2Maû 35:7 - ÎVUKU RÎA ÛVORO MWARO

⁷ Mûthamaki Josia nîwarutire kuuma ndîthiarî yake tûgondu na twori ngiri mîrongo îthatû (30,000), ndegwa ngiri ithatû (3,000) nîûndû wa andû arîa maarî vo irî matega ma pasaka.

2Maû 35:7 ပူးပေါင်းရင်းမြစ်များ

1Atha 8:63

Solomoni nîwarutire ndegwa ngiri mîrongo îîrî na igîrî na ng'ondu ngiri îgana rîmwe rîa mîrongo îîrî irî matega ma thayû. Ûguo nîguo mûthamaki vamwe na andû onthe a Isiraeli maamûrire hekarû.

1Maû 29:3

Kuuma mûthithûrî wakwa nie mwene nîmvecanîte thaavu na sîlûva nîûndû wa wendo ûrîa nîrî naguo wa hekarû ya Ngai wakwa.

2Maû 30:24

Hezekia, mûthamaki wa Juda nîwavere andû ndegwa ngiri îmwe na ng'ondu ngiri mûgwanja (7,000) cia kûrîwa nî andû. Nao anene nîmaaveere andû ndegwa ngiri îmwe (1,000) na ng'ondu ngiri îkûmi (10,000). Athînjîri-Ngai eengî nîmeetheririe.

2Maû 31:3

Mûthamaki nîwarutire kuuma ndîthiarî yake nyamû cia magongoona ma kûvîvua ma kîraûko na ma kîvwaî, cia magongoona ma kûvîvua ma mîthenya ya thavatû, cia gûkûngûîra irugorî cia mweri wacicûka na cia irugo irîa mbîtîkîrie wata ûrîa kwandîkîtwe wathorî wa Ngai-Mûnene.

2Maû 35:6

Thînjani ndûrûme ya pasaka na mwîtherie, na mûmîvarîrîrie nîûndû wa andû acio engî enyu nîguo makaavingia maûndû marîa Ngai-Mûnene aaririe na njîra ya Musa.”

2Maû 35:8

Anene ake wa nao nîmaarutire iveo ciao kûrî andû, athînjîri-Ngai na Alawi na njîra ya kwîyendera. Hilikia, Zakaria na Jehieli, arîa maarî arûngamîrîri a hekarû, nîmaaveere athînjîri-Ngai twori na tûtûrûme ngiri igîrî na magana matandatû (2,600), ndegwa magana mathatû (300) irî matega ma pasaka.

Isaia 32:8

Nwatî mûndû mûtîîku ekaga maûndû ma gîtîîo, na arûngamagîrîra ûma.

Ezek 36:38

Matûûra marîa momoku nîmakethîrwa na andû eengî ta ûrîa vîndî îmwe îtûûra rîa Jerusalemu rîarî na ng'ondu nyîngî irîa ciarutîtwe cia magongoona kavinda karîa kaarî kagîrîru. Nao nîmagaacoka kûmenya atî, nie nînie Ngai-Mûnene.”

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.