2Pet 1:16 - ÎVUKU RÎA ÛVORO MWARO

¹⁶ Vîndî îrîa tue twamûmenyithirie ûvoro wîgiî gûka kwa Mwathani wetû Jesû Kristû arî na ûvoti mûnene, tî ng'ano cia gwîtungîra twamûganagîra. Nwatî nîtweyonere ûnene wake na metho metû.

2Pet 1:16 ပူးပေါင်းရင်းမြစ်များ

Malaki 3:2

Nwatî nîûrîkû ûkavota kûmîrîria mûthenya ûrîa agaûka? Nîûrîkû ûkaûmîrîria vîndî îrîa akeyumîria? Nîûndû ke ekariî ta mwaki mûnene ûrîa ûtheragia cuuma, kana ta thabuni îrî na vinya îrîa îthambagia nguo ikathera mûno.

Malaki 4:5

“Taroria, mbere ya mûthenya ûcio mûnene na wa kûmakania ûkinye nîngaatûma mûrathi Elija.

Mathaayo 16:27

Nîramwîra maûndû mama monthe nîûndû Mûrû wa Mûndû arî vakuvî gûka arî na riiri wa îthe na araika ake. Na nîagaacoka arîve mûndû wa wonthe kûringana na ciîko ciake.

Mathaayo 16:28

Nîramwîra nama atî kûrî na andû amwe marûngamîte ava matagaakua mbere ya moona Mûrû wa Mûndû agîûka arî Mûthamaki.”

Mathaayo 17:1

Mîthenya îtandatû yavîtûka, Jesû nîwocire Petero, Jakuvu na Mûrwang'ina Johana. Nîwamatongoririe makîthiî vandû kîrîmarî îgûrû na magîkara kuo marî onga.

Mathaayo 24:27

Nîûndû Mûrû wa Mûndû agaûka ta rûveni rûrîa rûvenagia îgûrû matuurî kuuma mwena wa îrathîro nginya mwena wa îthûîro.

Mathaayo 24:3

Vîndî îrîa Jesû eekarîte nthî kîrîmarî Kîam mîtî ya mîtamaiyû îrîa îciaraga matunda, arutwa ake nîmaathiîre kûrî ke marî oonga na makîmwîra atîrî, “Ta twîre atîrî, maûndû mama monthe mageekîka rî, na nîndûî gîgaatwonia atî îvinda rîa gûka gwaku na rîa îthirîro rîa nthî nîrîkinyu.”

Mathaayo 28:18

Nake Jesû nîwathiîre vakuvî nao na akîmeera atîrî, “Nie nîrî mûve wathani wonthe gûkû nthî wana îgûrû.

Maariko 13:26

Nake Mûrû wa Mûndû nîakoonekana agîûka arî matuurî, na arî na vinya nyîngî na riiri.

Maariko 14:62

Nake Jesû nîwamacokerie atîrî, “Îni, nînie ke. Na nîmûkoona Mûrû wa Mûndû ekarîte mwena wa ûrîo wa Ngai mwene vinya wonthe na agîûka arî matuurî ma îgûrû.”

Luka 1:2

Maandîkire kûringana na ûrîa twîrîtwe ûvoro nî andû arîa moonire maûndû mama kuuma wa Kîammbîrîria na andû arîa maavunjagia ndûmîrîri ya Ngai.

Luka 9:43

Nao andû onthe nîmaamakire nîûndû wa ûvoti mûnene wa Ngai. Vîndî îrîa andû onthe maamakîte nîûndû wa maûndû monthe marîa Jesû eekaga, nîwerire arutwa ake atîrî,

Johana 1:14

Kiugo nîwatuîkire mûndû na agîtûûrania natue ecûrîtwe nî wega na ûma. Natue nîtwonire riiri wake, riiri ûrîa Ngai aaveere Mûriû wake wa mûmwe.

Johana 17:2

Nîûndû Nîwamûvere wathani wa kwatha andû onthe nîguo arîa onthe wamûveere amave mwoyo wa tene na tene.

Aroma 1:4

Îgûrû rîgiî roho ûrîa aarî naguo wa ûtheru nîwonanirue na njîra ya vinya mûno atî ke nîke Mûriû wa Ngai nîûndû wa kûriûkua.

1Akor 1:17

Kristû ndaandûma nîguo mvatithanie. Nwatî aandûmire nîguo ngavunjie Ûvoro Mwaro. Aandûmire ngavunjie ûvoro ûcio ndagûtûmîra ûûgî ûrîa umanîte na ûûmûndû. Nekire ûguo nîguo gûkua gwa Kristû mûtharavarî gûtigaatuîke kwa mana.

1Akor 1:23

Nwatî tue tûvunjagia ûvoro wîgiî Kristû ûrîa mwambe. Ayahudi monaga ûvoro ûcio ûrî mûvînga, nao andû a Ndûrîrî makawona ûrî ûrimû.

1Akor 1:7

Kwoguo mue nîmwamûkîrîte iveo cia mîthemba yonthe irîa Roho wa Ngai avecanaga wa mwetererete mûthenya wa kûguûrua kwa Mwathani wetû Jesû Kristû.

1Akor 2:1

Ariû na aarî a îthe wetû, rîrîa naûkire kûrî mue kûmûvunjîria ndûmîrîri îgiî nthitho ya Ngai ndiatûmîra ciugo ndito kana ûûgî mûnene.

1Akor 2:4

Ngîthomithia na ngîvunjia ndiatûmîra ciugo irî na ûûgî wa kîûmûndû irîa igucagîrîria andû, nwatî natûmîre ciugo cionanagia vinya ûrîa ûvecanagwa nî Roho wa Ngai.

1Akor 5:4

Vîndî îrîa mûcemanîtie vamwe na rîîtwa rîa Mwathani wetû Jesû, na ngethîrwa nîrî vamwe namue kîîroho, na njîra ya vinya wa Mwathani wetû Jesû,

2Akor 2:17

Kwoguo tue tûtiîkariî ta andû amwe eengî arîa manyitaga ndûmîrîri ya Ngai ta kîndû gîtarî vata. Nwatî nîûndû Ngai nîke ûtûtûmîte, twaragia tûrî na ûma mbere yake ta ndungata cia Kristû.

2Akor 4:2

Nîtûreganîte na maûndû ma nthoni marîa mekagîrwa nthithorî. Nîtûreganîte na maûndû ma wara, kana kûgarûrania ciugo cia Ngai ituîke cia maveeni. Nwatî twaragia ûvoro wa ma tûrî mbere ya Ngai tûkîîrîgagîrîra atî andû onthe arîa marî na thamiri mbaro nîmagûtwîtîkîra.

Aefeso 4:14

Tûtigaacoka gûtuîka ta ciana irîa cikanagua na mbere na igaikanua na vuva na ikaveenererua nî arimû a maveeni a mîthemba yonthe. Acio nîo mavîtithagia andû arîa engî nîûndû wa mawara marîa matungîte.

Afil 3:21

Ke nîakaagarûra mîîrî îno yetû îkuucaga na îtarî vinya îtuîke ta mwîrî wake ûrîa ûrî na riiri. Ageeka ûguo na vinya wake ûrîa ûtûmaga athe indo cionthe.

1Ath 2:19

Mue nî mue mwîrîgîrîro wetû, gîkeno gîetû na nthûmbî îrîa tûgetîîa nayo rîrîa Mwathani wetû Jesû Kristû agaaûka.

2Ath 2:9

Mûndû ûcio Mwaganu nîagaaûka arî na vinya kuuma kûrî Caitani, ûrîa ûkonanua na njîra ya ciama nyîngî cia maveeni na maûndû mengî ma magegania.

1Tim 1:4

Wana nîmerwe matige kûgana ng'ano itarî na vata na kûvecana mûtaratara mûraca wa methe ma tene. Maûndû mama nîmo maretage ngarari na matitungataga mûvango wa Ngai ûrîa ûmenyekaga na njîra ya wîtîkio.

1Tim 4:7

Ndûkathikîrîrie ng'ano itarî vata na itarî cia Ngai. Îîthomithie gwîkara na mûtûûrîre wa Ûngai.

Tito 1:14

na ûmeere matige kûthikîrîria ng'ano cia tene cia Ayahudi na maathani ma andû arîa mareganîte na ûvoro wa ma.

2Pet 2:3

Nîûndû wa ûkoroku wao, arimû aya a maveeni magetongagia na njîra ya kûmûganîra ng'ano cia gwîtungîra. Na kwa îvinda îraca Mûmacirithia ethîrîtwe evarîrîtie, na mûmacûkangia atamamiî!

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

Juda 1:14

Enoku ûrîa warî wa rûciaro rwa mûgwanja kuuma kûrî Adamu nîwarathire ûvoro ûmegiî akiuga atîrî: “Mwathani nîagaaûka arî na ngiri nyîngî cia araika ake atheru,

Kûguû 1:7

Taroria, ke nî aûkîte arî matuurî! Andû onthe nîmakaamwona, wana arîa maamûmundire. Andû onthe a nthî nîmakaarîra maugîrîrîtie nîûndû wake. Ûguo nîguo gûgaatuîka. Ameni!