2Maû 36:19 - ÎVUKU RÎA ÛVORO MWARO

¹⁹ Mûthamaki wa Akalidei na athigari ake a mbaara nîmaavîvirie hekarû, makîomomora rûthingo rwa îtûûra rîa Jerusalemu, makîvîvia nyomba cionthe cia mûthamaki na magîcûkangia indo cionthe cia goro irîa ciarî kuo.

2Maû 36:19 ပူးပေါင်းရင်းမြစ်များ

1Atha 9:8

Wana ethîrwa nyomba îno îrî na ngumo ûguo, nîîkomomorwa, na mûndû wa wonthe ûkaavîtûkîrîra vo nîakaamaka na aciive akîûragia atîrî, ‘Ngai-Mûnene eekire vûrûri ûyû vamwe na hekarû îno ûguo nîkî?’

2Maû 34:24

Ngai-Mûnene, Ngai augîte nîakûrete maûndû macûku gûkû Jerusalemu na kûrî andû arîa matûûraga kuo. Nîngaatûma irumi cionthe irîa mandîke îvukuurî rîrîa rîathomerwe mûthamaki wa Juda ivinge.

2Maû 7:20

nîngaamûruta vûrûrirî ûrîa nîmûvete na ndiganîrie hekarû îno nyamûrîte îtuîke vandû va kûngoocagîra. Andû a mavûrûri monthe nîmakaamîvûthîrîria na mamînyarare.

Nehemia 1:3

Nao nîmaambîrire atî andû arîa maatigarire na maacokire Juda marî na thîna nene mûno na nîmaranyararwa nî ageni arîa mariganîtie nao. Nîmambîrire atî nthingo cia Jerusalemu nî nyomomoku na ivingo cia kuo nî mvîu nî mwaki.

Nehemia 2:3

na ngîra mûthamaki atîrî, “Mûthamaki ûrotûûra tene na tene! Nîrî na kîeva nîûndû îtûûra rîrîa rînene kûrîa methe metû ma tene maathikirwe nîrîomomoku nacio ivingo nî njûkangie nî mwaki.”

Thaburi 79:1

We Ngai, andû a ndûrîrî nîmatharîkîrîte vûrûri waku, nîmagwatîtie hekarû yaku ntheru mûgiro na nî momorete îtûûra rîa Jerusalemu.

Thaburi 79:7

Nîûndû nîmaûragîte Jakovu, andû aku; na nîmacûkangîtie vûrûri waku viû.

Thaburi 80:16

Nthû itemete mûthavibu ûcio na ikaûvîvia, marorie ûrî na marakara na ûmathirie.

Isaia 5:6

Nîngaaûrekereria ûcûkangue viû; ndigacaa mîthavibu ya mûgûnda ûcio na ndîkaamîrîmîra. Nîûkaamera nthaugû na mîgua; na nîngaatha matu matikaurithie mbura mûgûndarî ûcio rîngî.”

Jeremia 21:10

Nînduîte meciriarî makwa kûthiria îtûûra rîîrî na kûrîcûkangia. Nîrîkanenganîrwa kûrî mûthamaki wa Babuloni, nake nîakaarîvîvia na mwaki.”

Jeremia 21:14

Nîngamûverithia kûringana na ciîko cienyu, nîngagwatia mûtitû wenyu mwaki, na ûvîvie kîndû kîonthe kîrîa kîûthiûrûrûkîrîtie. Ûguo nîguo nie Ngai-Mûnene nîrauga.”

Jeremia 32:29

Akalidei arîa mararûa na îtûûra rîîrî nîmakaarîvîvia na mwaki. Nîmakavîvia nyomba kûrîa ngai cia Baali ivîvagîrua ûbani, na kûrîa ngai cia mîvuanano irutagîrwa matega ma ndivei, nîguo mbakanwe nî marakara.

Jeremia 7:14

Kwoguo, nîmbîka hekarû yakwa îrîa mwîvokete na kûndû gûkû naveere methe menyu ta ûrîa nekire Shilo.

Jeremia 7:4

Mûtikevoke ciugo ino cia maveeni: ‘Îno nî hekarû ya Ngai-Mûnene, îno nî hekarû ya Ngai-Mûnene, îno nî hekarû ya Ngai-Mûnene.’

Maca 4:1

Thaavu nîîtigîte kûvenavenia, thaavu îrîa ntheru viû nîgarûrûkîte! Mathiga ma goro nîmanyaganîtue, manyaganîtue njîrarî kûndû kuonthe.

Mika 3:12

Kwoguo, nîûndû wenyu, Zayuni nîîkarîmwa ta mûgûnda, Jerusalemu îgekara ta îganjo, nakîo kîrîma gîa hekarû gîtuîke mûtitû.

Zakaria 1:6

Methe menyu nîmaareganire na irîra na mawatho marîa namathire na njîra ya arathi ndungata ciakwa. Kwoguo nîmaaverire na makiuga atî nie Ngai-Mûnene Mûnene mwene vinya wonthe, nîmaverithîtie kûringana na mîthiîre yao na ciîko ciao wa ta ûrîa natuîte, na nîguo naamekire.”

Luka 21:6

“Maûndû mama monthe mûrona vîndî nîgakinya îrîa ava vakethîrwa vatarî wana îthiga rîmwe rîrî îgûrû rîa rîrîa rîngî; mathiga monthe nîmakoomomorwa.”