2Maû 34:32 - ÎVUKU RÎA ÛVORO MWARO

³² Mûthamaki nîwacokire akîra andû onthe arîa maarî Jerusalemu na Benjamini wanao mavingagie kîrîkanîro. Nao andû a Jerusalemu nîmaatûûrire marûmagîrîra kîrîkanîro Kîam Ngai-Mûnene, Ngai wa methe mao.

2Maû 34:32 ပူးပေါင်းရင်းမြစ်များ

Kîam 18:19

Nie nîmûthuurîte nîguo athe ciana ciake na njiarwa ciake imbathîkagîre, na ciîkage maûndû ma ûthingu na ma kîvooto. Ethîrwa nîmagwîka ûguo nîngaavingia maûndû monthe marîa nerîre Iburahimu.”

2Maû 14:4

Mûthamaki Asa nîwathire andû a Juda mekage wendi wa Ngai-Mûnene, Ngai wa methe mao na maathîkagîre mawatho na maathani make.

2Maû 15:12

Nîmaarûthire kîrîkanîro atî makaathîkagîra Ngai-Mûnene, Ngai wa methe mao na ngoro yonthe mwoyo wonthe.

2Maû 29:29

Rîrîa maathirire, mûthamaki na andû onthe arîa maarî nake nîmeenamîrîrie mothiû mao na makîgooca Ngai-Mûnene.

2Maû 30:12

Ngai nîwavotithirie andû onthe a Juda kûnyitana vamwe na makîathîkîra ûrîa mûthamaki na anene ake maathîtwe nî Ngai-Mûnene mameere.

2Maû 33:16

Nîwacokire agîtuma metha ya kîgongoona ya Ngai-Mûnene na akîrutîra magongoona ma thayû na ma gûcokia ngatho îgûrû rîayo. Nîwacokire akîatha andû onthe a Juda magooce Ngai-Mûnene, Ngai wa Isiraeli.

2Maû 34:31

Mûthamaki nîwarûngamire vandû vake na akîrûtha kîrîkanîro mbere ya Ngai-Mûnene, atî akaathîkagîra Ngai-Mûnene na avingagie maathani make, mawatho na matuîro ma ciira na ngoro yake yonthe na mwoyo wake wonthe, na ageekaga wata ûrîa ciugo irîa ciandîkîtwe îvukuurî rîa kîrîkanîro ciugîte.

2Maû 34:33

Mûthamaki Josia nîwathiririe mîvuanano yonthe îrîa yarî mûgiro vûrûrirî wonthe wa andû a Isiraeli na agîtûma andû onthe arîa maarî Isiraeli matungatagîre Ngai-Mûnene, Ngai wao. Andû matiatiga kûrûmîrîra Ngai-Mûnene, Ngai wa methe mao ûtûûrorî wonthe wa mûthamaki Josia.

Ezira 10:3

Kwoguo nîtûkûrûtha kîrîkanîro na Ngai wetû atî nwanginya twîngate aka aya na ciana ciao. Tûgeka wa ûrîa we na andû arîa metigîrîte maathani ma Ngai magaatûtaara twîke, na twîke ûrîa watho ugîte.

Mûvunjia 8:2

Athîkagîra mawatho ma mûthamaki, na nîûndû wa mwîvîtwa waku mûtheru ndûkaûrwe nî vinya.

Jeremia 3:10

Kûnarî ûguo, mwarwang'ina Juda ûrîa warî mûthaani, ndanjokerera na ngoro yonthe; nwatî aarî na ûvinga. Ûguo nîguo Ngai-Mûnene arauga.”