2Maû 6:18 - ÎVUKU RÎA ÛVORO MWARO

¹⁸ “Nwatî we Ngai, nama nwa ûtûûre gûkû nthî na andû? Taroria, îgûrû, wana îgûrû mûno matuurî ndûngîganîra kuo, kwoguo ûngîvota kwîganîra atîa hekarû îno ndumîte?

2Maû 6:18 ပူးပေါင်းရင်းမြစ်များ

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

2Maû 2:5

Hekarû îrîa ngaatuma îkethîrwa îrî nene nîûndû Ngai wetû nî mûnene gûkîra ngai cionthe.

2Maû 2:6

Nwatî nî ûrîkû ûngîvota kûmûtumîra nyomba, nîûndû wana îgûrû, kûrîa îgûrû mûno ndangîganîra kuo. Nie nîrî û atî nîmûtumîre nyomba tiga nwa ndumire vandû va kûvîvagîria Ngai ûbani?

2Maû 32:15

Mûtikareke Hezekia amûveenie kana amûvîtithie na njîra ta îo. Mûtikamwîtîkie nîûndû gûtirî ngai ya vûrûri wanarî ûrîkû kana ûthamaki ûrîkû yanavota kûvonokia andû a yo kuuma kûrî nie kana kuuma kûrî methe makwa. Ngai ûcio wenyu angîmûvonokia kuuma kûrî nie atîa!”

2Maû 6:17

Kwoguo, we Ngai-Mûnene, Ngai wa Isiraeli, tûma kîîranîro gîaku na Daudi ndungata yaku kîvinge.

2Maû 6:19

Kûnarî ûguo, we Ngai-Mûnene, Ngai wakwa nakûthaitha ûthikîrîrie mavoya makwa nie ndungata yaku na ûmve kîrîa nîrakûvoya.

Ayubu 4:19

Ûreciria nwa evoke andû maumîte mûtheturî wa yûmba, kîndû kiumanîte na rûkûngû, andû mangîtomborwa ta kîmburutia.

Ayubu 9:14

Nîngîcokeria Ngai atîa? Nîngîruta ciugo cia kwaria nake kû?

Thaburi 68:18

Nîaunûkia îgûrû rîa kîrîma arî na mîgwate mîîngî; nîakwamûkîra iveo kuuma kûrî andû arîa maareganire nake, Ngai-Mûnene, Ngai agaatûûra kûu.

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Jeremia 23:24

Kûrî mûndû ûngîîthitha kûndû ndangîvota kûmwona? Nîkwa mûtaicî atî nie Ngai-Mûnene ndûraga kûndû kuonthe, îgûrû wana gûkû nthî?

Mathaayo 12:6

Nie nîramwîra atî, ava varî na ûndû mûnene gûkîra hekarû.

Mathaayo 7:11

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Ciîko 17:24

Ngai ûrîa waûmbire nthî na indo cionthe irîa irî kuo, nî Mwathani wa îgûrû na nthî, na ndatûûraga hekarûrî îrîa ithondeketwe nî andû.

2Akor 12:2

Nîmbicî mûndû ûmwe Mûkristiano waunûkithirue akîthiî îgûrû mûno mîaka îkûmi na îna mîthiru. (Nie ndiîcî na ma kana ûguo nîwekîkire kana nîkwa ke oonire kîoneki; Ngai nîke wicî.)