2Maû 9:4 - ÎVUKU RÎA ÛVORO MWARO

⁴ irio irîa ciarî metharî yake, kûrîa ndungata cia Solomoni ciekaraga, ûrîa aatungatagîrwa nî ndungata ciake, nguo cia ndungata icio, ndungata irîa ciamûviragîra gîa kûnyua na magongoona ma kûvîvua marîa Solomoni aarutagîra hekarûrî ya Ngai-Mûnene, nîwamakire mûno na akîremwa nî kwaria.

2Maû 9:4 ပူးပေါင်းရင်းမြစ်များ

1Atha 10:5

irio irîa ciarî metharî yake, kûrîa ndungata cia Solomoni ciekaraga, ûrîa aatungatagîrwa nî ndungata ciake, nguo cia ndungata icio, ndungata irîa ciamûviragîra gîa kûnyua na magongoona ma kûvîvua marîa Solomoni aarutagîra hekarûrî, nîwamakire mûno na akîremwa nî kwaria.

1Atha 5:2

Solomoni nîwatûmire andû kûrî Hiramu makamwîre atîrî,

1Atha 5:3

“Nîwicî atî vava Daudi ndangîavotire gûtumîra Ngai-Mûnene, Ngai wake hekarû nîûndû wa mbaara irîa aarûaga na nthû irîa ciamûthiûrûrûkîrîtie nginya rîrîa Ngai-Mûnene aamûvotithirie kûvoota nthû ciake.

2Atha 16:18

Mûthamaki Ahazi nîwatharirie vandû vatûgîru varîa vaatûmagîrwa nî mûthamaki mûthenya wa thavatû na akîvinga mûrango ûrîa mûthamaki aatonyagîrîra akîthiî hekarûrî. Ekire ûguo nîûndû wa mûthamaki wa Asîria.

1Maû 9:18

Arangîri aya kuuma mûvîrîgarî wa Alawi, nginya kavinda kau meekaragia kîvingo gîa gûtonya kwa mûthamaki kîrîa Kîamrî mwena wa îrathîro.

2Maû 23:13

Rîrîa aaroririe nîwonire mûthamaki arûngamîte mwenarî wa gîtugî Kîam mûromo wa hekarû. Anene a athigari a mbaara na andû arîa maavuvaga tûrumbeta marûngamîte mîena mathiûrûrûkîrîtie mûthamaki na andû onthe a vûrûri magîkenaga makîvuvaga tûrumbeta, na aini a nyîmbo marî na indo ciao cia kwina matongoreretie andû gûkûngûîra. Athalia nîwatembûrangire nguo ciake na akiugîrîria atîrî, “Ûkunyanîri! Ûkunyanîri!”

2Maû 9:3

Rîrîa mûthamaki wa Sheba oonire ûûgî ûrîa warî na Solomoni na akîona nyomba îrîa aatumîte,

2Maû 9:5

Nake nîwerire mûthamaki Solomoni atîrî, “Ûrîa neguire nîrî vûrûrirî wakwa ûvoro wîgiî maûndû marîa wîkîte na ûûgî waku nî ma ma!

Nehemia 1:11

We Mwathani, thikîrîria mavoya makwa na mavoya ma ndungata icio ciîngî ciaku irîa irenda gûgûkumia ikenete. Ûmûnthî va ndungata yaku ûvootani na ûtûme mûthamaki ambîguîre ntha.” Vîndî îo nînie naarî ndungata yake ya kûmenyerera ndivei.

Thaburi 119:81

Ngai-Mûnene, nî nthirîte vinya nî kwîrirîria ûvonokio waku, nwatî mbigîte mwîvoko wakwa kiugorî gîaku.

Thaburi 143:7

Njokeria narua, we Ngai-Mûnene! Nîrîmûkuû ngoro viû. Ndûkandiganîrie, nîûndû warega kûndethia nîngûthiî kwa arîa akuû.

Nthi 9:5

“Ûkani mûrîe irio irîa nîmûvarîrîrîtie, na mûnyue ndivei mbaro îrîa mvarîrîrîtie.

Rwîmbo rwa Nyîmbo 5:8

Mue aka a Jerusalemu, namûthaitha, mwona mwendwa wakwa mwîreni nîrî mûrwaru nî wendo.

Ezek 44:3

Mûnene ûrîa ûrathana nwa atonye athiî akarîe irio irîa nyamûre mbere ya Ngai-Mûnene. Agaatonyera na akaumîrîra mûrangorî ûrîa ûrî kanyombarî ga gûtonya hekarûrî.”

Ezek 46:2

Mûnene ûrîa ûrathana akaumaga kîvarorî Kîam nja na agatonyera kanyombarî ga gûtonyerwa ga kîvingo kîu, na atonya akarûngama vakuvî na gîtugî gîa kîvingo. Athînjîri-Ngai nîmakaaruta îgongoona rîake rîa kûvîvua na rîa thayû na nîakagooca Ngai-Mûnene arî vau kîvingorî kîu na agacoka akauma nja rîngî. Kîvingo kîu gîtikaavingwa nginya kîvwaî.

Danieli 10:17

Nie mbîkariî ta ngombo îrûngamîte mbere ya mwathi wayo. Nîngîaria nawe atîa? Ndirî wanarî kaavinya kana mîvevû ndigarîtie.”

Mathaayo 6:29

Nwatî nîramwîra atî wana nginya Mûthamaki Solomoni ûrîa warî na ûtonga mwîngî mûno, ndaarî na nguo nthaka gûkîra wana rîmwe rîa maûa mama.

Luka 12:37

Kûrathimwa nî ndungata irîa ciîthagîrîrua nî mwathi wacio itamamîte vîndî îrîa acoka. Nie nîramwîra na ma atî vîndî îrîa mwathi wacio agaacoka akamba kûruta îgooti, ameete mathiî mekare metharî na acoke amaraîre.

Kûguû 1:17

Rîrîa namwonire, nînegwîthirie nthî mbere yake ta mûndû mûkuû. Nwatî mûndû ûcio nîwakûnjûrire njara yake akîmbigîrîra na akîmbîra atîrî, “Ndûgetigîre! Nie nî nie wa mbere na wa mûthiia.

Kûguû 3:20

Ta roriani! Nie nûngamîte mûrangorî ngîringaringa mûndû wa wonthe ûkwîgua mûgambo wakwa na amvingûrîre mûrango, nie nîngûtonya na ndîcanîre nake, nake arîcanîre nanie.