2Maû 7:17 - ÎVUKU RÎA ÛVORO MWARO

¹⁷ Nawe Solomoni, ethîrwa ûkaathiîcaga na mîthiîre ta îrîa yarî na aguo Daudi na ûrûmagîrîre mawatho makwa na wîkage kûringana na ûrîa ngwathîte,

2Maû 7:17 ပူးပေါင်းရင်းမြစ်များ

1Atha 11:38

Ethîrwa ûkathîkagîra maûndû monthe marîa ngwathîte, ûgîkaga maûndû marîa maro, na wathîkagîre irîra cia mawatho makwa, ûkîvingagia maathani makwa wata ûrîa ndungata yakwa Daudi eekire, ngethagîrwa vîndî cionthe nîrî vamwe nawe. Nîngaagûtua mûthamaki wa Isiraeli na ndûme njiarwa ciaku itûûre ciathanaga vuva waku, wata ûrîa nekire Daudi.

1Atha 2:3

na wîkage ûrîa Ngai-Mûnene, Ngai waku akwathîte wîkage. Vingagia mawatho make monthe, maathani make, matuîro make ma ciira na kîrîra gîake, wata ûrîa kwandîkîtwe wathorî wa Musa, nîguo ûkaathatûkwa mawîrarî monthe marîa ûkaaruta kûrîa kuonthe ûkaathiî.

1Atha 3:14

Na ethîrwa ûkambathîkagîra na ûvingagie mawatho na maathani makwa ta ûrîa aguo Daudi eekaga, nîngaakûva ûtûûro mûraca.”

1Atha 8:25

Kwoguo we Ngai-Mûnene, Ngai wa Isiraeli, rîu vingia kîîranîro kîrîa werîre vava Daudi rîrîa wamwîrire atî, ‘vîndî cionthe gûkethagîrwa kûrî na mûndû wa njiarwa ciaku ûkethagîrwa arî mûthamaki wa Isiraeli, ethîrwa mûkambathîkagîra wata ûrîa aakwathîkagîra.’

1Maû 28:9

Mûthamaki Daudi nîwerire Solomoni atîrî, “Mwana wakwa, ûmenye Ngai wa aguo na ûmûtungatagîre na ngoro yonthe na meciria marî na wendi. Ngai-Mûnene nîatuîragia ngoro cionthe na nîamenyaga meciria na mîvango yacio. Ûngîmûcaria, ke nîagûgwîtîkîra. Nwatî ûngîmûrega nîagûgûtiganîria nginya tene na tene.

2Maû 6:16

Rîu we Ngai-Mûnene, Ngai wa Isiraeli, vingia kîîranîro kîrîa werîre vava Daudi ndungata yaku. Wamwîrire atî vîndî cionthe nî gûkethagîrwa kûrî na mûndû kuuma njiarwarî ciake wa gwîkarîra gîtî Kîam ûthamaki Kîam Isiraeli ethîrwa nî igûtûûra ciathîkagîra watho waku ta ûrîa ke eekaga.

2Maû 7:16

nîûndû nî nthuurîte na ngamûra hekarû îno nîguo rîîtwa rîakwa rîtûûrage kuo na nîndûûra nîmîgitagîra na nîmîendete tene na tene.

2Maû 7:18

nîngaatûma ûthamaki waku wîvande wata ûrîa naarîkanîre na aguo Daudi atî, Isiraeli nîgûtûûra kwathagwa nî njiarwa ciake.

Thaburi 105:45

nîguo andû ake makaathîkîra mawatho make, na kûvingia maathani make. Kumiani Ngai-Mûnene!

Thaburi 119:5

Naarî kethîrwa njîra ciakwa nwa irûngare, na njîra ya kûrûmîrîra mataaro maku!

Ezek 36:27

Nîngaamwîkîra roho wakwa ndarî yenyu na nîngaatûma mûrûmagîrîre mawatho makwa na mûmenyagîrîre waro matuîro makwa ma cira.

Zakaria 3:7

“Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Johana 14:21

“Mûndû wa wonthe wamûkagîra maathani makwa na akamathîkîra nîke ûmendete. Vava akendaga mûndû ûrîa ûmendete, wa nanie ngaamwendaga na ngeyonithanagia kûrî ke.”

Johana 15:10

Mwathîkîra maathani makwa mûgekaraga mûrî wendorî wakwa, wata ûrîa mbathîkîrîte maathani ma Vava na ngekara nîrî wendorî wake.

Gûco 4:40

Kwoguo athîkagîrani irîra ciake na maathani make marîa namûva ûmûnthî nîguo maûndû menyu vamwe na njiarwa cienyu magîre na mûtûûre vîndî ndaca vûrûrirî ûrîa Ngai-Mûnene, Ngai akûmûva ûtuîke wenyu tene na tene.”