2Maû 35:22 - ÎVUKU RÎA ÛVORO MWARO

²² Kûnarî ûguo, Josia ndaatiga kûtharîkîra Neko, mûthamaki wa Misiri. Nîwaregire kûthikîrîria ûrîa Ngai aaugaga na njîra ya mûthamaki Neko. Kwoguo nîwerigaririe nîguo ndakamenyekane na nîwathiîre Megido kûndû kûrîa kwaraganu kûrûa.

2Maû 35:22 ပူးပေါင်းရင်းမြစ်များ

1Atha 14:2

Nake Jeroboamu nîwerire mûka atîrî, “Ûkîra wîgarûre nîguo ndûkamenyeke atî wî mûka wa Jeroboamu, na ûthiî Shilo, nîûndû kûu nîkuo mûrathi Ahija arî. Mûrathi Ahija nîke waugire atî nînie ngaatuîka mûthamaki wa Isiraeli.

1Atha 22:30

Ahabu nîwerire Jehoshafati atîrî, “Nie nînthiî mbaararî ndekîrîte nguo ciakwa cia ûthamaki, nwatî we ûthiî wîkîrîte nguo ciaku cia ûthamaki.” Kwoguo mûthamaki wa Isiraeli nîwathiîre mbaararî atekîrîte nguo ciake cia ûthamaki.

1Atha 22:34

Nwatî mûndû ûmwe wa Sîria nîwagucirie ûta wake aterîgîrîrîte na akîrathîra mûthamaki wa Isiraeli gatagatî ka ngo yake ya cuuma ya kûgitîra kîthûri na varîa indo icio ciîngî cia mbaara inyitithanîrîtue. Nake mûthamaki wa Isiraeli nîwerire mûndû ûrîa warugutaga gîkaari gîake Kîam mbaara augîrîrîtie atîrî, “Nînagurarua! Garûrûka na ûndute mbaararî!”

2Atha 23:30

Ndungata ciake nîciakuuire mwîrî wake na gîkaari Kîam mbarathi kuuma Megido na makîûvira Jerusalemu na makîûthika mbîrîrarî yake ke mwene. Andû a Juda nîmaacokire makîthuura Jehoahazi, mûvîcî wa Josia na nîmaamwîtîrîrie maguta agîtuîka mûthamaki.

2Atha 9:27

Rîrîa Ahazia, mûthamaki wa Juda oonire ûguo, nîwaûrire erekerete mwena wa Bethi Hagani. Jehu nîwamûrûmîrîrie na akîra andû ake mamûûrage. Nao nîmaamûrathire arî gîkaarirî gîake Kîam mbaara athiîte Guri arî vakuvî na îtûûra rîa Ibuleamu. Nwatî nîwaûrîre Megido, îtûûra rînene na agîkuîra kuo.

2Maû 18:29

Ahabu nîwerire Jehoshafati atîrî, “Tûkîthiî mbaararî, ngaathiî nîîrigarîtie, nwatî we ûgeekîra nguo ciaku cia ûthamaki.” Kwoguo mûthamaki wa Isiraeli nîwathiîre mbaararî erigarîtie.

2Maû 35:21

Nwatî Neko nîwatûmire anjaama ake kûrî Josia makamûrie atîrî, “Mûthamaki wa Juda, nie nawe tûrarutana kû? Tîwe nîratharîkîra, nwatî nî nthû ciakwa nîratharîkîra, na Ngai ambathîte mbîke ûguo na îvenya. Tiga kûregana na Ngai nîûndû arî mwena wakwa na ethîrwa tî ûtigana nanie nî agûkûûraga.”

2Maû 35:23

Nao andû arîa maarûaga na mîguî nîmaarathire mûthamaki Josia arî mbaararî, na nîwerire ndungata ciake atîrî, “Ndutani ava nîûndû nînagurarua mûno!”

Jeremia 22:15

Ûreciria we wî mûthamaki nîguo ûcindane na gûtuma nyomba na mîtarakwe? Aguo nîwarîre na akînyua, na akîonania kîvooto na ûthingu, na maûndû make maarî maro.

Zakaria 12:11

Vîndî îo Jerusalemu nîgûkaagîa na kîrîro kînene wata kîrîa Kîamrîrirwe Hadadi Rimoni vûrûrirî ûrîa mwaraganu wa Megido.

Josh 17:11

Mavûrûrirî marîa maagaîrwe Isakaru na Asheri kwarî na matûûra manene na icagi irîa ciarî vakuvî namo na maagaîrîtwe mûvîrîga wa Manase. Matûûra mau maarî: Bethi Shani na Ibileamu, Doru (rîrîa rîrî rûtere rwa îria), Endoru, Taanaki, Megido, vamwe na icagi irîa ciarî vakuvî namo.

Josh 9:14

Nao atongoria a Isiraeli nîmaamûkîre irio imwe kuuma kûrî andû a Gibeoni. Andû a Isiraeli nîmeetîkîre kûrûtha kîrîkanîro mbere ya gûtuîria ûvoro wakîo kuuma kûrî Ngai-Mûnene.

Kûguû 16:16

Nacio ngoma nîciaretire athamaki vamwe vandû vetagwa na rûthiomi rwa Kîyahudi Arimagedoni.

Atir 5:19

Athamaki nî maaûkire na makîrûa mbaara, athamaki a Kanaani maaûkire na makîrûa. Maarûîre Taanaki vakuvî na karûnjî ka Megido; nwatî matiatava wanarî sîlûva.

1Sam 28:8

Kwoguo Saûlo nîwegarûrire nîguo ndakamenyeke na nîwekîrire nguo ciîngî na makîthiî marî na andû engî aîrî kwona mûndûmûka ûcio ûtukû. Nake Saûlo nîwerire mûndûmûka ûcio atîrî, “Ta ragûra na njîra ya roho na ûndetere mûndû ûrîa ngûgweta.”