2Maû 35:21 - ÎVUKU RÎA ÛVORO MWARO

²¹ Nwatî Neko nîwatûmire anjaama ake kûrî Josia makamûrie atîrî, “Mûthamaki wa Juda, nie nawe tûrarutana kû? Tîwe nîratharîkîra, nwatî nî nthû ciakwa nîratharîkîra, na Ngai ambathîte mbîke ûguo na îvenya. Tiga kûregana na Ngai nîûndû arî mwena wakwa na ethîrwa tî ûtigana nanie nî agûkûûraga.”

2Maû 35:21 ပူးပေါင်းရင်းမြစ်များ

2Sam 16:10

Nwatî mûthamaki nîwerire Abishai na mûrwang'ina Joabu atîrî, “Ûcio tî wîra wenyu. Ethîrwa aranuma nîûndû nî Ngai-Mûnene ûmwîrîte eke guo, nîûrîkû ûrî na kîvooto gîa kûmûria areka ûguo nîkî?”

2Atha 18:25

Makîria ya ûguo, ûreciria ntharîkîrîte vûrûri waku na ngaûcûkangia ndavetwe rûtha nî Ngai-Mûnene? Ngai-Mûnene ke mwene nîke wambîrire nthiî ngaûtharîkîre na nîûcûkangie.”

2Maû 25:19

Rîu we Amazia, ûreîra na ngoro na ûgetîîa atî nîwavootire andû a Edomu, nwatî îkara wa kûu mûciî. Ûracaria thîna nîkî na îgatûma we na andû a Juda mwona thîna?”

2Maû 35:22

Kûnarî ûguo, Josia ndaatiga kûtharîkîra Neko, mûthamaki wa Misiri. Nîwaregire kûthikîrîria ûrîa Ngai aaugaga na njîra ya mûthamaki Neko. Kwoguo nîwerigaririe nîguo ndakamenyekane na nîwathiîre Megido kûndû kûrîa kwaraganu kûrûa.

Isaia 36:10

Makîria ya ûguo, ûreciria ntharîkîrîte vûrûri waku na ngaûcûkangia ndavetwe rûtha nî Ngai-Mûnene? Ngai-Mûnene nîke wambîrire nthiî ngaûtharîkîre na nîûcûkangie.”

Mathaayo 8:29

Na wa rîmwe andû acio nîmaaugîrîrie atîrî, “Ûrenda atîa natue we Mûriû wa Ngai? We waûka gûtûverithia îvinda rîrîa rîagîrîru rîtarî rîkinyu?”

Johana 2:4

Nake Jesû nîwerire ng'ina atîrî, “Twa nginya ûmbîre ûrîa mbagîrîrwe nî gwîka. Îvinda rîakwa tî rîkinyu.”