2Maû 36:13 - ÎVUKU RÎA ÛVORO MWARO

¹³ Zedekia nîwareganire na mûthamaki Nebukadinezarû ûrîa watûmîte evîte na rîîtwa rîa Ngai atî ndakaaregana nake. Nîwaûmirie kîongo na akîrega gûcokerera Ngai-Mûnene, Ngai wa Isiraeli.

2Maû 36:13 ပူးပေါင်းရင်းမြစ်များ

2Sam 21:2

(Andû acio a Gibeoni matiarî Aisiraeli; maarî gakundi kanini ka andû a Amori. Aisiraeli nîmaamerîrîte atî nîmakûmagitîra, nwatî Saûlo nîwageretie kûmaûraga nîûndû nî kîîo kîrîa aarî nakîo kûrî andû a Isiraeli na a Juda.)

2Atha 17:4

Nwatî Hoshea nîwatûmîte anjaama kûrî mûthamaki wa Misiri na Hoshea nîwatigire kûrîvaga gooti kûrî mûthamaki wa Asîria ta ûrîa eekaga wa mwaka wa mwaka. Rîrîa Shalimaneseri aamenyire ûguo, nîwaugire Hoshea anyitwe na avingîrwe njera.

2Atha 24:20

Ngai-Mûnene nîwarakarirue mûno nî andû a Jerusalemu na a Juda nginya akîmengata. Zedekia nîwareganire na mûthamaki wa Babuloni.

2Maû 24:19

Kûnarî ûguo Ngai-Mûnene nîwatûmire arathi kûrî andû acio makameere mamûcokerere, nwatî nîmaaregire kûmathikîrîria.

2Maû 30:8

Mûtigatuîke aremi ta ûrîa methe menyu mekariî. Nwatî athîkîrani Ngai-Mûnene na mûke hekarûrî vandû varîa amûrîte vatûûre varî vatheru tene na tene. Tungatagîrani Ngai-Mûnene, Ngai wenyu nîguo ndakarakare nîmue rîngî.

2Maû 36:14

Athînjîri-Ngai na atongoria a andû a Juda nîmeekire maûndû macûku ma kûgooca ngai cia mîvuanano ta marîa meekagwa nî mavûrûri marîa mengî. Kwoguo nîmaagwatirie hekarû ya Ngai-Mûnene mûgiro, îrîa ke mwene aamûrîte kûu Jerusalemu.

Ezira 4:12

“Nîtûkwenda we mwathi wetû ûmenye atî Ayahudi arîa maaumire mavûrûrirî marîa mengî maku na magîûka gûkû nîmaathiîre Jerusalemu na magîtûûra kuo. Andû acio nîmaambîrîrîtie gûtuma rîngî îtûûra rîu rîaganu na rîareganire nawe. Nîmaratuma nthingo ciarîo rîngî wa vamwe na mîcingi na marî vakuvî kûirîkia.

Nehemia 9:29

Nîwamakaanirie nîguo magarûrûkîre Watho waku. Kûnarî ûguo nîûndû wa mwîtîîo wao nîmaaregire kwathîkîra maathani maku. Nîmaareganire na mawatho maku marîa mûndû angîmathîkîra nwa atûûre mwoyo. Nîmaatuîkire aremi na makîûmia ciongo ciao, na nîmaaregire kwathîka.

Thaburi 15:4

Nî manyararaga andû arîa Ngai athûrîte, nwatî nîmatîîaga andû arîa mathîkagîra Ngai-Mûnene. Vîndî cionthe nîmavingagia ûrîa meranîrîte na matigarûrûkaga.

Ntha 7:13

Nwatî mûthamaki, eekarire aûmîtie ngoro na ndaathikîrîria Musa na Aroni wata ûrîa Ngai-Mûnene aaugîte.

Ntha 8:15

Nwatî rîrîa mûthamaki oonire atî ciûra nîikuîte, nîwaûmire ngoro rîngî wata ûrîa Ngai-Mûnene aaugîte na akîrega kûthikîrîria Musa na Aroni.

Ntha 8:32

Nwatî mûthamaki wa Misiri nîwaûmirie ngoro. Îvinda rîu wa narîo nîwaregire gwîtîkîria andû a Isiraeli mathiî.

Ntha 9:17

Nawe nwakwa ûretûgîria na ûkarega andû akwa mathiî.

Isaia 48:4

Nîûndû nînamenyaga atî we wî mûremi mûno, na kîongo gîaku kîûmîte ta cuuma, naguo ûthiû waku ûgekara ta gîcango.

Jeremia 43:2

Azaria mwana wa Hoshaia, Johanani mûvîcî wa Karea na andû onthe etîi, nîmerire Jeremia atîrî, “Ngai-Mûnene Ngai wetû, ndaagûtûma ûtûîre tûtikathiî Misiri tûgatûûre kuo.

Danieli 5:20

Nwatî rîrîa aambîrîrie kûgîa na rwetho, na akîûmia ngoro akîgia na mwîtîîo mwîngî, nîwacunirwe ûthamaki, na riiri wake ûkîthira.

Zakaria 7:12

Nîmaaûmirie ngoro ciao ta mathiga, kwoguo matingîathîkîra watho kana ndûmîrîri îrîa nie Ngai-Mûnene nwene vinya wonthe naamatûmîre na njîra ya arathi arîa maarî kuo mbere. Kwoguo nie Ngai-Mûnene mwene vinya wonthe nînaarakarire nîo.

Ndari 30:3

“Rîrîa mwîrîtu ûtarî mûviku eranîra ûndû kûrî Ngai-Mûnene na evîta atî nwanginya avingie ûndû ûcio,

Gûco 29:25

Nao nîmagaacokerua, ‘aarakarire ûguo nîûndû andû ake nîmaareganire na kîrîkanîro kîrîa Ngai-Mûnene Ngai wa methe mao aarûthire nao rîrîa aamarutire vûrûrirî wa Misiri.

Ahib 3:13

Vandû va ûguo, ûmanagîrîriani mûndû na ûrîa wîngî mûthenya wa mûthenya rîrîa rîonthe kiugo “Ûmûnthî” gîkaagwetagwa gîkîaria ûvoro ûmwîgiî nîguo gûtikagîe mûndû wana ûmwe gatagatîrî kenyu ûkaaûmia ngoro nîûndû wa mevia.

Ahib 3:8

mûtikaûmie ngoro ta ûrîa methe menyu meekire, rîrîa maareganire na Ngai, ta ûrîa meekariî mûthenya ûrîa maarî werûrî, rîrîa maageririe Ngai.

Josh 9:15

Joshua nîwarûthire kîrîkanîro Kîam thayû na andû a Gibeoni na akîreka matûûre mwoyo. Nao atongoria a andû a Isiraeli nîmeevîtire na makîranîra atî nîmakûmenyerera kîrîkanîro kîu maarûthire.