2Maû 35:17 - ÎVUKU RÎA ÛVORO MWARO

¹⁷ Nao andû a Isiraeli arîa maagomanîte vau nîmaakûngûîre pasaka kavinda kau na kîrugo Kîam mîgate îtarî mîkîre ndawa ya kwimbia îvinda rîa mîthenya mûgwanja (7).

2Maû 35:17 ပူးပေါင်းရင်းမြစ်များ

2Maû 35:16

Kwoguo wîra wonthe wa kûgooca Ngai-Mûnene, wa gûkûngûîra pasaka na kûrutîra matega ma kûvîvua metharî ya kîgongoona, warutirwe mûthenya ûcio wata ûrîa mûthamaki Josia aathanîte.

Ntha 12:1

Ngai-Mûnene nîwarîrie Musa na Aroni marî Misiri na akîmeera atîrî,

Ntha 23:15

Vîndî ya mweri wa Abibu, mweri ûrîa mwaumire Misiri, mûgaakenagîrîra kîrugo Kîam mîgate îtarî mîkîre ndawa ya kwimbia wata ûrîa namwathire. Îvinda rîa mîthenya mûgwanja mûkarîcaga mîgate îtarî mîkîre ndawa ya kwimbia vîndî ya kîrugo gîkî. Mûndû wana ûrîkû ndagaûke kûngooca atarî na kîndû gîa kûndutîra.

Ntha 34:18

“Ririkanaga kîrugo Kîam mîgate îrîa îtekîrîtwe ndawa ya kwimbia. Wata ûrîa nakwatha, ûkaarîcaga mîgate îtekîrîtwe ndawa ya kwimbia mîthenya mûgwanja mwerirî wa Abibu. Nîûndû mwerirî wa Abibu nîguo mwaumire Misiri.

Gûco 16:8

Mûkaarîcaga mîgate îtarî mîkîre ndawa ya kwimbia mîthenya îtandatû, naguo mûthenya wa mûgwanja mûkagomana vamwe kûgooca Ngai-Mûnene Ngai wenyu. Mûthenya ûcio mûtikarute wîra.