2Maû 5:11 - ÎVUKU RÎA ÛVORO MWARO

¹¹ Athînjîri-Ngai onthe a ikundi cionthe arîa maagomanîte kuo nîmaaumire vandû varîa vatheru meyamûrîte na metheretie.

2Maû 5:11 ပူးပေါင်းရင်းမြစ်များ

1Maû 15:14

Kwoguo athînjîri-Ngai na Alawi nîmeetheririe nîguo makuue îthandûkû rîa kîrîkanîro Kîam Ngai-Mûnene, Ngai wa Isiraeli.

2Maû 29:15

Andû aya maagomanirie Alawi acio engî vamwe na nîmeetheririe. Nîmaacokire makîthiî hekarûrî kûmîtheria wata ûrîa maathîtwe nî mûthamaki kûringana na watho wa Ngai-Mûnene.

2Maû 29:34

Nwatî Athînjîri-Ngai maarî anini mûno na matingîavotire kûthînja nyamû icio cionthe cia matega ma kûvîvua. Kwoguo andû ao, Alawi nîmaamatethirie nginya wîra ûcio ûkîthira. Vîndî îo athînjîri-Ngai engî eengî nîmeetheretie. (Alawi meethagîrwa marî atheru gûkîra athînjîri-Ngai.)

2Maû 29:5

na akîmeera atîrî, “Tanthikîrîriani mue Alawi! Îîtherieni na mûtherie hekarû ya Ngai-Mûnene, Ngai wa methe menyu. Rutani indo cionthe irî mûgiro vandû varîa vatheru.

2Maû 30:15

Na mûthenya wa îkûmi na îna wa mweri wa kaîrî, nîmaaûragire ng'ondu ya pasaka. Athînjîri-Ngai na Alawi nîmegwire nthoni mûno na makîîtheria. Nîmaacokire makîrete matega ma kûvîvua kûrî Ngai-Mûnene.

2Maû 35:4

Rutagani wîra kûringana na mbarî cienyu na ikundi cienyu, wata ûrîa Daudi, mûthamaki wa Isiraeli na mûvîcî Solomoni maathanire.

2Maû 35:6

Thînjani ndûrûme ya pasaka na mwîtherie, na mûmîvarîrîrie nîûndû wa andû acio engî enyu nîguo makaavingia maûndû marîa Ngai-Mûnene aaririe na njîra ya Musa.”

2Maû 5:12

Alawi arîa maarî aini a nyîmbo na nîo Asafu, Hemani, Jeduthuni, anake ao vamwe na andû ao nîmaarûngamire mwena wa îrathîro wa metha ya kîgongoona mekîrîte nguo mbaro. Nîmaavûraga indo cia kwina ta: ithaani irîa iringithanagua na ngita. Athînjîri-Ngai îgana rîmwe rîa mîrongo îîrî (120) nîmaarûngamire vamwe nao makîvuvaga tûrumbeta.

Ayubu 1:5

Wa kîrugo Kîamthira, Ayubu nîwetaga ciana ciake nîguo aitherie. Vuva wa kîrugo, nîwaramûkaga kîraûko tene mûno na akaruta îgongoona rîa kûvîvua rîa wa mwana, rîrî îgongoona rîa kûmatheria, “Nîûndû mavota kwîthîrwa marumîte Ngai ngororî ciao.”

Ntha 19:10

nake Ngai-Mûnene akîmwîra atîrî, “Thiî kûrî andû na ûmeere metherie ûmûnthî na rûyû, na ûmeere atî nwanginya mathambie nguo ciao,