2Maû 35:11 - ÎVUKU RÎA ÛVORO MWARO

¹¹ Nîmaaûragire ndûrûme cia pasaka, nao athînjîri-Ngai magîoca nthakame ya ndûrûme icio na makîmîminjaminja metharî ya kîgongoona, na Alawi makîithînja.

2Maû 35:11 ပူးပေါင်းရင်းမြစ်များ

2Maû 29:34

Nwatî Athînjîri-Ngai maarî anini mûno na matingîavotire kûthînja nyamû icio cionthe cia matega ma kûvîvua. Kwoguo andû ao, Alawi nîmaamatethirie nginya wîra ûcio ûkîthira. Vîndî îo athînjîri-Ngai engî eengî nîmeetheretie. (Alawi meethagîrwa marî atheru gûkîra athînjîri-Ngai.)

2Maû 30:16

Athînjîri-Ngai na Alawi nîmeekarire wa andû varîa maagîrîrwe nî gwîkara wata ûrîa watho wa Musa, mûndû wa Ngai ugîte. Alawi nîmaanengere athînjîri-Ngai nthakame ya magongoona na makîmîminjaminja metharî ya kîgongoona.

2Maû 35:1

Mûthamaki Josia nîwakûngûîre pasaka ya Ngai-Mûnene arî Jerusalemu. Nîmaathînjire ndûrûme ya pasaka mûthenya wa îkûmi na îna wa mweri wa mbere.

2Maû 35:12

Nîmaacokire makîgaa nyamû cia matega ma kûvîvua kûringana na nyomba cia andû ao nîguo marutîre Ngai-Mûnene matega wata ûrîa kwandîkîtwe îvukuurî rîa Musa. Ûguo nwaguo maagaanirie wana ndegwa.

2Maû 35:6

Thînjani ndûrûme ya pasaka na mwîtherie, na mûmîvarîrîrie nîûndû wa andû acio engî enyu nîguo makaavingia maûndû marîa Ngai-Mûnene aaririe na njîra ya Musa.”

Ezira 6:20

Athînjîri-Ngai na Alawi nîmaagîre na mambura ma kwîtheria nîguo matuîke etîkîrîku nîûndû wa kûgooca Ngai. Kwoguo Alawi nîmaaûragire tûtûrûme nîûndû wa îgongoona rîa pasaka ya andû onthe a Isiraeli arîa maacokete kuuma Babuloni îthamîriorî, na nîûndû wao wa vamwe na athînjîri-Ngai.

Ndari 18:3

Makaarutaga mawîra marîa ûkaamavecaga, na matungatage îgemarî. Nwatî matiagîrîrwe nî gûkuvîvîria indo cia vandû varîa vatheru kana metha ya kîgongoona, nîûndû mûngîgeeka ûguo, we wana o, nî mûgaakua.

Ndari 18:7

Nwatî we na avîcî aku muenga mûkaarutaga na kinyi mawîra monthe marîa mûthînjîri-Ngai agîrîrwe nî kûruta metharî ya kîgongoona na varîa vatheru Mûno. Mau nîmo mawîra marîa mûkaarutaga, nîûndû nînîmûvete kîveo Kîam gûtuîka athînjîri-Ngai. Mûndû wîngî wa wonthe ûrîa ûgaakuvîvîria varîa vatheru Mûno nî akaaûragagwa.”