2Maû 35:6 - ÎVUKU RÎA ÛVORO MWARO

⁶ Thînjani ndûrûme ya pasaka na mwîtherie, na mûmîvarîrîrie nîûndû wa andû acio engî enyu nîguo makaavingia maûndû marîa Ngai-Mûnene aaririe na njîra ya Musa.”

2Maû 35:6 ပူးပေါင်းရင်းမြစ်များ

Kîam 35:2

Jakovu nîwerire andû a mûciî wake na arîa onthe maarî nake atîrî, “Tani ngai ng'eni irîa mûrî nacio, mwîtherie, mûrute nguo irîa mûrî nacio mwîkîre ciîngî.

1Maû 15:12

Nake nîwamerire atîrî, “Mue mûrî anene a mbarî cia Alawi. Îtherieni na mûtherie andû enyu nîguo mûvote kûreta îthandûkû rîa kîrîkanîro Kîam Ngai-Mûnene, Ngai wa Isiraeli rîvirwe vandû varîa nîrîvarîrîtie.

2Maû 29:15

Andû aya maagomanirie Alawi acio engî vamwe na nîmeetheririe. Nîmaacokire makîthiî hekarûrî kûmîtheria wata ûrîa maathîtwe nî mûthamaki kûringana na watho wa Ngai-Mûnene.

2Maû 29:34

Nwatî Athînjîri-Ngai maarî anini mûno na matingîavotire kûthînja nyamû icio cionthe cia matega ma kûvîvua. Kwoguo andû ao, Alawi nîmaamatethirie nginya wîra ûcio ûkîthira. Vîndî îo athînjîri-Ngai engî eengî nîmeetheretie. (Alawi meethagîrwa marî atheru gûkîra athînjîri-Ngai.)

2Maû 29:5

na akîmeera atîrî, “Tanthikîrîriani mue Alawi! Îîtherieni na mûtherie hekarû ya Ngai-Mûnene, Ngai wa methe menyu. Rutani indo cionthe irî mûgiro vandû varîa vatheru.

2Maû 30:3

nîûndû matiavota gûkûngûîra pasaka kavinda karîa kaarî kagîrîru nîûndû athînjîri-Ngai matiarî eganu, na andû matiagomanîte Jerusalemu.

2Maû 35:1

Mûthamaki Josia nîwakûngûîre pasaka ya Ngai-Mûnene arî Jerusalemu. Nîmaathînjire ndûrûme ya pasaka mûthenya wa îkûmi na îna wa mweri wa mbere.

2Maû 35:11

Nîmaaûragire ndûrûme cia pasaka, nao athînjîri-Ngai magîoca nthakame ya ndûrûme icio na makîmîminjaminja metharî ya kîgongoona, na Alawi makîithînja.

2Maû 35:7

Mûthamaki Josia nîwarutire kuuma ndîthiarî yake tûgondu na twori ngiri mîrongo îthatû (30,000), ndegwa ngiri ithatû (3,000) nîûndû wa andû arîa maarî vo irî matega ma pasaka.

2Maû 5:11

Athînjîri-Ngai onthe a ikundi cionthe arîa maagomanîte kuo nîmaaumire vandû varîa vatheru meyamûrîte na metheretie.

Ayubu 1:5

Wa kîrugo Kîamthira, Ayubu nîwetaga ciana ciake nîguo aitherie. Vuva wa kîrugo, nîwaramûkaga kîraûko tene mûno na akaruta îgongoona rîa kûvîvua rîa wa mwana, rîrî îgongoona rîa kûmatheria, “Nîûndû mavota kwîthîrwa marumîte Ngai ngororî ciao.”

Thaburi 51:7

Ntheria, na nî ngûthera; nthambia, na nî ngûcerûva gîkîra îra.

Ntha 12:6

Naguo mûthenya wa îkûmi na kana wa mweri, nîrîo andû onthe a Isiraeli makaathînja tûtûrûme tûu kîvwaî.

Ntha 19:10

nake Ngai-Mûnene akîmwîra atîrî, “Thiî kûrî andû na ûmeere metherie ûmûnthî na rûyû, na ûmeere atî nwanginya mathambie nguo ciao,

Ntha 19:15

Musa nîwamerire atîrî, “Îîvarîrieni mbere ya mûthenya wa kathatû na andû matikamenyane kîîmwîrî.”

Joeli 2:16

Ûnganiani andû vamwe; varîrîriani andû nîûndû wa kîûngano kîtheru; reteni andû arîa akûrû, ûnganiani ciana vamwe, wana ciana irîa ironga. Andû arîa maravikanirie nîmaume kwao nyomba maûke.