2Pet 1:4 - ÎVUKU RÎA ÛVORO MWARO

⁴ Nîûndû wa maûndû mau, nîatûvete iveo cia vata mûno na cia goro, irîa ke eeranîre. Na njîra ya iveo ino nwa mûvote kûûrîra merirîria macûku ma gûkû nthî na mûgekara ta Ngai.

2Pet 1:4 ပူးပေါင်းရင်းမြစ်များ

Aroma 9:4

Andû acio nî Aisiraeli na nîo Ngai aatuire ciana ciake na akîmaguûrîria riiri wake. Ke nîwathondekire irîkanîro nao na akîmava watho. Andû acio nîmamenyete kûgooca Ngai nama na nîmamûkîrîte ciîranîro ciake.

2Akor 1:20

nîûndû nîke wîthagîrwa arî “Ii” kûrî ciîranîro cionthe cia Ngai. Ûndû ûyû nîguo ûtûmaga tuge na njîra ya Jesû Kristû “Ameni” rîrîa tûgûkumia Ngai na njîra ya Jesû Kristû.

2Akor 3:18

Tue tuonthe twîthagîrwa tûrî akunûre mothiû nîguo twonanagie riiri wa Mwathani. Naguo riiri ûrîa uumaga kûrî Mwathani, ûrîa arî ke Roho, nîatûgarûraga tûkavanana nake na tûrî na riiri makîria.

2Akor 6:17

Kwoguo Mwathani augîte atîrî, “Umani kûrî o na mûtigane nao, mûtikanyite kîndû gîtarî kîtheru, na nie nîngaamwîtîkîra.

Agal 3:16

Rîu Ngai nîwarûthire kîîranîro gîake na Iburahimu vamwe na rûciaro rwake. Mandîko matheru matiugîte atîrî, “Na njiarwa ciake,” ûguo nî kuga andû eengî, nwatî maugîte “Rûciaro rwake,” na nî kuga mûndû ûmwe, na nîke Kristû.

Agal 6:8

Ethîrwa mûndû avandaga merirîriarî macûku ma mwîrî, agaaketha gîkuû kuuma merirîriarî mau macûku ma mwîrî. Nwatî ethîrwa avandaga ûvororî wa Roho, agaaketha mwoyo wa tene na tene.

Aefeso 4:13

Kwoguo tûrî vamwe tuonthe nîtûkaagîa na ûrûmwe wa wîtîkio na wa kûmenya Mûriû wa Ngai. Nîtûgaatuîka andû agima na tûkinyîre wîcûru wa ûgima wa Kristû.

Akol 3:10

na nîmwekîrire ûmûndû mûcerû. Naguo ûmûndû wenyu ûyû mûcerû wîkaraga ûgîcerûvagua vîndî cionthe nîguo ûvanane na Ngai ûrîa waûûmbire, nîguo ûgîe na ûmenyo wa ma wake.

Ahib 12:10

Methe metû ma gûkû nthî nîmaatûverithirie gwa kavinda kanini kûringana na ûrîa moonaga kwagîrîrîte. Nwatî Ngai atûverithagia tûgunîke na nîguo tûkaagaa ûtheru wake.

Ahib 9:15

Kwoguo Kristû nîke ûthondekaga kîrîkanîro gîcerû, nîguo arîa onthe metîtwe nî Ngai mamûkîre irathimo cia tene na tene irîa Ngai aameerîre. Ûndû ûyû wîkîkaga nîûndû nîkwîthîrîtwe kûrî na gîkuû gîa gûkûûra andû kuuma meviarî marîa meekire vîndî îrîa maathagwa nî kîrîkanîro Kîam mbere.

Jakuvu 1:27

Ndini îrîa Ngai Vava atucaga ntheru na îtarî na ûcuke nî kûmenyerera ciana cia ndigwa na aka a ndigwa mathînarî mao, na kwîgirîrîria maûndû marîa macûku ma nthî.

2Pet 1:1

Nie Simoni Petero ndungata na mûtûmwa wa Jesû Kristû, nîramwandîkîra mue andû arîa mavetwe wîtîkio wa goro wata ûrîa tûrî naguo na njîra ya ûthingu wa Ngai wetû na wa Mûvonokia wetû Jesû Kristû.

2Pet 3:13

Nwatî kûringana na kîîranîro gîake, tue twetererete îgûrû rîcerû na nthî njerû, kûrîa gûkethîrwa gwîcûrîte ûthingu.

2Pet 3:9

Mwathani ndavingagia ciîranîro ciake arî na ûtururu ta ûrîa andû amwe meciragia. Vandû va ûguo nîamûkiragîrîria nîûndû gûtirî mûndû wana ûmwe endaga akaaûra, nwatî endaga andû onthe merire mevia mao.

1Joh 2:25

Kîveo kîrîa Kristû aatwîrîre nî mwoyo wa tene na tene.

1Joh 3:2

Arata akwa, tue rîu tûrî ciana cia Ngai. Gûtiramenyekana waro ûrîa tûkethîrwa twîkariî. Nwatî nîtwîcî atî rîrîa Kristû akoonekana, tûkethîrwa twîkariî take nîûndû tûkaamwona nama ûrîa ekariî.