2Maû 7:9 - ÎVUKU RÎA ÛVORO MWARO

⁹ Mûthenya wa kanana nîmaagomanire vamwe kûgooca, nîûndû methîrîtwe mathirîtie mîthenya mûgwanja makîamûra metha ya kîgongoona na mîthenya îngî mûgwanja ya kîrugo.

2Maû 7:9 ပူးပေါင်းရင်းမြစ်များ

1Atha 8:2

Nao onthe nîmaaûnganire kîrugorî kwa mûthamaki Solomoni mwerirî wa Ethanimu, nîguo mweri wa mûgwanja.

1Atha 8:65

Solomoni na andû onthe a Isiraeli nîmaakûngûîre kîrugo îvinda rîa mîthenya mûgwanja. Kwarî na andû eengî arîa maaûkîte kuuma mwanyarî wa Hamathi mwena wa rûgûrû nginya karûnjîrî ka Misiri mwena wa îveti.

2Maû 30:23

Andû onthe arîa maagomanîte nîmeetîkanîrie makûngûîre kîrugo kîu îvinda rîa mîthenya îngî mûgwanja (7). Kwoguo nîmaagîkûngûîre mîthenya îngî mûgwanja makenete.

2Maû 7:10

Mûthenya wa mîrongo îîrî na îthatû wa mweri wa mûgwanja, Solomoni nîwerire andû menûke. Nao nîmaakenire nîûndû wa maûndû maro marîa Ngai-Mûnene eekîte Daudi, Solomoni na andû onthe a Isiraeli.

Nehemia 8:18

Kuuma mûthenya wa mbere wa kîrugo, Ezira nîwamathomagîra gîcunjî Kîam Watho wa Ngai wa mûthenya wa mûthenya. Nîmaakûngûîre kîrugo kîu kavinda ka mîthenya mûgwanja, na mûthenya wa kanana nîmaagomanire vamwe kûgooca wata ûrîa watho waugîte.

Ntha 29:37

Ûgeekaga ûguo mûthenya wa mûthenya îvinda rîa mîthenya mûgwanja. Nayo metha ya kîgongoona nîkaathera viû na mûndû wa wonthe kana kîndû wa kîonthe gîkaamîvutia nîgîgaatuîka kîtheru.

Joeli 1:14

Rutani watho andû menyerekie; îtani andû magomane vamwe. Ûnganiani andû arîa akûrû na andû arîa matûûraga vûrûrirî mûthiî hekarûrî ya Ngai-Mûnene, Ngai wenyu, na mûrî kûu mûrîrîre Ngai-Mûnene.

Alawi 23:36

Mûkaarutaga matega ma kûvîvua wa mûthenya îvinda rîa mîthenya mûgwanja. Mûthenya wa kanana mûcoke mûgomane rîngî vamwe nîguo mûgooce na mûndutîre matega ma kûvîvua. Mûthenya ûcio mûtikarutage wîra ûrîa mûrutaga wa mûthenya.”

Ndari 7:10

Atongoria nîmaarutire matega nîûndû wa gûkûngûîra metha ya kîgongoona îkîamûrwa. Na rîrîa meevarîrie kûvira matega metharî ya kîgongoona,

Gûco 16:8

Mûkaarîcaga mîgate îtarî mîkîre ndawa ya kwimbia mîthenya îtandatû, naguo mûthenya wa mûgwanja mûkagomana vamwe kûgooca Ngai-Mûnene Ngai wenyu. Mûthenya ûcio mûtikarute wîra.