2Maû 34:8 - ÎVUKU RÎA ÛVORO MWARO

⁸ Mwakarî wa îkûmi na înana (18) Josia arî mûthamaki, nîwarîkîtie kûtheria vûrûri wa Juda wana hekarû. Nîwatûmire Shafani mûvîcî wa Azalia, Maaseia mûnene wa îtûûra na Joa mûvîcî wa Joahazu ûrîa warî karani mathiî magatume rîngî hekarû ya Ngai-Mûnene, Ngai wake.

2Maû 34:8 ပူးပေါင်းရင်းမြစ်များ

2Sam 20:24

Adoniramu nîke warî mûnene wa andû arîa maarutithagua wîra na vinya; nake Jehoshafati mûvîcî wa Ahiludi nîke wamenyagîrîra mandîko;

2Sam 8:16

Joabu, ûrîa ng'ina eetagwa Zeruia nîke warî mûnene wa athigari. Nake Jehoshafati mûvîcî wa Ahiludi nîke wamenyagîrîra mandîko.

1Maû 18:15

Nake Joabu mûvîcî wa Zeruia nîke warî mûnene wa athigari a mbaara. Jehoshafati mûvîcî wa Ahiludi aarî mûmenyereri wa mandîko.

2Maû 18:25

Ahabu, mûthamaki wa Isiraeli nîwathire mûnene wake ûmwe akîmwîra atîrî, “Nyita Mikaia na mûmûcokie kûrî Amoni, mûnene wa îtûûra na kûrî Joashi, mûvîcî wa mûthamaki,

2Maû 24:12

Mûthamaki na Jehoiada nîmaanengagîra mbeca kûrî arîa maarûngamagîrîra wîra wa gûtuma hekarû, nao nîmaandîkaga mavundi ma gûtuma nyomba na mathiga na a mbaû na andû arîa maarutaga wîra wa cuuma na gîcango nîguo matume hekarû rîngî kûrîa kwarî gûcûkangu.

2Maû 24:5

Nîwetire Alawi na athînjîri-Ngai vamwe na akîmeera mathiî matûûrarî monthe ma Juda maûnganie mbeca irîa ciagîrîrwe nî kûnganua mwaka wa mwaka kuuma kûrî andû onthe a Isiraeli cia gûtuma hekarû rîngî kûrîa gûcûkangu. Nîwamerire meke ûndû ûcio na îvenya, nwatî Alawi nîmaatururire.

Jeremia 21:1

Îno nîo ndûmîrîri îrîa yakinyîre Jeremia yumîte kûrî Ngai-Mûnene, rîrîa mûthamaki Zedekia aatûmire Pashuri mûvîcî wa Malikia, na Zefania mûthînjîri-Ngai mûvîcî wa Maseia, makamwîre atîrî,

Jeremia 25:3

“Îvinda rîa mîaka mîrongo îîrî na îthatû (23) kuuma mwaka wa îkûmi na îthatû Josia mûvîcî wa Amoni, arî mûthamaki wa Juda nginya ûmûnthî, Ngai-Mûnene ethîrîtwe akîmbarîria. Vîndî îo yonthe mbîthîrîtwe ngîmûva ndûmîrîri îo ndagûtigithîrîria, nwatî mue nîmwaregire kûmîthikîrîria.

Jeremia 26:24

Nwatî Jeremia ethagîrwa akîgitîrwa nî Ahikamu mûvîcî wa Shefani, nîguo ndakarekererue kûrî andû aûragwe.

Jeremia 29:21

“Ngai-Mûnene mwene vinya wonthe, Ngai wa Isiraeli nîarîtie ûvoro wîgiî Ahabu mûvîcî wa Kolaia na Zedekia mûvîcî wa Maaseia, arîa mararatha maûndû ma maveeni na rîîtwa rîakwa: Nîngûmanenganîra kûrî Nebukadinezarû Mûthamaki wa Babuloni nake nîakamaûraga mûkîonaga.

Jeremia 29:25

“Ngai-Mûnene mwene vinya wonthe, Ngai wa Isiraeli augîte atî, we nîûtûmîte maarûa na rîîtwa rîaku kûrî andû onthe arîa marî Jerusalemu na kûrî mûthînjîri-Ngai Zefania mûvîcî wa Maaseia, na kûrî athînjîri-Ngai arîa engî onthe ûkiugaga atî:

Jeremia 29:3

Elasa mûvîcî wa Shafani, na Gemaria mûvîcî wa Hilikia, nîo Zedekia mûthamaki wa Juda aatûmire mavirîre Nebukadinezarû mûthamaki wa Babulonia maarûa îo Jeremia andîkîte akauga atîrî:

Jeremia 36:10

Baruku nîwathomere andû onthe ciugo cia Jeremia irîa ciandîkîtwe îvukuurî rîa gîkûnjo, arî nyombarî ya Ngai-Mûnene kanyombarî ka Gemaria mûvîcî wa Shafani ûrîa warî mwandîki. Kanyomba kau kaarî mwena wa îgûrû vakuvî na mwîrîga mûcerû wa nyomba ya Ngai-Mûnene.

Jeremia 39:14

nîmaavirire Jeremia kûrî Gedalia mûvîcî wa Ahikamu, mûvîcî wa Shafani, nîguo amûvire gwake mûciî. Jeremia nîwekarire vamwe na andû arîa engî.

Jeremia 40:11

Ayahudi onthe arîa maarî Moabu, Amori, na Edomu na mavûrûri mau meengî, nîmegwire atî mûthamaki wa Babuloni nîwatigîte andû amwe Juda, na atî nîwathuurîte Gedalia mûvîcî wa Ahikamu, mûvîcî wa Shafani atuîke mûnene wao.

Ezek 8:11

Mbere ya mîvuanano îo kwarî na athuuri mîrongo mûgwanja a Isiraeli, na Jaazania mûvîcî wa Shafani arûngamîte vamwe nao. Wa mûndû agwete kathaani ga kûvîvîria ûbani, na ndogo ya ûbani nîyaumaga îkiunûkagia.