2Pet 1:10 - ÎVUKU RÎA ÛVORO MWARO

¹⁰ Kwoguo ariû na aarî a îthe wetû, geragiani na kîîo mûno kwona atî na ma nîmwîtîtwe na mûkathuurwa nî Ngai. Ethîrwa nîmûgwîka ûguo, mûtigatiganîria wîtîkio wenyu.

2Pet 1:10 ပူးပေါင်းရင်းမြစ်များ

Thaburi 112:6

Mûndû ûrîa mûthingu ndakaavootwa; agaatûûra aririkanagwa tene na tene.

Thaburi 121:3

Ndangîkûrekia ûgwa, mûmenyereri waku ndagocagîrîra.

Thaburi 15:5

Makombithanagia na matiîtagia maciaro, na matangîvakîka nîguo mavecane ûira wa maveeni wîgiî mûndû ûtarî na mavîtia. Andû arîa mekaga maûndû mama matikenyenya.

Thaburi 37:24

Wana mangîgwa, nîmaûkagîra, nîûndû Ngai-Mûnene nîamanyitagîrîra.

Thaburi 62:2

Nîke wenga ûngitagîra na akamvonokia; nîke ûngitagîra na ndikenyenyeka.

Thaburi 62:6

Nîke tu ûngitagîra na akamvonokia; nîke ûngitagîra na ndikenyenyeka.

Isaia 56:2

Gûkena nî mûndû ûrîa ûrûmagîrîra na kinyi maûndû marîa mbugaga, ûrîa wîkaraga amenyererete mûthenya wa thavatû atakûûthûkia, na atagwîka wanarî ûndû mûcûku.”

Mika 7:8

We nthû yakwa ndûgakene rîrîa nîrî thînarî. Rîrîa nagwa, nîmbûkagîra, rîrîa nîrî ndumarî, Ngai-Mûnene nîke ûtheri wakwa.

Mathaayo 22:14

Nake Jesû nîwarîkîrîrie atîrî, “Andû eengî nîmetîtwe, nwatî arîa athuure nî anini.”

Aroma 11:29

Nîûndû Ngai arathuura mûndû na akîmûrathima, ndagarûrûkaga.

2Tim 2:19

Nwatî mûcingi ûrîa Ngai atumîte ndûngîenyenyeka; na îgûrû rîaguo kwandîkîtwe atîrî, “Mwathani nîwîcî andû ake na mûndû wa wonthe umbûraga Mwathani nwanginya atige gwîka maûndû ma waganu.”

Ahib 6:11

Tûngîenda mûndû wa wonthe gatagatîrî kenyu athiî na mbere na kûgîa na kîîo nginya mûthiia, nîguo mûnyite na ma maûndû marîa mwîriragîria.

Ahib 6:19

Ûndû ûcio twîthagîrwa twîrîgîrîrîte nîûtûmaga twîkarage tûkîgucaga tûrî agitîre. Kîîrîgîrîro kîu nî Kîam ma na kîrî vinya na nîgîtonyagîra gîtambaarî Kîam hekarû ya îgûrû gîgakinya ndaarî varîa vatheru.

Jakuvu 2:10

Mûndû ûrîa unîte rîathani rîmwe, nîatucagîrwa atî ke nî unîte maathani monthe.

Josh 7:3

nîmacokerie Joshua ûvoro na makîmwîra atîrî: “Gûtirî na vata wa athigari onthe a mbaara mathiî makarûe na andû a Ai. Tûma athigari ngiri igîrî kana ithatû nîûndû tî îtûûra înene.”

1Pet 1:2

Mue mwathuurirwe kûringana na wendi wa Ngai Vava, na mûkîtherua nî Roho nîguo mwathîkagîre Jesû Kristû na mûtherague nî nthakame yake. Mûrotuîka a kwîngîvîrwa nî wega na thayû.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

2Pet 1:3

Vinya wa Ngai nîûtûvete indo cionthe irîa tûvatarîte nîguo tûtûûre tûrî na ûngai ûrîa wa ma. Tûrî na indo icio nîûndû nîtûmenyete Jesû ûrîa watwîtire nîguo tûkaagaa riiri na wega wake.

2Pet 1:5

Na nîûndû wa gîtûmi kîu, geragiani mûno mwongagîrîre gwîka waro wîtîkiorî wenyu, na gwîka waro kwenyu mwongagîrîre ûmenyo,

2Pet 3:14

Kwoguo arata akwa ende, wa mûgîetagîrîra Mûthenya ûcio, geragiani wa ûrîa mûngîvota nîguo mwîthagîrwe mûrî atheru na mûtarî na ûcuke mbere ya Ngai, na mûrî na thayû.

2Pet 3:17

Nwatî mue arata akwa ende nîmûrîkîtie kûmenya ûguo. Kwoguo îîmenyagîrîreni mûtikaume wîtîkiorî ûcio wenyu ûrîa mwîkindîrîtie nîûndû wa kûvîtithua nî andû arîa mareganaga na watho.

Juda 1:24

Na rîu, kûrî na ûrîa ûrî na ûvoti wa kûmûmenyerera mûtikagwe na kûmûrete mbere ya riiri wake mûtarî na ûcuke na mûrî na gîkeno,

Kûguû 22:14

Kûrathimwa nî arîa mathambagia nguo ciao ikathera, nîguo metîkîrue kûrîa matunda kuuma mûtîrî wa mwoyo. Andû acio nîmakaavîtûkîra mîîrîgarî mathiî îtûûrarî.