2Pet 1:21 - ÎVUKU RÎA ÛVORO MWARO

²¹ Nîûndû gûtirî ûrathi wanaumana na wendi wa mûndû, nwatî andû managîrîra ndûmîrîri kuuma kûrî Ngai matongoretue nî Roho Mûtheru.

2Pet 1:21 ပူးပေါင်းရင်းမြစ်များ

2Sam 23:2

Roho wa Ngai-Mûnene nî araria na njîra yakwa; ndûmîrîri yake îrî kanyuarî gakwa.

1Atha 13:1

Ngai-Mûnene nîwathire mûndû wa Ngai kuuma Juda athiî Betheli. Nake rîrîa aakinyire nîwethîrîrie Jeroboamu arûngamîte vau metharî ya kîgongoona akîenda kûruta îgongoona.

1Atha 17:18

Mûndûmûka ûcio wa ndigwa nîwerire Elija atîrî, “Mûndû wa Ngai, wambîkire ûguo nîkî? Nîkwa waûkire kûririkania Ngai mevia makwa nîguo mûvîcîwa akue?”

1Atha 17:24

Nake mûndûmûka wa ndigwa nîwerire Elija atîrî, “Rîu nînetîkia atî wî mûndû wa Ngai na atî maûndû marîa Ngai-Mûnene aragia na njîra yaku nîma ma!”

2Atha 4:22

Nîwacokire agîta mûrûme na akîmwîra atîrî, “Ndûmîra ndungata îmwe îrî na mvunda îmwe, nîguo mvinyûre kûrî mûrathi Elisha na njoke na îvenya.”

2Atha 4:7

Nîwathiîre na akîra Elisha ûguo. Nake Elisha nîwamwîrire atîrî, “Thiî wendie maguta mau na ûrîve thirî yaku, nawe mûrî na avîcî aku nî mûgûtûûrua mwoyo nî mau magaatigara.”

2Atha 4:9

Mûndûmûka ûcio nîwerire mûrûme atîrî, “Taroria rîu nîmonete atî, mûndû ûyû ûvîtûkagîrîra gûkû gwetû mûciî vîndî cionthe nî mûndû wamûrîrîtwe Ngai.

2Atha 6:10

Kwoguo mûthamaki wa Isiraeli nîwatûmanîre athigari ake matikathiî vandû vau Elisha aamwîrîte ûvoro wavo maita meengî nîguo ekarage emenyererete.

2Atha 6:15

Rîrîa ndungata ya Elisha aaramûkire kîraûko na akiuma nja, nîwonire athigari a mbaara marî na mbarathi na ikaari cia mbaara marigicîrîtie îtûûra. Ndungata îo nîyacokire kûrî Elisha na îkîûria atîrî, “Ûûi mwathi wakwa! Nîtwîka atîa?”

1Maû 23:14

Nwatî Avîcî a Musa mûndû wa Ngai, maataranîrue vamwe na andû a mûvîrîga wa Lawi.

2Maû 8:14

Solomoni nîwarûthire mûvango wa wîra wa wa mûthenya wa athînjîri-Ngai na Alawi arîa maatethagia athînjîri-Ngai kwina na kûruta wîra wao kûringana na watho wa îthe Daudi. Nîwavangire arangîri a ivingo ikundi na akîmava wîra wa gwîkaragia ivingo cionthe wa mûthenya kûringana na ûrîa Daudi ndungata ya Ngai aathanîte.

Jeremia 23:26

Nîmatûûra mavîtithagia andû akwa nginya rî, na morathi ma maveeni marîa matungîte na ngoro ciao?

Ezek 1:3

nie mûthînjîri-Ngai Ezekieli mûvîcî wa Buzi nînakinyîrwe nî ndûmîrîri ya Ngai-Mûnene nîrî vûrûrirî wa Akalidei vakuvî na rûnjî rwa Kebari na ngîgua nagîa na vinya wake.

Mika 1:1

Ndûmîrîri ya Ngai-Mûnene nîyakinyîre Mika vîndî îrîa Jothamu, Ahazi, na Hezekia maarî athamaki a vûrûri wa Juda. Mûrathi Mika aarî wa kuuma îtûûra rîa Moreshethi, na nîwaguûrîrue maûndû marîa maarî mekîke Samaria na Jerusalemu.

Mika 3:7

Arîa marathaga maûndû nîmagaconorithua, na andû arîa monaga maûndû makanyararagwa, onthe nîmagaakunîka tûnyua twao, nîûndû Ngai ndakamacokeria wanarî ûndû.

Ndari 16:28

Musa nîwacokire akîmeera atîrî, “Ûndû ûyû nîguo ûkaamûmenyithia atî nî Ngai-Mûnene wandûmire mbîke maûndû mama monthe, na atî tînie nathuurire kûmeka.

Maariko 12:36

Daudi nîwavotithirue nî Roho Mûtheru kuga atî: ‘Ngai-Mûnene nîwerire Mwathani wakwa atîrî: Îkara nthî mwena wakwa wa njara ya ûrîo, nginya rîrîa ngaatûma ûthige nthû ciaku na magûrû maku.’

Luka 1:70

Nîweranîre kuuma tene, na tûnyua twa arathi ake atheru,

Ciîko 1:16

“Ariû na aarî a îthe wetû mue mwîtîkîtie Ngai, Mandîko marîa matheru nwanginya maarî mavingue marîa Roho Mûtheru aaririe na kanyua ka Daudi rîrîa aarathire ûvoro wîgiî Judasi. Judasi nîke watongoretie arîa maanyitire Jesû.

Ciîko 28:25

Kwoguo nîmaakararanirie na makîambîrîria kuuma kûu rîrîa Paûlo aarîkirie kûmeera ûndû ûyû ûmwe: “Roho Mûtheru nîwavere methe menyu ma tene ûvoro wa ma na njîra ya mûrathi Isaia,

Ciîko 3:18

Nwatî ûguo nîguo Ngai aavingirie ûrîa ke aarîtie na njîra ya tûnyua twa arathi ake onthe, atî nwa nginya Mesaya wake anyarirwe.

Gûco 33:1

Gîkî nîkîo kîrathimo kîrîa Musa, mûndû wa Ngai aatigîre andû a Isiraeli mbere ya akue.

Ahib 10:15

Nake Roho Mûtheru nî atûvecaga ûira wake. Mbere aaugire atîrî,

Ahib 3:7

Kwoguo wata ûrîa Roho Mûtheru augîte atîrî, “Ûmûnthî mûngîgua mûgambo wa Ngai,

Ahib 9:8

Na njîra îno, Roho Mûtheru nîonanagia atî rîrîa rîonthe îgema rîa nja rîrî vo, njîra ya kûthiî vandû varîa vatheru Mûno tî mvingûre.

Josh 14:6

Andû amwe a kuuma mûvîrîgarî wa Juda nîmaathiîre kûrî Joshua kûu Giligali. Ûmwe wao aarî Kalebu mûvîcî wa Jefune wa mbarî ya Kenezi. Nake Kalebu nîwerire Joshua atîrî, “We nîwicî ûrîa Ngai-Mûnene eerire Musa mûndû wa Ngai ûvoro wîgiî nie nawe vîndî îrîa twarî Kadeshi-barinea.

1Pet 1:11

Roho wa Kristû aarî ndaarî ya Arathi rîrîa maarathaga ûvoro wîgiî kûthînua gwa Kristû, na riiri ûrîa ûgaacoka kûrûmîrîra mathîna mau. Arathi nîmaageragia kûmenya ûvoro wîgiî maûndû marîa Roho aamoonagia rîrîa magaatuîkîka na ûrîa gûkeethîrwa gwîkariî maûndû mau magîtuîkîka.

Kûguû 19:10

Nînegwîthirie nthî mbere yake nîmûgooce, nwatî ke nîwambîrire atîrî, “Tiga gwîka ûguo! Nie ndungatagîra Ngai wa tawe na etîkia arîa engî onthe evokeku. Acio nî arîa marûmagîrîra ûira wa Jesû. Goocani Ngai arî ke!” Nîûndû ûira ûrîa ûguûragwa nî Jesû nîguo ûtûmaga arathi manîrîre ndûmîrîri ya ûkristiano.