2Maû 7:20 - ÎVUKU RÎA ÛVORO MWARO

²⁰ nîngaamûruta vûrûrirî ûrîa nîmûvete na ndiganîrie hekarû îno nyamûrîte îtuîke vandû va kûngoocagîra. Andû a mavûrûri monthe nîmakaamîvûthîrîria na mamînyarare.

2Maû 7:20 ပူးပေါင်းရင်းမြစ်များ

1Atha 14:15

Ngai-Mûnene nîakaaverithia na ainainie vûrûri wa Isiraeli, ta ûrîa kamûthanje kainainaga karî rûnjîrî. Nîakengata andû a Isiraeli kuuma vûrûrirî ûyû mwaro, ûrîa aaveere methe mao ma tene na amanyagie kûraca na Rûnjî rwa Farati nîûndû nîmarakarîtie Ngai-Mûnene na njîra ya kûrûtha mûvuanano wa Ashera, ngai ya mûndûmûka.

1Atha 9:7

nîngaaruta andû akwa a Isiraeli kuuma vûrûrirî ûrîa namaveere. Nîngaacoka ndiganîrie hekarû îno nyamûrîte îgatuîka yakwa ya kûngoocagîra, nao Aisiraeli nîmakaavûthua na manyararwe nî andû a ndûrîrî cionthe.

2Atha 17:20

Ngai-Mûnene nîwaregire andû onthe a Isiraeli; nîwamaverithirie na akîmarekereria kûrî andû aganu mûno nginya akîmengata maume kûrî ke.

2Maû 36:19

Mûthamaki wa Akalidei na athigari ake a mbaara nîmaavîvirie hekarû, makîomomora rûthingo rwa îtûûra rîa Jerusalemu, makîvîvia nyomba cionthe cia mûthamaki na magîcûkangia indo cionthe cia goro irîa ciarî kuo.

Thaburi 44:14

Nîûtûmîte twirwe nî andû a ndûrîrî; mainainagia ciongo ciao magîtûthekerera.

Thaburi 52:5

Kwoguo Ngai nîatûûra agûcûkangagia tene na tene; nîakûnyita na akûrute gwaku mûciî; nîagaakûruta nthî ya arîa marî mwoyo.

Jeremia 12:17

Nwatî ethîrwa kûrî vûrûri ûtakanthikîrîria nîngaûkûûra viû na nîûcûkangie. Ûguo nîguo nie Ngai-Mûnene nîrauga.”

Jeremia 16:13

Kwoguo nîngûmwîngata kuuma vûrûri ûyû nîmûvire ûrîa mue wana kana methe menyu matanamenya. Mûrî kûu nîmûgaatungatîra ngai ciîngî ûtuku na mûthenya, na ndikamwîguîra ntha.’ ”

Jeremia 18:7

Vîndî îrîa nîngîkauga ûndû wîgiî vûrûri kana ûthamaki atî nîngaûkûûra, nîunange na nîûcûkangie viû,

Jeremia 22:8

“Andû a mavûrûri mengî nîmakavîtûkîrîra vakuvî na îtûûra rîîrî na wa mûndû nîakaaûria ûrîa mariganîtie nake atî, ‘Nîndûî gîtûmîte Ngai-Mûnene arûtha îtûûra rîîrî ûguo?’

Jeremia 24:9

Nîngamaretera maûndû macûku mûno ma kûmakia mavûrûri monthe ma nthî. Nîmagaatuîka kîndû gîa kûthekererwa, kûnyararûa, kwirwa na matuîke kîrumi kûrîa kuonthe ngamanyagania.

Jeremia 31:28

Wata ûrîa nevarîrîtie kûmakûûra, kûmomora, kûmagwîthia, kûmacûkangia na kûmaverithia, nwaguo nîîvarîrîtie kûmavanda na kûmatuma.

Jeremia 44:8

Mûrandakaria nîkî mûkîgooca ngai irîa mwîrûthîrîte mue ene, na kûvîvîria ngai cia mîvuanano ûbani Misiri kûrîa mûraûkire gûtûûra? Mûrenda gwîcûkangia mue ene na gûtuîka kîrumi na gîconoko mbere ya mavûrûri monthe ma nthî?

Jeremia 45:4

Nwatî Ngai-Mûnene ambîrîte ngwîre atîrî, “Taroria, kîrîa ndumîte nînîromomora, na kîrîa mvandîte nînîrakûûra. Nîmbîka ûguo nthî yonthe.

Ezek 7:24

Kwoguo nîngaarete mavûrûri maganu mûno megwatîre nyomba ciao, naguo mwîtîîo wa andû arîa marî vinya ûthire; nakuo kûndû kwenyu gwa kûgoocera kûgwatue mûgiro.

Ndari 32:15

Mue andû a Reubeni na a Gadi mwarega kûrûmîrîra Ngai-Mûnene, ke nîakaamûtiganîria werûrî rîngî, na nîmûgaatûma andû aya onthe mathire.

Gûco 28:37

Andû a mavûrûrirî marîa Ngai-Mûnene akaamûvira nîmakaanyitwa nî guoya mona maûndû marîa mekîkîte kûrî mue. Nîmakaamûnyarara na mamûthekerere.

Gûco 29:28

Ngai-Mûnene nîwarakarire mûno nî o, na nîwamarutire vûrûrirî wao na akîmavira vûrûrirî mûgeni, na nîkuo matûûraga nginya ûmûnthî.’

Juda 1:12

Andû acio maticonokaga vîndî îrîa makûrîcanîra namue mekariî ta maroro ma gîko vîndî îrîa mûrî marugarî ma ngwatanîro. O merîthagia o ene tu. Mekariî ta matû matarî mbura, marîa mavurutagwa nî rûkûngi. Mekariî ta mîtî vîndî ya thano îrîa îtagîcaga na maciaro. Mekariî ta mîtî mîkûûre na îkaûma viû.