo ndagîrîrwe nî kwîthîrwa arî na ûcuke. Ndagîrîrwe nî kwîthîrwa arî mwîtîi, mûrakari narua, mûrîu wa njovi, mwendi mbaara kana mûkorokeru mbeca.

Ahib 13:4

Kûvikania nîkûvecagwe gîtîîo nî andû onthe. Nwanginya mûthuuri na mûka methagîrwe marî evokeku kûrî mûndû na ûrîa wîngî. Ngai nî agaatuîra avûri ûmaraa na arîa mekaga maûndû ma ûtharia.

2Pet 3:3

Îgûrû rîa maûndû monthe, nwanginya mûmenye atî mîthenyarî ya kûrigîrîria, nîgûkaumîra andû amwe marî na mîkarîre yathagwa nî merirîria mao macûku. Nao nîmakaamûnyûrûria

Juda 1:10

Nwatî andû acio nîmarumaga maûndû marîa o matataûkagîrwa nîmo. Namo maûndû marîa mamenyaga na ûmenyo wa mûciarîre ta nyamû cia kîthaka, nîmo mamacûkangagia.

Juda 1:16

Vîndî cionthe andû acio nîmanugunaga na makegwatia andû arîa engî. Nîmarûmagîrîra merirîria mao macûku. Nîmeganaga na makaveenereria andû arîa eengî nîguo megune o ene.

Juda 1:18

O maamwîrire atîrî, “Vîndî îrîa mavinda ma mûthiia magaakinya, nîgûkaumîra andû makaamûnyûrûria, na marûmagîrîra merirîria mao matarî ma ûngai.”

Juda 1:4

Nîûndû andû amwe arîa matarî na ûngai nîmatonyete na nthitho gatagatîrî getû. Andû acio nîo magarûraga ndûmîrîri îgiî wega wa Ngai wetû nîguo magîe na kîîgwatio Kîam maûndû marîa mekaga macûku. Andû aya nwa o maregaga Jesû Kristû ûrîa arî ke Mwathi na Mwathani wetû. Tene mandîko matheru nîmaarathire ûvoro wîgiî îtuîro rîrîa andû acio makûnyita.

1Sam 10:27

Nwatî nîkwarî na andû amwe maarî a mana maaûririe atîrî, “Nî ûndû ûrîkû mwaro mûndû ûyû angîtwîkîra?” Nao makîmûnyûrûria na makîrega kûmûva kîveo wanarî kîmwe. Nwatî Saûlo agîkira kivi.