2Maû 6:27 - ÎVUKU RÎA ÛVORO MWARO

²⁷ nakûthaitha ûkaamathikîrîria ûrî kûu îgûrû na wovere andû aku a Isiraeli, ndungata ciaku. Ûgaacoka ûmathomithie mîtugo mîaro îrîa magîrîrwe nî kûvingia na ûtûme mbura yure vûrûrirî ûyû waku ûrîa waveere andû aku ûtuîke îgai rîao.

2Maû 6:27 ပူးပေါင်းရင်းမြစ်များ

2Maû 7:14

ethîrwa andû akwa arîa metanîtue na rîîtwa rîakwa nîmakaavera, mavoe na magarûrûke matige mîthiîre yao mîcûku, nîngaamegua nîrî îgûrû na nîngaamovera mevia mao na mvonie vûrûri wao.

Thaburi 119:33

We Ngai-Mûnene, nthomithia kwathîkîra maathani maku, na nîngaamarûmîrîra nginya mûthiia.

Thaburi 25:12

Andû arîa matîîaga Ngai-Mûnene, nîmakaathomithua nîke njîra îrîa magîrîrwe nî kûrûmîrîra.

Thaburi 25:8

Ngai-Mûnene nî mûthingu na nî mwaro, kwoguo nîathomithagia evia njîra îrîa magîrîrwe nî kûrûmîrîra.

Thaburi 68:9

We Ngai, nîwatûmire mbura nyîngî yure nthî, na ûkînyotora vûrûri waku ûrîa warî mûcûkangu.

Thaburi 94:12

Kûrathimwa nî mûndû ûrîa we Ngai-Mûnene ûrûngaga, mûndû ûrîa we ûthomithagia watho waku!

Isaia 30:21

Mûngîvîtia njîra mûthiî na mwena wa ûrîo kana wa ûmotho, nîmûkegucaga mûgambo vuva wenyu ûkîmwîra atîrî, “Îno nîyo njîra; mîrûmîrîreni.”

Jeremia 14:22

Kûrî ngai cia mîvuanano mavûrûri ingiurithia mbura? Kana îgûrû rîo rîene riurithie mbura, kinthî tîwe Ngai-Mûnene Ngai wetû? Twigîte mwîvoko wetû kûrî we, nîûndû nîwe wîkaga maûndû mama monthe.

Jeremia 42:3

Tûvoere nîguo Ngai-Mûnene Ngai wetû atwonie njîra îrîa arenda tûrûmîrîre na ûrîa arenda twîke.”

Jeremia 5:24

Matiîciragia mandîîe nie Ngai-Mûnene Ngai wao, na nînîmaurithagîria mbura vîndî yayo yakinya. Mbura nene na mbura nini, na ngamûva mavinda magîrîru ma gûketha.

Jeremia 6:16

Ngai-Mûnene arauga atîrî, “Rûngamani makathîkanorî ma njîra na mûrorie, na mûrie ûvoro wa njîra cia tene, kûrîa njîra îrîa mbaro îrî. Mûthiîrîre yo, na nîmûgûtûûra na thayû. Nwatî nîmwaugire atî: ‘Tue tûtikamîthiîrîra.’

Ezek 34:26

“Nîngaairathima na nîigaatûûra mîenarî ya kîrîma gîakwa Kîammûre. Nîngaaciurithagîria mbura vîndî îrîa yagîrîrîte na nîgaatuîka mbura ya kîrathimo.

Joeli 2:12

“Nwatî kûnarî ûguo,” nie Ngai-Mûnene nauga atîrî, “Njokererani na ngoro yonthe, na njîra ya kwînyerekia, kûrîra na gûcakaya.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Joeli 2:23

“Kenani, mue andû a Zayuni, mûcanjamûke mûrî kûrî Ngai-Mûnene, Ngai wenyu, nîûndû nîamûvete mbura îrîa mûkwenda. Nîaurithîtie mbura ya kwîgana, mbura nene na mbura nini wata mbere.

Mika 4:2

Na andû a mavûrûri mengî nîmakaauga atîrî, “Ûkani tunûkie kîrîmarî Kîam Ngai-Mûnene, tûthiî hekarûrî ya Ngai wa Isiraeli, nîguo agatûthomithie mîthiîre yake, natue tûrûmagîrîre njîra ciake. Nîûndû watho ûkauma Zayuni, na kiugo Kîam Ngai-Mûnene gîkauma Jerusalemu.”

Zakaria 10:1

Voyani Ngai-Mûnene amûve mbura vîndî ya mbura nini, Ngai-Mûnene nîke ûtûmaga kûgîe na matu maumaga mbura, akauria mbura na mîgûnda îkagîa na irio nîûndû wa andû onthe.

Johana 6:45

Kwandîkîtwe mavukurî ma arathi atî, ‘Andû onthe nîmakaathomithua nî Ngai!’ Mûndû wa wonthe ûrîa wîgucaga Vava na akethomithia maûndû kuuma kûrî ke nîaûkaga kûrî nie.