2Maû 35:14 - ÎVUKU RÎA ÛVORO MWARO

¹⁴ Vuva wa ûguo, Alawi nîmaavarîrîrie nyama ciao o ene na cia athînjîri-Ngai, nîûndû athînjîri-Ngai njiarwa cia Aroni maarî na wîra wa kûruta matega ma kûvîvua na ma nyama irîa noru nginya ûtukû.

2Maû 35:14 ပူးပေါင်းရင်းမြစ်များ

2Maû 35:13

Alawi nîmookirie nyama cia ndûrûme cia pasaka na mwaki kûringana na watho, magîcamûra nyama cia magongoona marîa matheru na nyûngû, thavuria na tûraî twa gûkarangîra. Nîmaacokire makîigaîra andû arîa mataarî athînjîri-Ngai na îvenya.

2Maû 35:15

Nao aini a nyîmbo kuuma mbarî ya Asafu nîmeekarîte varîa maathîtwe mekarage nî mûthamaki Daudi, Asafu, Hemani, na Jeduthuni ûrîa warî mwoni maûndû ma mûthamaki. Nao arangîri a ivingo mekarîte ivingorî irîa mekaragia. Gûtiarî na vata wao maume wîrarî nîûndû Alawi acio engî nîmaamavarîrîtie pasaka.

Ezira 3:10

Vîndî îrîa atumi a hekarû maarîkirie gûtuma mûcingi wayo, athînjîri-Ngai mekîrîte nguo ciao cia ûtungata nîmoocire tûrumbeta. Nao Alawi, ciana cia Asafu nîmoocire ithaani irîa iringithanagua rîrîa andû makwina nyîmbo, na onthe nîmaambîrîrie gûkumia Ngai-Mûnene kûringana na kîrîra kîrîa gîatigirwe nî Daudi mûthamaki wa Isiraeli.

Ezira 6:20

Athînjîri-Ngai na Alawi nîmaagîre na mambura ma kwîtheria nîguo matuîke etîkîrîku nîûndû wa kûgooca Ngai. Kwoguo Alawi nîmaaûragire tûtûrûme nîûndû wa îgongoona rîa pasaka ya andû onthe a Isiraeli arîa maacokete kuuma Babuloni îthamîriorî, na nîûndû wao wa vamwe na athînjîri-Ngai.