2Maû 6:13 - ÎVUKU RÎA ÛVORO MWARO

¹³ (Solomoni nîwatumîte vandû vatûgîru va gîcango gatagatî ga kîvaro. Ûraca wa vo warî mita igîrî na cendimita mîrongo îîrî (2.20), wariî wa mita igîrî na cendimita mîrongo îîrî (2.20) na ûraca na îgûrû wa mita îmwe na cendimita mîrongo îthatû (1.30). Nake nîwatwîre na agîturia maru vo andû onthe a Isiraeli arîa maagomanîte makîonaga. Nîwacokire agîûkîrîria njara ciake na îgûrû)

2Maû 6:13 ပူးပေါင်းရင်းမြစ်များ

1Atha 6:36

Nîwatumire nja ya kanyomba ka ndaarî na mathiga maumie maiganîrîrîtwe mîvari îthatû na mûvari ûmwe wa mbaû ndiku cia mîtarakwe.

1Atha 7:12

Kîvaro kîrîa kînene Kîam nyomba ya mûthamaki Kîamthiûrûrûkîrîtue na mîvari îthatû ya mathiga maumîtue, na mûvari ûmwe wa mbaû ndiku cia mîtarakwe. Ûguo nwaguo kîvaro Kîam ndarî ya hekarû, na kîthaku Kîam hekarû gîatumîtwe.

1Atha 8:54

Solomoni arîkia kûvoya Ngai-Mûnene, nîwaûkîrire vau mbere ya metha ya kîgongoona varîa aaturîtie maru ambararîtie njara na îgûrû.

2Maû 4:9

Nîwarûthire kîvaro Kîam athînjîri-Ngai na akîrûtha kîvaro kîngî kînene kîrî na mîrango ya kîo. Nîwavakire mîrango ya kîvaro gîcango,

2Maû 6:12

Solomoni nîwacokire akîrûngama mbere ya metha ya kîgongoona na mbere ya andû onthe a Isiraeli arîa maagomanîte na agîûkîrîria njara ciake.

Ezira 9:5

Rîrîa kavinda gaakinyire ka îgongoona rîa kîvwaî, nînaûkîrire ngiuma varîa nekarîte nthî nîrî na kîeva. Nîrî na nguo icio ndembûkangu, nînaturirie maru nîguo mvoe na ngîûkîrîria njara ciakwa na îgûrû kûrî Ngai-Mûnene, Ngai wakwa.

Nehemia 1:4

Rîrîa neguire ûguo nî nekarire nthî na ngîrîra. Nînaacakaire na ngîînyerekia îvinda rîa mîthenya mîîngî ngîvoyaga Ngai wa îgûrû.

Nehemia 8:4

Ezira nîwarûngamire vandû vatûgîru vaathodeketwe na mbaû nîguo arie arî vo. Mwena wake wa ûrîo nîvaarûngamîte Matithia, Shema, Anaia, Uria, Hilikia na Maaseia. Naguo mwena wake wa ûmotho nîvaarûngamîte Pedaia, Mishaeli, Malikija, Hashumu, Hashibadana, Zekaria na Meshulamu.

Thaburi 95:6

Ûkani tûmwînamîrîre na tûmûgooce, tûturie maru mbere ya Ngai-Mûnene, ûrîa watûmbire.

Ntha 9:29

Musa nîwerire mûthamaki atîrî, “Wona narîkia kuuma nja ya îtûûra rîîrî rînene, ngaaûkîrîria njara ciakwa ngîvoya Ngai-Mûnene. Ngwa îgakira, na mbura ya mbembe îtige kuura, nîguo ûmenye atî nthî nî ya Ngai-Mûnene.

Danieli 6:10

Rîrîa Danieli amenyire atî watho nîwekîrwa kîrore nî mûthamaki, nîwathiîre nyomba gwake na agîtwa ngorovarî akîthiî kanyombarî karîa kaarî na ndirica cierekerete Jerusalemu. Wata ûrîa aamenyerete, nîwaturirie maru na akîambîrîria kûvoya na gûcokia ngatho kûrî Ngai maita mathatû wa mûthenya.

Luka 22:41

Jesû nîwacokire akîmatiga, akîthiî vandû wata varîa mûndû angîvota gwikia îthiga, na aaturia maru nîwavoire atîrî,

Ciîko 20:36

Na vîndî îrîa Paûlo aarîkirie kuga ûguo, ke nîwaturirie maru vamwe na andû acio onthe, na makîvoya.

Ciîko 21:5

Na rîrîa kavinda getû ga gwîkarania nao kaathirire, nîtwaumire kuo tûkîthiî na mbere na rûgendo rwetû. Nao arutwa onthe vamwe na aka ao na ciana, nîmaatumagaririe magîtûkinyia nja ya îtûûra rîu. Tuonthe nîtwaturirie maru vau rûtererî rwa îria na tûkîvoya.