2Maû 7:2 - ÎVUKU RÎA ÛVORO MWARO

² Athînjîri-Ngai nîmaaremirwe nî gûtonya hekarûrî nîûndû nîyecûrîtwe nî riiri wa Ngai-Mûnene.

2Maû 7:2 ပူးပေါင်းရင်းမြစ်များ

1Atha 8:10

Rîrîa athînjîri-Ngai maaumaga vandû varîa vatheru, îtu nîrîecûrire kûu hekarûrî wa rîmwe.

2Maû 5:13

Aini a nyîmbo, ngita, ithaani irîa iringithanagua, tûrumbeta na indo irîa ciîngî cia kwina nîmaagwatanîre na makina na mûgambo ûmwe magîkumia Ngai-Mûnene na kûmûcokeria ngatho makiugaga atîrî, “Kumiani Ngai-Mûnene nîûndû nî mwaro, wendo wake ûtathiraga nî wa tene na tene.” Hekarû ya Ngai-Mûnene nîyecûrirwe nî îtu,

2Maû 5:14

na athînjîri-Ngai matingîavotire kûthiî na mbere na wîra wao nîûndû hekarû nîyecûrirwe nî ûkengu wa riiri wa Ngai-Mûnene.

Thaburi 26:8

Nîmendete hekarû yaku kûrîa ûtûûraga, we Ngai-Mûnene, na vandû varîa riiri waku wîkaraga.

Ntha 24:17

Naguo riiri wa Ngai-Mûnene wonagwa nî andû a Isiraeli wîkariî ta mwaki wakanîte ûrî gacûmbîrî ga kîrîma.

Isaia 6:5

Kwoguo nînaugire atîrî, “Kaî nîrî na thîna-î! Nînathira, nîûndû mîromo yakwa tî mîtheru na ndûûranagia na andû matarî atheru. Kûnarî ûguo, nîmonete Mûthamaki, Ngai-Mûnene, mwene vinya wonthe!”

Kûguû 15:8

Nayo hekarû nîyecûrirwe nî ndogo kuuma kûrî riiri na vinya wa Ngai. Gûtirî mûndû ûngîavotire gûtonya hekarûrî îo nginya rîrîa mavera mau mûgwanja marîa maaretirwe nî araika acio mûgwanja maathirire.